نیتی آیوگ نے آئی آئی ایم احمد آباد ، گیٹس فاؤنڈیشن اور حکومت گجرات کے ساتھ شراکت داری میں ریاستی امدادی مشن (ایس ایس ایم) کے تحت آئی آئی ایم احمد آباد میں پائیدار ترقیاتی اہداف (ایس ڈی جی)5: صنفی مساوات پر ورکشاپ کا انعقاد کیا۔ اس ورکشاپ کا مقصد ایس ڈی جی 5 پر ریاستی اور ضلعی رپورٹس کا آغاز کرنا اور خواتین کی قیادت میں ترقی کو تیز کرنے کے لیے ان کے نتائج کو پھیلانا تھا۔

ورکشاپ کےد وران ریاستوں اور مرکز کے زیر انتظام علاقوں کے سینئر سرکاری عہدیداروں ، حکومت ہند کی مختلف وزارتوں ، اقوام متحدہ اور بین الاقوامی ایجنسیوں (یو این ڈی پی ، یونیسیف ، یو این ڈبلیو او ای این ، ورلڈ بینک وغیرہ  کے نمائندوں کو اکٹھا کیاگیا)تاکہ این جی اوز اور زمینی سطح پر  کام کرنے والے دیگر ماہرین کے ساتھ مل کر ضلعی سطح پر شواہد پر مبنی کارروائی کرنے کے لیے بصیرت کا اشتراک کیاجاسکے۔  تکنیکی اجلاسوں میں ایس ڈی جی 5 کی نگرانی اور ثبوت کے نظام ، خواتین کو معاشی طور پر بااختیار بنانے اور خواتین کو سماجی طور پر بااختیار بنانے پر توجہ مرکوز کی گئی۔

افتتاحی اجلاس میں خواتین اور بچوں کی بہبود کی وزیر محترمہ انپورنا دیوی ، حکومت گجرات کی وزیر (ڈبلیو سی ڈی) ڈاکٹر منیشا وکیل ، نیتی آیوگ کے ممبر ڈاکٹر ایم سری نواس ، اقوام متحدہ کے رہائشی رابطہ کار (یو این آر سی) بھارت کے جناب اسٹیفن پریسنر اور آئی آئی ایم-اے کے ڈائریکٹر پروفیسر بھرت بھاسکر کے علاوہ دیگر معززین نے بھی شرکت کی۔

افتتاحی اجلاس کے دوران  خواتین اور بچوں کی بہبود کی وزیر محترمہ انپورنا دیوی نے ایس ڈی جی 5 ریاستی اور ضلعی رپورٹس جاری کیں اور متحرک پالیسی سازی کے لیے اچھے ڈیٹا ، ٹیکنالوجی پر مبنی نگرانی اور مقررہ وقت پر تشخیص کے ساتھ مضبوط ایکو  نظام کی اہمیت کواجاگر کیا ۔  خواتین اور بچوں کی بہبود، سماجی انصاف اور تفویض اختیارات کے محکمے ، حکومت گجرات کی وزیر ڈاکٹر منیشا وکیل نے نفاذ کی اہمیت ، ہم آہنگی کو گہرا کرنے اور مقامی ضروریات اور حقائق کے لیے ذمہ دار اقدامات کی اہمیت پر زور دیا۔  نیتی آیوگ کے رکن ڈاکٹر ایم سری نواس نے زور دے کر کہا کہ یہ رپورٹ ضلعی سطح پر کامیابیوں اور ترجیحی شعبوں کی نشاندہی کرنے  2030 کے اہداف کی طرف پیش رفت کی حمایت کرنے اور ریاستوں اور عالمی سطح پر کامیابی کی کہانیوں کو شیئر کرنے کے قابل بنائے گی۔  آئی آئی ایم ، احمدآباد کے ڈائریکٹر پروفیسر بھرت بھاسکر نے خواتین کاروباریوں کے لیے آئی آئی ایم-احمدآباد کے ذریعے نافذ کردہ پروگراموں پر روشنی ڈالی۔اقوام متحدہ کے ہندوستان  میں رہائشی رابطہ کار (یو این آر سی) جناب اسٹیفن پریسنر نے اس بات پر زور دیا کہ ہر ضلع اور پنچایت میں خواتین اور لڑکیوں تک پہنچنے والی مقامی طور پر چلنے والی ایس ڈی جی کی پیش رفت وکست بھارت 2047 کے وژن میں براہ راست حصہ ڈالے گی۔

