প্রধানমন্ত্রীগী লোইশঙ
প্রধান মন্ত্রীনা বিহার সরকারদা হন্দক্তা ৱাশক লৌখিবা মন্ত্রীশিংদা নুংঙাইবা ফোংদোকখ্রে
প্রধান মন্ত্রীনা বিহারগী মীয়াম্না তরাম্না ওক্লকখিবা অমসুং সপোর্ত তৌবীরকখিবগীদমক থাগৎপা ফোংদোকখ্রে
থাগৎখিবা:
07 MAY 2026 7:09PM by PIB Imphal
প্রধান মন্ত্রী, শ্রী নরেন্দ্র মোদীনা বিহার সরকারদা মন্ত্রী ওইনা ৱাশক লৌখ্রবা পুম্নমকপু থাগৎপা ফোংদোকখ্রে অমসুং মখোয় পুম্নমক্তা য়াইফ-পাউজেল পীখ্রে।
প্রধান মন্ত্রীনা হায়খি মদুদি রাজ্য অসিগী চাউখৎ-থৌরাংগী মায়কৈদা মখোয়গী অচেৎপা ফিরেপ্না বিহারবু চাউখৎপগী অনৌবা থাক্তা পুখৎকনি হায়না মহাক্না থাজবা থম্লি। মহাক্না মপাঙ্গল কনবা বিহার অমসুং চাউখৎপা ভারত অমা শেমগৎনবা ৱারেপ অদু মপুং ফাহন্নবগীদমক পুন্না থবক তৌমিন্ননবা মীপুম খুদিংমক্তা হায়জখি।
প্রধান মন্ত্রীনা মহাক্কী পতনা খোংচৎ মনুংদা বিহারগী মীয়ামদগী ফংলকখিবা নুংশিবা অমসুং য়াইফ-পাউজেলগীদমক্তশু থাগৎপা ফোংদোকখি।
মহাক্না হায়খি মদুদি মহাকপু তরাম্না ওকপীরকপা অদুদা মহাক্না হায়নিংঙাই লৈতনা নুংঙাইবা ফাওখি অমসুং মীয়ামগী মতেং অমসুং পুক্নিং থৌগৎপগীদমক থাগৎপা ফোংদোকখি। প্রধান মন্ত্রীনা হায়খি মদুদি মীয়ামগী মরক্তা ঙক্নিংঙাই মওংদা থৱাই য়াওবা অসিনা সরকারনা চাউখৎপা অমসুং মীয়ামগী সেবাগীদমক লৌরিবা ফিরেপ অসিগীদমক্তা মীয়াম্না য়াম্না কন্না সপোর্ত তৌই হায়বদু ময়েং শেংনা মমি তাই।
প্রধান মন্ত্রীনা Xতা অসুম্না ইখি;
“বিহারগী এন.দি.এ. সরকারদা মন্ত্রী ওইনা ৱাশক লৌগদৌরিবা মরুপশিং পুম্নমকপু থমোই শেংনা নুংঙাইবা ফোংদোকচরি অমসুং য়াইফ-পাউজেল পীজরি! রাজ্য অসিগী চাউখৎ-থৌরাংগীদমক্তা অদোমগী অচেৎপা ফিরেপ্না ঐখোয়গী রাজ্য অসি চাউখৎপগী অনৌবা থাক্তা পুখৎকনি হায়না ঐহাক্না থাজবা থম্লি। লাক্লো, ঐখোয় পুন্না মপাঙ্গল কনবা বিহার অমসুং চাউখৎপা ভারত অমা শেমগৎনবা ফিরেপ অদুবু মঙফাওনহল্লসি।”
“পতনাদা লৈরিবা বিহারগী ঐগী ইমুং-মনুংশিংগী মীনুংশি অমসুং থৌজাল ফংজদুনা ঐহাক হায়নিংঙাই লৈতনা নুংঙাইবা ফাওই! ময়াম পুম্নমকপু তরাম্না ওকপগীদমক থমোই শেংনা থাগৎচরি! ময়ামগী থোইদোক-হেন্দোকপা মওংদা থৱাই য়াওবা অসিনা তাক্লি মদুদি চাউখৎপা অমসুং মীয়ামগী সেবা তৌবগীদমক্তা লৌরিবা ঐখোয়গী ফিরেপ অসিদা মীয়ামগী মাইকৈদগী মপুং ফানা শৌগৎলি হায়বদু ময়েক শেংনা তাক্লি।”
***
(রিলিজ আই.দি.: 2258930)
ভিজিতর কাউন্তর : 5
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam