ಮುಂಬೈ-ಅಹಮದಾಬಾದ್ ಬುಲೆಟ್ ರೈಲು ಯೋಜನೆಗಾಗಿ ಮಣಿನಗರದ ಅಮ್ದವಾಡ್-ವಡೋದರಾ ರೈಲ್ವೆ ಮಾರ್ಗದ ಮೇಲೆ ಎಲ್ಲಾ ಐದು (05) ಪ್ರಿಕಾಸ್ಟ್-ಪ್ರಿಸ್ಟ್ರೆಸ್ಡ್ ಹೆವಿ ಪೋರ್ಟಲ್ ಬೀಮ್‌ಗಳನ್ನು (ಗಿರ್ಡರ್‌ಗಳು) ಕೇವಲ 22 ದಿನಗಳಲ್ಲಿ ಯಶಸ್ವಿಯಾಗಿ ಅಳವಡಿಕೆ ಮಾಡಲಾಗಿದ್ದು, ಇದು ಎಂಜಿನಿಯರಿಂಗ್ ವಲಯದಲ್ಲಿ ಮಹತ್ವದ ಮೈಲಿಗಲ್ಲಾಗಿದೆ.

ನಿಖರವಾಗಿ ಯೋಜಿಸಲಾದ ಅನುಕ್ರಮದಲ್ಲಿ 2026 ರ ಏಪ್ರಿಲ್ 8, 13, 19, 24 ಮತ್ತು 29 ರಂದು ಅಳವಡಿಕೆ ಚಟುವಟಿಕೆ ಕೈಗೊಳ್ಳಲಾಯಿತು. ಇದು ಸಕ್ರಿಯ ಭಾರತೀಯ ರೈಲ್ವೆ ಹಳಿಗಳ ಮೇಲೆ ಅಸಾಧಾರಣ ಸಮನ್ವಯ, ವೇಗ ಮತ್ತು ಕಾರ್ಯಗತಗೊಳಿಸುವಿಕೆಗೆ ಸಾಕ್ಷಿಯಾಯಿತು. ಸರಿಸುಮಾರು 1360 ಮೆಟ್ರಿಕ್ ಟನ್ ತೂಕದ ಅತ್ಯಂತ ಭಾರವಾದ ಬೀಮ್ ಅನ್ನು 2026ರ ಏಪ್ರಿಲ್ 8 ರಂದು ಮೇಲೇತ್ತಲಾಯಿತು, ಇದು ಕಾರ್ಯಾಚರಣೆಯ ರೈಲ್ವೆ ಮಾರ್ಗಗಳ ಮೇಲೆ ಈವರೆಗೆ ಕೈಗೊಂಡ ಅತ್ಯಂತ ಭಾರವಾದ ಲಿಫ್ಟ್‌ಗಳಲ್ಲಿ ಒಂದಾಗಿದೆ. ಐದು ಬೀಮ್‌ಗಳಲ್ಲಿ ಪ್ರತಿಯೊಂದೂ 1170 ಎಂಟಿ ಮತ್ತು 1360 ಎಂಟಿ ನಡುವೆ ತೂಕವಿದ್ದವು, ಇವು ರೈಲ್ವೆ ಮೂಲಸೌಕರ್ಯದಲ್ಲಿ ಅಳವಡಿಸುತ್ತಿರುವ ಅತ್ಯಂತ ಸಂಕೀರ್ಣವಾದ ರಚನಾತ್ಮಕ ಕಾರ್ಯಾಚರಣೆಗಳಲ್ಲಿ ಒಂದಾಗಿದೆ.

ಮಣಿನಗರದಲ್ಲಿ ಬುಲೆಟ್ ರೈಲು ಜೋಡಣೆಯು ಅಸ್ತಿತ್ವದಲ್ಲಿರುವ ರೈಲ್ವೆ ಹಳಿಗಳ ಮೇಲೆ ಎತ್ತರದ ಮಟ್ಟದಲ್ಲಿ ಓರೆಯಾದ ಮತ್ತು ನಿರ್ಬಂಧಿತ ರೇಖಾಗಣಿತದೊಂದಿಗೆ ಹಾದುಹೋಗುತ್ತದೆ,ಇದಕ್ಕೆ ಎಚ್ಚರಿಕೆಯ ರಚನಾತ್ಮಕ ಯೋಜನೆ ಅಗತ್ಯವಿರುತ್ತದೆ. ಎರಡು ಪಿಲ್ಲರ್‌ (ಪಿಯರ್‌)ಗಳ ನಡುವಿನ ಅಂತರವು ತುಲನಾತ್ಮಕವಾಗಿ ದೊಡ್ಡದಾಗಿದೆ (ಸುಮಾರು 30 ಮೀ ನಿಂದ 34 ಮೀ), ಇದು ಲೋಡ್‌ಗಳನ್ನು ಸುರಕ್ಷಿತವಾಗಿ ವರ್ಗಾಯಿಸಲು ಪೋರ್ಟಲ್ ಕಿರಣಗಳಂತಹ ಬಲವಾದ ಮತ್ತು ಕಠಿಣ ಬೆಂಬಲ ವ್ಯವಸ್ಥೆಯನ್ನು ಮತ್ತಷ್ಟು ಬಯಸುತ್ತದೆ.

