حکومتِ ہند آٹھ سالہ مدت کے لیے 6003.65 کروڑ روپے کے بجٹ کے ساتھ نیشنل کوانٹم مشن (این کیوایم)نافذ کر رہی ہے تاکہ کوانٹم ٹیکنالوجیز میں تحقیق، ترقی اور اختراع کو فروغ دیا جا سکے۔ اس مشن کے تحت مالی سال2024-25میں چار موضوعاتی مراکز (ٹی-ہبس) قائم کیے گئے ہیں، یعنی کوانٹم کمپیوٹنگ (قیادت: آئی آئی ایس سی بنگلورو)، کوانٹم کمیونیکیشنز (قیادت: آئی آئی ٹی مدراس)، کوانٹم سینسنگ (قیادت: آئی آئی ٹی بامبے) اور کوانٹم میٹریلز (قیادت: آئی آئی ٹی دہلی)۔یہ موضوعاتی  مراکز ، 14 تکنیکی گروپس پر مشتمل ہیں جن میں 17 پروجیکٹ ٹیمیں شامل ہیں اور ان کے ذریعے 17 ریاستوں اور 2 مرکز کے زیر انتظام علاقوں کے 43 اداروں سے تعلق رکھنے والے مجموعی طور پر 152 محققین کو یکجا کیا گیا ہے، جن میں مہاراشٹر بھی شامل ہے۔ یہ مراکز اب مکمل طور پر فعال ہیں اور ٹیکنالوجی کی ترقی، انسانی وسائل کی ترقی، کاروباری صلاحیتوں کے فروغ، صنعت کے ساتھ اشتراک اور بین الاقوامی تعاون سمیت مختلف سرگرمیوں میں مصروف ہیں۔

مہاراشٹر سے تعلق رکھنے والے جو ادارے ان تھیمیٹک ہبز میں بطور مرکزی یا شراکت دار (رکن) ادارے شامل ہیں، ان میں انڈین انسٹی ٹیوٹ آف ٹیکنالوجی  بامبے، انڈین انسٹی ٹیوٹ آف سائنس ایجوکیشن اینڈ ریسرچ (آئی آئی ایس ای آر) پونے اور ٹاٹا انسٹی ٹیوٹ آف فنڈامنٹل ریسرچ (ٹی آئی ایف آر) ممبئی شامل ہیں۔ آئی آئی ٹی بامبے، کوانٹم سینسنگ اینڈ میٹرولوجی ہب کا میزبان ادارہ ہے، جبکہ دیگر ادارے مختلف تکنیکی شعبوں کے تحت بطور مرکزی اور رکن ادارے حصہ لے رہے ہیں۔

اداروں، منظور شدہ منصوبوں اور فنڈنگ کی تفصیلات درج ذیل جدول میں دی گئی ہیں:

 

 

 

یہ مشن آٹھ سالہ مدت کے لیے ہے۔ تاہم، اس کے نفاذ کو مجموعی طور پر تین ادوار یعنی 3 سال، 5 سال اور 8 سال میں تقسیم کیا گیا ہے۔ مشن کے اہم اہداف درج ذیل ہیں:

 

1. 3 سال، 5 سال اور 8 سال کی مدت میں بالترتیب 20-50 فزیکل کیوبٹس، 50-100 فزیکل کیوبٹس، اور 50-1000 فزیکل کیوبٹس پر مشتمل درمیانی درجے کے کوانٹم کمپیوٹرز تیار کرنا۔
2. ہندوستان کے اندر 2000 کلومیٹر کے فاصلے تک دو زمینی اسٹیشنوں کے درمیان سیٹلائٹ پر مبنی محفوظ کوانٹم مواصلاتی نظام تیار کرنا، نیز دیگر ممالک کے ساتھ طویل فاصلے کی محفوظ کوانٹم مواصلات قائم کرنا۔
3. موجودہ آپٹیکل فائبر پر ویولینتھ ڈویژن ملٹی پلیکسنگ کے ذریعے قابلِ اعتماد نوڈز کے ساتھ 2000 کلومیٹر تک بین اضلاع کوانٹم کی ڈسٹری بیوشن تیار کرنا۔
4. کوانٹم میموریز، اینٹینگلمنٹ سویپنگ اور ہر نوڈ پر ہم آہنگ کوانٹم ریپیٹرز (2-3 نوڈز) کے ساتھ کثیر نوڈی کوانٹم نیٹ ورک تیار کرنا۔
5. ایٹمی نظاموں میں 1 فیمٹو-ٹیسلا/زمرہ ہٹز(ایچ زیڈ) حساسیت کے حامل میگنیٹومیٹرز اور نائٹروجن ویکینسی سینٹرز میں 1 پیکو-ٹیسلا/√(ایچ زیڈ) سے بہتر حساسیت والے آلات تیار کرنا؛ نیز ایٹمز کے ذریعے 100 نینو میٹر/سیکنڈ² سے بہتر حساسیت والی گریویٹی پیمائش اور 10⁻¹⁹ فریکشنل انسٹیبلٹی رکھنے والی ایٹمی گھڑیاں تیار کرنا تاکہ درست وقت بندی، مواصلات اور نیویگیشن ممکن ہو سکے۔
6. کوانٹم کمپیوٹنگ اور مواصلات کے لیے کوانٹم ڈیوائسز کی تیاری کے مقصد سے کوانٹم مواد، جیسے سپر کنڈکٹرز، جدید سیمی کنڈکٹر ڈھانچے، اور ٹوپولوجیکل میٹریلز کا ڈیزائن اور ترکیب کرنا۔
7. نیشنل کوانٹم مشن (این کیو ایم) کے تحت مہاراشٹر کے اداروں، جن میں آئی آئی ٹی بمبئی، آئی آئی ایس ای آر پونے، اور ٹی آئی ایف آر ممبئی شامل ہیں، نے تحقیق، صلاحیت سازی، اسٹارٹ اپس اور ٹیکنالوجی کی ترقی میں اہم کردار ادا کیا ہے۔

