যোগাযোগ আৰু তথ্য প্ৰযুক্তি মন্ত্ৰালয়
কেন্দ্ৰীয় মন্ত্ৰী শ্ৰীজ্যোতিৰাদিত্য এম সিন্ধিয়া আৰু মহাৰাষ্ট্ৰৰ মুখ্যমন্ত্ৰী শ্ৰী দেৱেন্দ্ৰ ফাডনভিছে সংস্কাৰ সাধন কৰা আন্ধেৰী আৰ এছ ডাকঘৰ ‘জন সেৱা কানেক্ট’ৰ অধীনত ভৱিষ্যতৰ বাবে প্ৰস্তুত ডাকঘৰ হিচাপে উদ্বোধন কৰে
১৭খন ৰাজ্যৰ ৪০টা ডাকঘৰত কাৰ্যকৰী হৈ থকা প্ৰুফ-অফ-কনচেপ্ট পদক্ষেপৰ অধীনত নিৰ্বাচিত আন্ধেৰী আৰ এছ ডাকঘৰ; জন সেৱা কানেক্ট প্ৰকল্পৰ অধীনত উদ্বোধন হোৱা মহাৰাষ্ট্ৰৰ প্ৰথমটো ডাকঘৰ আৰু ভাৰতৰ এনেধৰণৰ দ্বিতীয়টো ডাকঘৰ হিচাপে পৰিগণিত হৈছে
পোষ্ট কৰা হৈছে:
09 MAY 2026 12:09PM by PIB Guwahati
উত্তৰ পূৰ্বাঞ্চলৰ কেন্দ্ৰীয় যোগাযোগ আৰু উন্নয়ন দপ্তৰৰ মন্ত্ৰী শ্ৰীযুত জ্যোতিৰাদিত্য এম সিন্ধিয়া আৰু মহাৰাষ্ট্ৰৰ মুখ্যমন্ত্ৰী শ্ৰী দেৱেন্দ্ৰ ফাডনভিছে ডাক বিভাগৰ প্ৰধান পদক্ষেপ জন সেৱা কানেক্টৰ অধীনত ২০২৬ চনৰ ৮ মে’ত মুম্বাইত সংস্কাৰ কৰা আন্ধেৰী ৰেলৱে ষ্টেচন (আৰ এছ) ডাকঘৰটো ভৱিষ্যতৰ বাবে প্ৰস্তুত ডাকঘৰ হিচাপে উদ্বোধন কৰে।
(মুম্বাইত জন সেৱা কানেক্টৰ অধীনত সংস্কাৰ সাধন কৰা আন্ধেৰী আৰ এছ ডাকঘৰ উদ্বোধন কৰে কেন্দ্ৰীয় মন্ত্ৰী শ্ৰীজ্যোতিৰাদিত্য এম. সিন্ধিয়া আৰু মুখ্যমন্ত্ৰী শ্ৰী দেৱেন্দ্ৰ ফাডনভিছে)
মূলতঃ ১৯৩২-৩৩ চনত স্থাপন হোৱা আন্ধেৰী আৰ এছ ডাকঘৰটোৰ ইণ্ডিয়া পোষ্টৰ পৰম্পৰাগত ডাকঘৰসমূহক আধুনিক, গ্ৰাহককেন্দ্ৰিক আৰু প্ৰযুক্তি-সক্ষম সেৱা কেন্দ্ৰলৈ ৰূপান্তৰিত কৰাৰ প্ৰচেষ্টাৰ অংশ হিচাপে সংস্কাৰ সাধন কৰা হৈছে। নতুন দিল্লীৰ স্কুল অৱ প্লেনিং এণ্ড আৰ্কিটেকচাৰৰ সৈতে অংশীদাৰিত্বৰে এই প্ৰকল্পটো হাতত লোৱা হৈছে।
(শেহতীয়াকৈ মুম্বাইত জন সেৱা কানেক্টৰ পদক্ষেপৰ অধীনত আন্ধেৰী আৰ এছ ডাকঘৰ উদ্বোধন কৰা হৈছে)
জন সেৱা কানেক্টৰ অধীনত ১৭খন ৰাজ্যৰ ৪০টা ডাকঘৰত ৰূপায়ণ হৈ থকা প্ৰুফ অৱ কনচেপ্ট (পিঅ’চি) পদক্ষেপৰ অধীনত আন্ধেৰী আৰ এছ ডাকঘৰক অন্যতম স্থান হিচাপে নিৰ্বাচিত কৰা হৈছে। এই পদক্ষেপৰ অধীনত মহাৰাষ্ট্ৰৰ প্ৰথমটো ডাকঘৰ আৰু দেশৰ ভিতৰতে দ্বিতীয়টো এনেধৰণৰ ডাকঘৰ উদ্বোধন কৰা হৈছে।
