பாதுகாப்பு ஆராய்ச்சி மற்றும் மேம்பாட்டு அமைப்பின் (டிஆர்டிஓ) பாதுகாப்பு ஆராய்ச்சி மற்றும் மேம்பாட்டு ஆய்வகம் (டிஆர்டிஎல்), அதிகமாக குளிர்விக்கப்படும் முழு அளவிலான ஸ்க்ராம்ஜெட் எரிப்பானின் விரிவான, நீண்ட கால சோதனையை வெற்றிகரமாக நடத்தி, ஹைப்பர்சோனிக் ஏவுகணைகளின் மேம்பாட்டில் ஒரு முக்கிய மைல்கல்லை எட்டியுள்ளது. ஹைதராபாத்தில் உள்ள அதிநவீன ஸ்க்ராம்ஜெட் இணைப்பு குழாய் சோதனை மையத்தில் மே 09, 2026 அன்று 1,200 வினாடிகளுக்கும் மேலான இயக்க நேரம் எட்டப்பட்டது.

 

இந்த எரிப்புக்கலன் டிஆர்டிஎல் நிறுவனத்தால் வடிவமைக்கப்பட்டு உருவாக்கப்பட்டு, தொழில் கூட்டாளர்களால் செயல்படுத்தப்பட்டுள்ளது. இந்த வெற்றிகரமான சோதனை, மேம்பட்ட விண்வெளித் திறன்களிலும், தொடர்ச்சியாக வளர்ந்து வரும் போர் தொழில்நுட்பங்களிலும் இந்தியாவை முன்னணியில் நிலைநிறுத்துகிறது. உள்நாட்டிலேயே உருவாக்கப்பட்ட திரவ ஹைட்ரோகார்பன் வெப்பம் உறிஞ்சும் எரிபொருள், உயர் வெப்பநிலை வெப்பத் தடுப்புப் பூச்சு மற்றும் மேம்பட்ட உற்பத்தி செயல்முறைகளைப் பயன்படுத்தும் அதிநவீன சூப்பர்சோனிக் வேகக் காற்று உள்ளிழுக்கும் இயந்திரத்தின் மூலம் இந்த குறிப்பிடத்தக்க சாதனை அடையப்பட்டுள்ளது. ஸ்க்ராம்ஜெட் இணைப்பு குழாய் சோதனை நிலையத்தில் நடத்தப்பட்ட தரைச் சோதனைகள், மேம்பட்ட செயல்மிகு குளிர்விக்கப்பட்ட ஸ்க்ராம்ஜெட் எரிப்புக்கலனின் வடிவமைப்பையும், அதிநவீன சோதனை ஆலையின் திறன்களையும் வெற்றிகரமாக உறுதிப்படுத்தியுள்ளன.

முழு அளவிலான, செயலூக்கத்துடன் குளிர்விக்கப்படும் நீண்ட நேர ஸ்க்ராம்ஜெட் எஞ்சினின் வெற்றிகரமான தரைச் சோதனைக்காக பாதுகாப்பு அமைச்சர் திரு ராஜ்நாத் சிங், டிஆர்டிஓ, தொழில் துறையினர் மற்றும் கல்வித்துறையினரைப் பாராட்டினார். இந்தச் சாதனையை, நாட்டின் ஹைப்பர்சோனிக் குரூஸ் ஏவுகணை மேம்பாட்டுத் திட்டத்திற்கு ஒரு உறுதியான அடித்தளம் என்று அவர் விவரித்தார்.

பாதுகாப்பு ஆராய்ச்சி மற்றும் மேம்பாட்டுத் துறையின் செயலாளரும், டிஆர்டிஓ  தலைவருமான டாக்டர் சமீர் வி காமத்தும், இந்தச் சோதனையுடன் தொடர்புடைய குழுக்களுக்கு வாழ்த்து தெரிவித்தார்.

மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும்: https://www.pib.gov.in/PressReleasePage.aspx?PRID=2259482&reg=3&lang=1

***

TV/RB/RJ

(வெளியீட்டு அடையாள எண்: 2259510) வருகையாளர் எண்ணிக்கை : 5