ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ସୋମନାଥ ଅମୃତ ମହୋତ୍ସବରେ ତାଙ୍କ ଅଭିଭାଷଣର ଝଲକ ସେୟାର କରିଛନ୍ତି ପ୍ରଧାନମନ୍ତ୍ରୀ
ପୋଷ୍ଟ କରାଯିବା ଦିନାଙ୍କ:
11 MAY 2026 5:22PM by PIB Bhubaneswar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ସୋମନାଥ ଅମୃତ ମହୋତ୍ସବରେ ତାଙ୍କ ଅଭିଭାଷଣର ଝଲକ ସେୟାର କରି କହିଛନ୍ତି ଯେ ଏହି ମହୋତ୍ସବ କେବଳ ଅତୀତର ଉତ୍ସବ ନୁହେଁ, ବରଂ ଆଗାମୀ ଏକ ହଜାର ବର୍ଷ ପାଇଁ ଭାରତ ପାଇଁ ପ୍ରେରଣାର ପର୍ବ ମଧ୍ୟ।
'ଏକ୍ସ ’ ଉପରେ ଏକାଧିକ ପୋଷ୍ଟରେ ପ୍ରଧାନମନ୍ତ୍ରୀ ଲେଖିଛନ୍ତି:
"ସୋମନାଥ ଅମୃତ ମହୋତ୍ସବ କେବଳ ଅତୀତର ଉତ୍ସବ ନୁହେଁ। ଏହା ଆଗାମୀ ହଜାର ବର୍ଷ ପାଇଁ ଭାରତର ପ୍ରେରଣାର ପର୍ବ ମଧ୍ୟ ।’’
"୧୯୯୮ ମସିହାରେ ପୋଖରାନଠାରେ ହୋଇଥିବା ଆଣବିକ ପରୀକ୍ଷଣ ଦ୍ୱାରା ବିଶ୍ୱ ଭାରତର ବୈଜ୍ଞାନିକମାନଙ୍କ ସାମର୍ଥ୍ୟକୁ ହୃଦୟଙ୍ଗମ କରିଥିଲା। ଏହା ପରେ, ଦେଶ ଯେଉଁ ଶକ୍ତି ସହିତ ପ୍ରତ୍ୟେକ ପ୍ରକାରର ସଙ୍କଟର ମୁକାବିଲା କରିଥିଲା, ତାହା ବିଶ୍ୱକୁ ମଧ୍ୟ ଆଶ୍ଚର୍ଯ୍ୟ କରିଥିଲା ।’’
"ଆମ ଦେଶରେ ଏପରି ଅସଂଖ୍ୟ ମହାନ ବ୍ୟକ୍ତିତ୍ୱ ରହିଛନ୍ତି, ଯେଉଁମାନଙ୍କ ମଧ୍ୟରେ ଅଛନ୍ତି ସର୍ଦ୍ଦାର ପଟେଲ, ଡକ୍ଟର ରାଜେନ୍ଦ୍ର ପ୍ରସାଦ ଏବଂ କେ. ଏମ୍. ମୁନ୍ସୀ ଜୀ, ଯେଉଁମାନେ ସୋମନାଥଙ୍କ ସେବାରେ ନିଜର ସର୍ବସ୍ୱ ଉତ୍ସର୍ଗ କରିଥିଲେ। ତାଙ୍କର ପବିତ୍ର ସ୍ମୃତି ଆମକୁ ପ୍ରେରଣା ଦିଏ ଯେ ଆମେ ଭାରତୀୟମାନେ ଆମର ସାଂସ୍କୃତିକ ଐତିହ୍ୟକୁ ନିରନ୍ତର ଆଗକୁ ନେବାକୁ ପଡିବ ।’’
"ଆମର ସାଂସ୍କୃତିକ ସ୍ଥଳଗୁଡ଼ିକ ହଜାର ହଜାର ବର୍ଷ ଧରି ଭାରତର ପରିଚୟ ହୋଇ ରହିଛନ୍ତି। କିନ୍ତୁ ଦୁର୍ଭାଗ୍ୟବଶତଃ, ଦେଶରେ ଏବେ ମଧ୍ୟ ଏପରି କିଛି ଲୋକ ଅଛନ୍ତି ଯେଉଁମାନଙ୍କ ପାଇଁ ସୋମନାଥଙ୍କ ଭଳି ତୁଷ୍ଟିକରଣ ଜାତୀୟ ଗୌରବର ବିଷୟ ଅପେକ୍ଷା ଅଧିକ ଗୁରୁତ୍ୱପୂର୍ଣ୍ଣ ।’’
"ସାରା ଦେଶରେ ପବିତ୍ର ମନ୍ଦିରଗୁଡ଼ିକର ବିକାଶ କରିବାର ସୌଭାଗ୍ୟ ମୋତେ ମିଳିଛି। ପବିତ୍ର ସୋମନାଥ କମ୍ପ୍ଲେକ୍ସ ମଧ୍ୟ ଏହାର ଏକ ଦୃଢ ଉଦାହରଣ ।’’
"ଯେତେବେଳେ ୭୫ ବର୍ଷ ପୂର୍ବେ ନବୀକରଣ ହୋଇଥିବା ସୋମନାଥ ମନ୍ଦିର ଜୀବନ୍ତ ହେଲା, ଭାରତ ଏକ ନୂତନ ଯାତ୍ରା ଆରମ୍ଭ କଲା। ଆଜି ଏହି ଯାତ୍ରା ଅଧିକ ବ୍ୟାପକ ରୂପରେ ଆମ ସମ୍ମୁଖରେ ରହିଛି, ଯାହା ଆମକୁ ନୂତନ ଶିଖରକୁ ନେଇଯିବ ।’’
HS
(ରିଲିଜ ଆଡି: 2260096)
ପରିଦର୍ଶକ କାଉଣ୍ଟର : 3
ଏହି ରିଲିଜ ପଢନ୍ତୁ :
English
,
Urdu
,
Marathi
,
हिन्दी
,
Manipuri
,
Bengali
,
Assamese
,
Punjabi
,
Gujarati
,
Telugu
,
Kannada
,
Malayalam