উন্নীতকৃত সুবিধাটোত আধুনিক আন্তঃগাঁথনি আৰু আভ্যন্তৰীণ, বৰ্ধিত গ্ৰাহকৰ সুবিধা, ডিজিটেল সংহতি, দক্ষ সেৱা প্ৰদান ব্যৱস্থা আৰু শক্তিশালী ব্ৰেণ্ডিং আৰু দৃশ্যগত পৰিচয়ৰ বৈশিষ্ট্য আছে।
১.৬৫ লাখৰো অধিক ডাকঘৰৰ নেটৱৰ্কৰ সৈতে ইণ্ডিয়া পোষ্টে সমগ্ৰ দেশতে বিত্তীয় অন্তৰ্ভুক্তি আৰু জনসেৱা প্ৰদানৰ ক্ষেত্ৰত গুৰুত্বপূৰ্ণ ভূমিকা পালন কৰি আহিছে। বিভাগটোৱে ২০২৫-২৬ চনৰ ভিতৰত মুঠ ডাক ৰাজহত ১৬% বৃদ্ধি লাভ কৰিছে, যিয়ে ইয়াৰ চলি থকা ৰূপান্তৰ পদক্ষেপৰ প্ৰভাৱ প্ৰতিফলিত কৰিছে।
(জন সেৱা কানেক্টৰ অধীনত সংস্কাৰ সাধন কৰা আন্ধেৰী আৰ এছ ডাকঘৰৰ উদ্বোধনী উপলক্ষ্যে বিশেষ কভাৰ মুকলি কৰে বিশিষ্ট ব্যক্তিসকলে।)
জন সেৱা কানেক্টৰ পদক্ষেপৰ অধীনত সংস্কাৰ সাধন কৰা আন্ধেৰী আৰ এছ ডাকঘৰ উদ্বোধনী অনুষ্ঠানত কেন্দ্ৰীয় যোগাযোগ মন্ত্ৰী আৰু ড’নেৰ শ্ৰীযুত জ্যোতিৰাদিত্য এম সিন্ধিয়া, মহাৰাষ্ট্ৰৰ মুখ্যমন্ত্ৰী শ্ৰীযুত দেৱেন্দ্ৰ ফাডনভিছ, মহাৰাষ্ট্ৰ আৰু গোৱা চক্ৰৰ মুখ্য পোষ্ট মাষ্টাৰ জেনেৰেল শ্ৰী অমিতাভ সিঙৰ লগতে অন্যান্য জ্যেষ্ঠ বিশিষ্ট ব্যক্তিসকলে বিশেষ কভাৰ মুকলি কৰে।
এই অনুষ্ঠানত বিধায়ক শ্ৰী হাৰুণ খান, শ্ৰী ৰূপেশ সাৱৰকাৰ আৰু শ্ৰী আচাৰ্য পৱন ত্ৰিপাঠীও উপস্থিত থাকে।
সভাত ভাষণ দি কেন্দ্ৰীয় মন্ত্ৰী শ্ৰীজ্যোতিৰাদিত্য এম সিন্ধিয়াই কয় যে এই পদক্ষেপে প্ৰধানমন্ত্ৰী শ্ৰী নৰেন্দ্ৰ মোদীৰ নেতৃত্বত আধুনিক, ভৱিষ্যদ্বাণীমূলক আৰু নাগৰিককেন্দ্ৰিক ডাক আন্তঃগাঁথনি নিৰ্মাণৰ দৃষ্টিভংগী প্ৰতিফলিত কৰিছে।
মুখ্যমন্ত্ৰী শ্ৰী দেৱেন্দ্ৰ ফাডনভিছে মানুহক সংযোগ কৰি সমাজৰ শেষ মাইললৈকে সেৱা প্ৰদানৰ ক্ষেত্ৰত ইণ্ডিয়া পোষ্টৰ ভূমিকাৰ বিষয়ে আলোকপাত কৰে।
জন সেৱা কানেক্ট হৈছে ইণ্ডিয়া পোষ্টৰ ফ্লেগশ্বিপ আন্তঃগাঁথনি আধুনিকীকৰণ পদক্ষেপ যাৰ লক্ষ্য হৈছে ডাকঘৰসমূহক সুলভ, দক্ষ আৰু ডিজিটেলভাৱে সৱল সামূহিক সেৱাৰ কেন্দ্ৰ হিচাপে গঢ়ি তোলাৰ কথা কল্পনা কৰা হৈছে। ইণ্ডিয়া পোষ্টে এই পদক্ষেপৰ অধীনত সমগ্ৰ মহাৰাষ্ট্ৰত প্ৰায় ২০০০ ডাকঘৰ উন্নীতকৰণৰ প্ৰস্তাৱ আগবঢ়াইছে।
***
NJ/ARJ/DM
(ৰিলিজ আই ডি : 2259494)
অতিথি কক্ষ : 5