کمپیٹیشن کمیشن آف انڈیا (سی سی آئی) نے اڈانی پاور لمیٹڈ (حصول کنندہ) کی جانب سے جی وی کے انرجی لمیٹڈ (ہدف) کے 100 فیصد شیئر کیپیٹل کے حصول کی منظوری دے دی ہے۔

مجوزہ انضمام کے تحت اڈانی پاور لمیٹڈ کی جانب سے جی وی کے انرجی لمیٹڈ کے 100 فیصد حصص اور کنٹرول کا حصول شامل ہے۔ یہ حصول انسالونسی اینڈ بینکرپسی کوڈ 2016 کے تحت شروع کیے گئے کارپوریٹ دیوالیہ پن حل عمل کے مطابق کیا جا رہا ہے۔

اڈانی پاور لمیٹڈ بھارت میں قائم ایک عوامی کمپنی ہے، جس کے حصص بی ایس ای لمیٹڈ اور نیشنل اسٹاک ایکسچینج آف انڈیا لمیٹڈ میں درج ہیں۔ کمپنی بھارت میں نجی شعبے کی تھرمل پاور پیدا کرنے والی کمپنی ہے اور گجرات، مہاراشٹر، کرناٹک، راجستھان، چھتیس گڑھ، مدھیہ پردیش، جھارکھنڈ اور تمل ناڈو میں واقع تھرمل پاور پلانٹس چلاتی ہے۔ اس کے علاوہ گجرات میں 40 میگاواٹ کا ایک سولر پاور پلانٹ بھی اس کے زیرِ انتظام ہے۔

جی وی کے انرجی لمیٹڈ ایک پبلک لمیٹڈ کمپنی ہے، جسے جی وی کے پاور اینڈ انفراسٹرکچر لمیٹڈ کی ذیلی کمپنی کے طور پر قائم کیا گیا تھا۔ یہ کمپنی اپنی ذیلی کمپنی اے ایچ پی ایل کے ذریعے اتراکھنڈ کے سرینگر میں واقع 330 میگاواٹ ہائیڈرو الیکٹرک پاور پروجیکٹ سے بجلی پیدا کرنے کے شعبے میں سرگرم ہے۔ اے ایچ پی ایل کو آپریشن اور مینٹیننس خدمات جی وی کے انرجی لمیٹڈ کی جانب سے فراہم کی جاتی ہیں۔

کمیشن کا تفصیلی حکم بعد میں جاری کیا جائے گا۔

***********

ش ح۔ ف ش ع

                                                                                                                                       U: 6990

(ریلیز آئی ڈی: 2260440) وزیٹر کاؤنٹر : 5