 

کوانٹم ٹیکنالوجیز میں انڈرگریجویٹ تدریسی لیبارٹریز کے لیے جاری کردہ کال کے تحت، وی این آئی ٹی ناگپور کو ہندوستان بھر کے 23 اداروں میں منتخب کیا گیا ہے تاکہ کوانٹم ٹیکنالوجیز میں عملی تربیت فراہم کی جا سکے۔ مزید برآں، آئی آئی ایس ای آر پونے، ٹی آئی ایف آر ممبئی، اور آئی آئی ٹی بمبئی کو کوانٹم الگورتھمز سے متعلق تکنیکی گروپس کے تحت منتخب کیا گیا ہے۔آئی آئی ٹی بامبے میں قائم کوانٹم سینسنگ اینڈ میٹرولوجی ہب نے تین پروٹوٹائپس تیار کیے ہیں، یعنی پورٹیبل میگنیٹومیٹر، کوانٹم ڈائمنڈ مائیکروسکوپ، اور نینو پوزیشنر۔مہاراشٹر میں تحقیقی گروپس نے کوانٹم ٹیکنالوجیز کے شعبے میں تقریباً 10 تحقیقی اشاعتیں شائع کی ہیں اور تقریباً 500 شرکاء کو تربیت فراہم کی ہے۔کاروباری سرگرمیوں اور صنعت کے ساتھ اشتراک کو مشن کے اہم مقاصد میں شامل کیا گیا ہے۔ اسی مناسبت سے، ٹی-ہبس نے کوانٹم ٹیکنالوجیز میں اسٹارٹ اپس کی معاونت کے لیے ایک مسلسل کال شروع کی ہے۔ مہاراشٹر سے تعلق رکھنے والے ایک اسٹارٹ اپ، یعنی کیوپریوگ پرائیویٹ لمیٹیڈکو اس کے تحت معاونت فراہم کی گئی ہے۔

نیشنل کوانٹم مشن، ایک ملک گیر پہل ہے، جسے ٹی-ہبز، تعلیمی اداروں، تحقیق و ترقی کی لیبارٹریوں، اسٹارٹ اپس اور صنعتی شراکت داروں کے باہمی تعاون سے نافذ کیا جا رہا ہے۔ مشن کے تحت جاری سرگرمیاں، جن میں تحقیقی منصوبے، فیلوشپس، تربیتی پروگرام، اسٹارٹ اپ معاونت اور صلاحیت سازی کے اقدامات شامل ہیں، ملک بھر کے محققین، طلبہ اور خواتین سمیت کاروباری افراد کے لیے کھلے ہیں۔مزید برآں، آئی آئی ٹی بامبےمیں قائم کوانٹم سینسنگ اینڈ میٹرولوجی ہب کے تحت آٹھ خواتین محققین کو فیلوشپس دی گئی ہیں، جن میں سے تین کا تعلق مہاراشٹر سے ہے۔ اس کے علاوہ، مختلف تربیتی اور مہارت افزا پروگراموں کے ذریعے تقریباً 220 خواتین شرکاء کو کوانٹم سائنس اور ٹیکنالوجی کے شعبے میں تربیت فراہم کی گئی ہے۔

نیشنل کوانٹم مشن کے تحت ٹیکنالوجی کی ترقی اور مہارتوں کی ترقی کو ٹی-ہب کے ذریعے انجام دیا جاتا ہے، جس میں تعلیمی ادارے، تحقیق و ترقی کے ادارے، اسٹارٹ اپس اور صنعتی شراکت دار شامل ہوتے ہیں۔ یہ ہب صنعت کی شمولیت اور باہمی رابطوں کو آسان بناتے ہیں، جو ٹیکنالوجی کی منتقلی اور خاص طور پر ایم ایس ایم ایز اور اسٹارٹ اپس تک اس کی ترسیل میں معاون ہوتے ہیں۔

مزید برآں، آئی آئی ایس ای آر پونے میں کوانٹم ٹیکنالوجی کے شعبے میں قائم ٹیکنالوجی انوویشن ہب (ٹی آئی ایچ) نے سائی-کام سافٹ ویئر انڈیا پرائیویٹ لمیٹڈ کے تعاون سے تیار کردہ مقامی آئی کوانٹرول آربٹریری ویو فارم جنریٹر (اے ڈبلیو جی) کے ذریعے ٹیکنالوجی کی منتقلی کو ممکن بنایا ہے۔

 

یہ معلومات آج لوک سبھا میں سائنس و ٹیکنالوجی اور ارضیاتی سائنسز کی وزارت کے وزیر مملکت (آزادانہ چارج) ڈاکٹر جتیندر سنگھ نے ایک تحریری جواب میں فراہم کیں۔

 

************

 

 

 

 ش ح –ع ح  -م ر

UR. No. 6757

(रिलीज़ आईडी: 2258720) आगंतुक पटल : 17