ಈ ಸ್ಥಳದಲ್ಲಿರುವ ಪೋರ್ಟಲ್ ಬೀಮ್‌ಗಳನ್ನು ಅಮ್ದವಾಡ್-ವಡೋದರಾ ಯುಪಿ, ಡೌನ್ ಮತ್ತು ಮೂರನೇ ಮಾರ್ಗಗಳು ಸೇರಿದಂತೆ ಬಹು ಸಕ್ರಿಯ ಭಾರತೀಯ ರೈಲ್ವೆ ಹಳಿಗಳ ಮೇಳೆ ಅಳವಡಿಸಲು ಭಾರವಾದ ರಚನೆಗಳಾಗಿ ವಿನ್ಯಾಸಗೊಳಿಸಲಾಗಿದೆ. ಅವುಗಳ ದೊಡ್ಡ ಗಾತ್ರ ಮತ್ತು ತೂಕವು ವರ್ಧಿತ ಸ್ಥಿರತೆ ಮತ್ತು ಕನಿಷ್ಠ ವಿಚಲನವನ್ನು ಒದಗಿಸುತ್ತದೆ, ಇದು ನಿಖರವಾದ ಹಳಿ ಜೋಡಣೆಯನ್ನು ಕಾಯ್ದುಕೊಳ್ಳಲು ಮತ್ತು ಅಂತಹ ಕಾರ್ಯನಿರತ ರೈಲ್ವೆ ಹಳಿಯಲ್ಲಿ ಸುರಕ್ಷಿತ ಕಾರ್ಯಾಚರಣೆಗಳನ್ನು ಖಾತ್ರಿಪಡಿಸಿಕೊಳ್ಳಲು ಅವಶ್ಯಕವಾಗಿದೆ.

ಭಾರತೀಯ ರೈಲ್ವೆ ಹಳಿಗಳ ಮೇಲೆ ಭಾರತದಲ್ಲಿ ಮೊದಲ ಬಾರಿಗೆ ಬಳಸಲಾಗುವ 2200 ಎಂಟಿ ಕ್ರಾಲರ್ ಕ್ರೇನ್ ಅನ್ನು ಪ್ರಾಥಮಿಕ ಸಾಧನವಾಗಿ ಬಳಸಿಕೊಂಡು ಅಳವಡಿಕೆ ಚಟುವಟಿಕೆ ನಡೆಸಲಾಯಿತು. ಪ್ರತಿ ಪೋರ್ಟಲ್ ಬೀಮ್ ಅನ್ನು ಕೇವಲ 3.5 ಗಂಟೆಗಳಲ್ಲಿ ಮೇಲೆತ್ತಲಾಯಿತು, ಇದು ಹಿಂದಿನ 9-ಗಂಟೆಗಳ ಬ್ಲಾಕ್‌ಗಳಿಗಿಂತ ಗಮನಾರ್ಹವಾಗಿ ವೇಗವಾಗಿದೆ ಮತ್ತು ಭಾರತೀಯ ರೈಲ್ವೆಯೊಂದಿಗೆ ನಿಕಟ ಸಮನ್ವಯದಲ್ಲಿದೆ. ಸೀಮಿತ ಸ್ಥಳ, ಒ ಎಚ್ ಇ (ಓವರ್-ಹೆಡ್ ವಿದ್ಯುದೀಕರಣ) ಮತ್ತು ಸಕ್ರಿಯ ರೈಲ್ವೆ ಹಳಿಗಳಂತಹ ಸವಾಲುಗಳ ಹೊರತಾಗಿಯೂ ಕಾರ್ಯಾಚರಣೆಯನ್ನು ಹೆಚ್ಚಿನ ನಿಖರತೆ, ಕಟ್ಟುನಿಟ್ಟಾದ ಸುರಕ್ಷತಾ ಕ್ರಮಗಳ ಪರಿಶೀಲನೆ ಮತ್ತು ನಿರಂತರ ಮೇಲ್ವಿಚಾರಣೆಯೊಂದಿಗೆ ಕಾರ್ಯಗತಗೊಳಿಸಲಾಯಿತು.

ಹೆಚ್ಚುವರಿ ಮಾಹಿತಿ:

ಪೋರ್ಟಲ್ ಬೀಮ್ 34 ಮೀಟರ್ ಉದ್ದದ 5.5 ಮೀಟರ್ x 4.5 ಮೀಟರ್ ಕ್ರಾಸ್‌ -ಸೆಕ್ಷನ್ ನನ್ನು ಹೊಂದಿರುವ ಪ್ರಿಕಾಸ್ಟ್ ಕಾಂಕ್ರೀಟ್ ರಚನೆಯಾಗಿದೆ. ಈ ಬೀಮ್‌ಗಳನ್ನು ಸ್ಥಳದಲ್ಲಿ ಪ್ರಿಕಾಸ್ಟ್ ಮಾಡಲಾಗುತ್ತಿದೆ ಮತ್ತು ಭಾರೀ ಸಂಯೋಜಿತ ಘಟಕಗಳಾಗಿ ಸ್ಥಾಪಿಸಲಾಗುತ್ತಿದೆ.

 

*****

 

(ಪ್ರಕಟಣೆ ಐ.ಡಿ.: 2257955) ವಿಸಿಟರ್ ಕೌಂಟರ್ : 13