سائنس ٹیکنالوجی اختراعی پالیسی اور سفارت کاری کے شعبوں میں تعاون کو مضبوط بنانے کے لیے قومی سائنس کمیونیکیشن و پالیسی ریسرچ انسٹی ٹیوٹ (آر آئی ایس سی پی آر) نے 6 مئی 2026 کو ترقی پذیر ممالک کے لیے تحقیق و معلوماتی نظام (آر آئی ایس) کے ساتھ ایک مفاہمت نامے (ایم او یو) پر دستخط کیے۔ یہ تعاون مشترکہ تحقیق، پالیسی تجزیے، استعدادِ کار میں اضافہ اور علمی تبادلے کے ذریعے انجام دیا جائے گا۔یہ شراکت سائنس پالیسی، سائنسی ابلاغ، سفارت کاری اور روایتی علم کے شعبوں میں کام کو فروغ دے گی، جبکہ جامع اور پائیدار ترقی کے لیے مشترکہ منصوبوں، اشاعتوں، پالیسی ڈائیلاگ، ورکشاپس اور عوامی رابطہ سرگرمیوں کو بھی آگے بڑھائے گی۔

آر آئی ایس کے ڈائریکٹر جنرل پروفیسر سچن کمار شرما نے اپنے استقبالیہ خطاب میں اعتماد سازی اور موسمیاتی تبدیلی، صحت اور ٹیکنالوجی میں عدم مساوات جیسے عالمی چیلنجوں سے نمٹنے کے لیے سائنسی سفارتکاری کو ایک اہم ذریعہ قرار دیا۔ انہوں نے سائنسی حکمرانی کی تشکیل میں ترقی پذیر ممالک کے کردار پر بھی زور دیا۔انہوں نے آر آئی ایس کی مختلف پہلوں کا خاکہ پیش کیا، جن میں آئی ٹی ای سی کورسز، آئی جی او ٹی کرم یوگی ٹریننگ، انڈین سائنس ڈپلومیسی فورم کی اشاعتیں، اور جنوبی تعاون و آئی بی ایس اے فیلوشپس کے ذریعے عالمی شراکت داری شامل ہیں۔

سی ایس آئی آر-این آئی ایس سی پی آر کی ڈائریکٹر ڈاکٹر گیتا وانی رائے سم نے اس شراکت داری کو ترقی پذیر ممالک کے لیے ایک باہمی تعاون پر مبنی اور باہمی فائدہ مند اقدام قرار دیا، جو ورکنگ گروپس اور مشترکہ اشاعتوں پر مرکوز ہے۔انہوں نے سائنس کمیونیکیشن اور پالیسی ریسرچ میں این آئی ایس سی پی آر کے کردار کے ساتھ ساتھ سی ایس آئی آر کے تحقیق و ترقی کے نظام، کم لاگت ایچ آئی وی ادویات کی جدت، روایتی علم کی توثیق، دیہی اختراعات، اور 15 اوپن ایکسیس جرائد پر بھی روشنی ڈالی۔

آر آئی ایس کے سائنسی مشیر ڈاکٹر ایس کے وارشنے نے مساوات، خودمختاری اور مانگ پر مبنی شراکت داری پر مبنی ترقی پذیر ممالک کے درمیان سائنسی تعاون کی اہمیت پر زور دیا، جس کا مقصد مخصوص حالات کے مطابق حل، ٹیکنالوجی کے تبادلے اور مضبوط صحت کے نظام قائم کرنا ہے۔آر آئی ایس کے اسسٹنٹ پروفیسر ڈاکٹر امت کمار نے اس تعاون کو ایک اہم پیش رفت قرار دیا، جس میں آر آئی ایس کی پالیسی مہارت اور سی ایس آئی آر کی سائنسی صلاحیتوں کا امتزاج ہے، جسے سائنس ڈپلومیسی پر منعقدہ گول میز کانفرنس نے مزید مضبوط بنایا ہے۔

ڈاکٹر راجن سدیش رتنا نے ترقی پذیر ممالک میں ترقی کے ایک محرک کے طور پر سائنسی سفارتکاری اور تعاون کو مضبوط بنانے میں جنوب اور آر آئی ایس کے کردار پر روشنی ڈالی۔

 

سی ایس آئی آر-این آئی ایس سی پی آر کے چیف سائنٹسٹ ڈاکٹر یوگیش سمن نے دیہی روزگار اور پائیدار ترقی کے لیے سی ایس آئی آر ٹیکنالوجیز کے فروغ میں این آئی ایس سی پی آر کے کردار پر زور دیا۔انڈین ٹریڈیشنل میڈیسن فورم (ایف آئی ٹی ایم) کے کوآرڈینیٹر ڈاکٹر سیرین این ایس نے روایتی علم اور طب کو ترقی پذیر ممالک کے درمیان تعاون کے بنیادی ستونوں کے طور پر اجاگر کیا، جبکہ ڈاکٹر مونیکا جگی اور ڈاکٹر چارو لتا نے سواستک جیسےاقدامات کے ذریعے سائنسی سفارتکاری  اور روایتی علم کے فروغ میں این آئی ایس سی پی آر کے کردار کو اجاگر کیا۔

اس موقع پر تمام معزز شخصیات نے تین اہم دستاویزوں کا اجراء کیا جن میں ، “بھارت-کوریا سائنس و ٹیکنالوجی تعاون: مستقبل کی مشترکہ تشکیل” (سن جیو کے وارشنے، امت کمار اور سنیہا سنہا)؛“بھارت کے سیمی کنڈکٹر ایکونظام کو مضبوط بنانے پر ورکشاپ کی کارروائی: پالیسیاں، چیلنجز اور مواقع” (ڈاکٹر شیو نارائن نشاد، ڈاکٹر وپن کمار، ڈاکٹر نریش کمار، ڈاکٹر سندھیا لکشمنن) اور پالیسی بلیٹن: “بھارتی ریاستوں میں سڑک ٹرانسپورٹ سے پیدا ہونے والی ذرّاتی آلودگی کے اہم عوامل” (ڈاکٹر سندھیا لکشمنن) شامل ہیں۔

آر آئی ایس کی مشیر ڈاکٹر سنیہا سنہا نے کہا کہ سائنسی سفارتکاری پر ورکشاپس اور تحقیق سمیت سابقہ تعاون نے مستقبل میں روابط کے لیے ایک مضبوط بنیاد فراہم کی ہے۔انہوں نے بھارت-افریقہ فورم اجلاس سے قبل ترقی پذیر ممالک میں بھارت-افریقہ تعاون پر مرکوز سائنسی سفارتکاری سے متعلق گول میز کانفرنس کی اہمیت کو اجاگر کیا اور ٹیکنالوجی کے تبادلے اور سائنسی سفارتکاری کے نقطۂ نظر کو ایک مشترکہ رپورٹ میں یکجا کرنے پر زور دیا۔

 

***

 

 

 

ش ح۔ع و۔اش ق

 (U: 6752)       

(ریلیز آئی ڈی: 2258701) وزیٹر کاؤنٹر : 11