ایس ڈی جی 5 پر ریاستی اور ضلعی رپورٹیں پالیسی کی مختصر معلومات ہیں ، جو ترقی کے لیے اعداد و شمار کی حوصلہ افزائی کرتی ہیں تاکہ بصیرت پیدا کی جا سکے اور وقت کے ساتھ پیش رفت کی نگرانی کی جا سکے ، جس سے صنفی مساوات پر زیادہ پرزور اقدامات اور بجٹ کی صف بندی کو قابل بنایا جا سکے۔

ورکشاپ کے تکنیکی سیشنز میں شواہد پر مبنی پالیسی سازی کو مضبوط بنانے، خواتین کی معاشی بااختیاری کو فروغ دینے اور پائیدار ترقی کے ہدف 5 ایس ڈی جی 5 کی طرف پیش رفت کو تیز کرنے کے لیے کمیونٹی کی قیادت میں طریقۂ کار اپنانے پر توجہ مرکوز کی گئی۔مباحثوں میں اس بات پر زور دیا گیا کہ صنفی اعتبار سے جدا جدا ڈیٹا کے نظام کو مزید مضبوط کیا جائے، ضلعی سطح پر نگرانی کے فریم ورک قائم کیے جائیں، صنفی طورپر حساس بجٹ سازی کو فروغ دیا جائے، ہنرمندی کی ترقی، مالی شمولیت، نگہداشت کے شعبے کی معاونت اور معیاری روزگار و کاروباری مواقع تک بہتر رسائی کو یقینی بنایا جائے۔ بات چیت کے دوران رویوں میں تبدیلی لانے والے اقدامات اور زمینی سطح کے ادارہ جاتی نظام کی اہمیت پر بھی زور دیا گیا تاکہ صنفی سماجی تصورات کو تبدیل کیا جا سکے اور خواتین کی سماجی و معاشی فیصلہ سازی میں شمولیت کو بڑھایا جا سکے۔

ورکشاپ  کے دوران مجموعی طور پر صنفی مساوات کو آگے بڑھانے کے لیے وسیع پالیسی نقطہ نظر سے زیادہ متنوع  ، ضلع پر مرکوز حکمت عملی کی طرف بڑھنے کی اہمیت کو تقویت دی گئی ۔  بات چیت سے یہ ظاہر ہوا کہ کس طرح ایس ڈی جی 5 ریاست اور ضلع کا تجزیہ اعداد و شمار اور شواہد پر مبنی فیصلہ سازی کی حمایت کرنے کے لیے ایک اہم ذریعہ کے طور پر کام کر سکتا ہے ، جس سے ریاستیں اور اضلاع مقامی چیلنجوں کو بہتر طور پر سمجھنے اور سیاق و سباق سے متعلق اقدامات کو ڈیزائن کرنے کے قابل بن سکتے ہیں۔  ورکشاپ مسلسل تعاون اور پالیسی مدد کے ذریعے ریاستوں اور اضلاع کے ساتھ گہری وابستگی کی طرف ایک اہم قدم ہے۔  اس پہل کے ذریعے پیدا ہونے والی بصیرت ریاستوں کو ترجیحی شعبوں کی نشاندہی کرنے ، اسکیموں میں ہم آہنگی کو مضبوط بنانے ، نگرانی کے نظام کو بہتر بنانے ، مقامی ضروریات کے ساتھ بجٹ کو ہم آہنگ کرنے  اور ایس ڈی جی 5 کی طرف پیش رفت کو تیز کرنے کے لیے شواہد کو قابل اطلاق حکمت عملی میں تبدیل کرنے میں مدد کرے گی۔

******

(ش ح۔ م ع۔ت ا(

U.No.6823

(ریلیز آئی ڈی: 2259160) وزیٹر کاؤنٹر : 9