زراعت اور کسانوں کی بہبود اور دیہی ترقی کے مرکزی وزیر جناب شیوراج سنگھ چوہان ’’فروٹ ہورائزن 2026‘‘سے متعلق اہم تقریبات میں شرکت کے لیے 6 اور 7 مئی کو لکھنؤ ، اتر پردیش کا دورہ کریں گے۔

مرکزی وزیر زراعت جناب شیوراج سنگھ چوہان کی موجودگی میں منعقد ہونے والی اس دو روزہ تقریب کا مقصد ملک میں پھلوں کی پیداوار، معیار میں اضافہ، پروسیسنگ اور برآمدات کو فروغ دینا ہے۔ اس پروگرام کا مقصد کسانوں، سائنسدانوں، برآمد کنندگان اور دیگر شراکت داروں کو ایک مشترکہ پلیٹ فارم پر لانا ہے، تاکہ پھلوں کے شعبے کو ایک نئی سمت فراہم کی جا سکے۔

6 مئی کو ہوٹل رینیساں، گومتی نگر، لکھنؤ میں مرکزی وزیر جناب شیوراج سنگھ چوہان برآمد کنندگان اور دیگر شراکت داروں کے ساتھ براہ راست بات چیت کریں گے۔ پروگرام کے مطابق، وزیر آج شام بعد میں ترقی پسند برآمد کنندگان سے ملاقات کریں گے اور برآمد کنندگان ، ڈائریکٹرز اور دیگر شراکت داروں کے ساتھ بھی بات چیت کریں گے۔ اس بات چیت میں پھلوں کی برآمدات بڑھانے، بازار کے چیلنجوں کو سمجھنے اور اس شعبے کے لیے بہتر حکمت عملی وضع کرنے پر توجہ مرکوز کی جائے گی۔

توقع ہے کہ بات چیت سے ملک کی پھلوں کی تجارت کو تقویت ملے گی اور کسانوں کے لیے بہتر مواقع پیدا ہوں گے۔

کلیدی پروگرام 7 مئی کو آئی سی اے آر-سینٹرل انسٹی ٹیوٹ فار سب ٹراپیکل ہارٹیکلچر (سی آئی ایس ایچ) رحمان کھیڑا، لکھنؤ میں منعقد ہوگا ۔ پروگرام کے مطابق، صبح 10 بجے سے مرکزی وزیر جناب شیوراج سنگھ چوہان کسانوں ، نرسری  سے وابستہ شراکت دار اور پروسیسنگ سیکٹر کے نمائندوں کے ساتھ بات چیت کریں گے۔ اس کے بعد مرکزی اجلاس ہوگا، جس میں اتر پردیش حکومت کے وزراء جناب سوریہ پرتاپ شاہی اور جناب دنیش پرتاپ سنگھ بھی شرکت کریں گے۔

پروگرام کے وسیع تر ایجنڈے میں معیار میں بہتری، برآمدات ، ویلیو ایڈیشن، زیرو ریجیکشن  اور پھلوں کے شعبے کو مضبوط بنانے میں ایف پی اوز، ایف پی سیز اور ایس ایچ جی کے کردار پر بات چیت شامل ہے۔ توقع ہے کہ اس تقریب سے باغبانی اور پھلوں کی برآمدات میں اختراع ، ٹیکنالوجی کو اپنانے اور بازار کے مواقع کے لیے نئے راستے کھلیں گے۔

لکھنؤ کی تقریب کو اتر پردیش کے ساتھ ساتھ ملک بھر میں پھلوں کے شعبے کی ترقی کو تیز کرنے کی سمت میں ایک اہم قدم کے طور پر دیکھا جا رہا ہے۔ پروگرام کے دوران مرکزی حکومت اور اتر پردیش حکومت کے سینئر عہدیداروں کے ساتھ کئی سینئر سائنسدان بھی موجود رہیں گے۔

****

ش ح۔ع و۔ ن ع

UR-6714

(ریلیز آئی ڈی: 2258460) وزیٹر کاؤنٹر : 11