ریلوے، اطلاعات و نشریات اور الیکٹرانکس و انفارمیشن ٹیکنالوجی کے مرکزی وزیر جناب اشونی ویشنو نے آج لوک سبھا میں پوچھے گئے سوالات کے جواب میں بتایا کہ بھارتی ریلویز (آئی آر) میں ٹرین آپریشنز کی حفاظت کو اولین ترجیح حاصل ہے۔ اسی سلسلے میں ریلوے کے اُن راستوں پر حفاظتی باڑ لگانے کا کام شروع کیا گیا ہے جہاں ٹرینوں کی رفتار 110 کلومیٹر فی گھنٹہ سے زیادہ ہے، یا جہاں حادثات اور غیر مجاز ٹریک عبور کرنے کے امکانات زیادہ ہوتے ہیں۔ اس اقدام کا بنیادی مقصد ٹریک پر غیر قانونی داخلے کو روکنا اور ٹرین کےمحفوظ نقل وحمل کو یقینی بنانا ہے۔

اسی کے ساتھ ساتھ پیدل افراد، مویشیوں اور چھوٹی گاڑیوں کے محفوظ گزرنے کے لیے مختلف مقامات پر انڈر پاسز (پیدل چلنے والوں کے لئے سب ویز) بھی فراہم کیے جا رہے ہیں، جنہیں حفاظتی باڑ کے ساتھ مربوط کیا جا رہا ہے۔

لوناولہ–پونے–داؤند روٹ پر اس مقصد کے لیے 209.38 کروڑ روپےکے منصوبے کو منظور دی گئی ہے جس کے تحت تقریباً 290 کلومیٹر طویل باڑ اور متعلقہ سب ویز کی تعمیر شامل ہے۔ اس پورے سیکشن کا ٹینڈر جاری کیا جا چکا ہے، اور اب تک تقریباً 150 کلومیٹر کاکام مکمل کیا جا چکا ہے۔

زون وار تفصیلات کے مطابق ریلوے ٹریکس کے ساتھ حفاظتی باڑ کی تنصیب مختلف ریلوے زونز میں جاری ہے، تاکہ پورے نیٹ ورک میں حفاظت اور آپریشنل معیار کو مزید بہتر بنایا جا سکے۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔  ش م۔ع ن)

U. No. 6489

(ریلیز آئی ڈی: 2256880) وزیٹر کاؤنٹر : 17