ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಯುವ ವ್ಯವಹಾರಗಳು ಮತ್ತು ಕ್ರೀಡಾ ಸಚಿವರ ಚಿಂತನ ಶಿಬಿರವು ಶ್ರೀನಗರದಲ್ಲಿ ಇಂದು ಪ್ರಾರಂಭವಾಯಿತು. ಸಂಘಟಿತ ಕ್ರಮ, ವ್ಯವಸ್ಥಿತ ಸುಧಾರಣೆಗಳು, ನೀತಿ ಒಮ್ಮುಖ ಮತ್ತು ತಳಮಟ್ಟದ ಅನುಷ್ಠಾನದ ಮೂಲಕ ಭಾರತದ ಕ್ರೀಡಾ ಪರಿಸರ ವ್ಯವಸ್ಥೆಯನ್ನು ಬಲಪಡಿಸುವ ಕುರಿತು ಕೇಂದ್ರೀಕೃತ ಚರ್ಚೆಗಳು ನಡೆದವು.

ಉದ್ಘಾಟನಾ ಅಧಿವೇಶನವನ್ನುದ್ದೇಶಿಸಿ ಮಾತನಾಡಿದ ಕೇಂದ್ರ ಯುವ ವ್ಯವಹಾರಗಳು ಮತ್ತು ಕ್ರೀಡಾ ಸಚಿವ ಡಾ. ಮನ್ಸುಖ್ ಮಾಂಡವಿಯಾ ಅವರು, ಭಾರತದ ಕ್ರೀಡಾ ಮಹತ್ವಾಕಾಂಕ್ಷೆಗಳನ್ನು ನೆಲದ ಮೇಲೆ ಅನುಷ್ಠಾನಗೊಳಿಸುವ ಮೂಲಕ ಸಾಕಾರಗೊಳಿಸಲಾಗುತ್ತದೆ ಎಂದು ಹೇಳುವ ಮೂಲಕ ಚರ್ಚೆಗಳಿಗೆ ಧ್ವನಿ ನೀಡಿದರು.

"ಜಾಗತಿಕ ಕ್ರೀಡಾ ಶಕ್ತಿ ಕೇಂದ್ರವಾಗಲು ನಮ್ಮ 10 ವರ್ಷಗಳ ಮಾರ್ಗಸೂಚಿ ಕೇವಲ ಕಾಗದದ ಮೇಲೆ ಉಳಿಯಬಾರದು, ಅದು ಪ್ರತಿ ಆಟದ ಮೈದಾನ, ಪ್ರತಿ ಜಿಲ್ಲೆ ಮತ್ತು ಪ್ರತಿ ಯುವ ಕನಸಿನಲ್ಲಿ ಜೀವಂತವಾಗಿರಬೇಕು." - ಕೇಂದ್ರ ಕ್ರೀಡಾ ಸಚಿವರಾದ ಡಾ. ಮನ್ಸುಖ್ ಮಾಂಡವಿಯಾ ಹೇಳಿದರು.

ಜಮ್ಮು ಮತ್ತು ಕಾಶ್ಮೀರದ ಗೌರವಾನ್ವಿತ ಲೆಫ್ಟಿನೆಂಟ್ ಗವರ್ನರ್ ಮನೋಜ್ ಸಿನ್ಹಾ ಅವರು ಚಿಂತನ ಶಿಬಿರದಲ್ಲಿ ಭಾಗವಹಿಸಿದರು ಮತ್ತು ಭಾರತವನ್ನು ಕ್ರೀಡೆಗಳ ಶಕ್ತಿ ಕೇಂದ್ರವನ್ನಾಗಿ ಮಾಡುವ ದೃಷ್ಟಿಕೋನವನ್ನು ಅವರು ಶ್ಲಾಘಿಸಿದರು.

 

ನೀತಿ ಅಳವಡಿಕೆಯಿಂದ ಸಕ್ರಿಯ ಅನುಷ್ಠಾನಕ್ಕೆ ಸಾಗಲು ಕೇಂದ್ರ ಕ್ರೀಡಾ ಸಚಿವರು ರಾಜ್ಯಗಳಿಗೆ ಕರೆ ನೀಡಿದರು, ಜಿಲ್ಲೆಗಳು, ತರಬೇತಿ ವ್ಯವಸ್ಥೆಗಳು ಮತ್ತು ತಳಮಟ್ಟದ ಕ್ರೀಡಾ ಪರಿಸರ ವ್ಯವಸ್ಥೆಗಳಲ್ಲಿ ಗೋಚರಿಸುವ ಫಲಿತಾಂಶಗಳಿಂದ ನಿಜವಾದ ಪ್ರಗತಿಯನ್ನು ಅಳೆಯಲಾಗುತ್ತದೆ ಎಂದು ಅವರು  ಹೇಳಿದರು.

 

"ಖೇಲೋ ಭಾರತ್ ಮಿಷನ್ ಕೇವಲ ಅಂಕಿ ಅಂಶವಲ್ಲ, ಇದು ನಮ್ಮ ಯುವಕರ ಶಕ್ತಿ ಮತ್ತು ರಾಷ್ಟ್ರದ ಬದ್ಧತೆಯ ಪ್ರತಿಬಿಂಬವಾಗಿದೆ" ಎಂದು ಅವರು ಹೇಳಿದರು.

ರಾಜ್ಯ ಸರ್ಕಾರಗಳು ಮತ್ತು ಕ್ರೀಡಾ ಒಕ್ಕೂಟಗಳ ನಡುವಿನ ದೀರ್ಘಕಾಲದ ಸಂಪರ್ಕ ಕಡಿತಗೊಳಿಸಲು ಡಾ. ಮಾಂಡವಿಯ ಕರೆ ನೀಡಿದರು, ಬಲವಾದ ಮತ್ತು ಏಕೀಕೃತ ಪ್ರತಿಭಾ ಪೈಪ್‌ಲೈನ್ ನಿರ್ಮಿಸಲು ಹತ್ತಿರದ ಹೊಂದಾಣಿಕೆಯನ್ನು ಅವರು ಒತ್ತಾಯಿಸಿದರು.

ಒಮ್ಮುಖದ ಮಹತ್ವವನ್ನು ಒತ್ತಿಹೇಳುತ್ತಾ, ಶಿಕ್ಷಣ ವ್ಯವಸ್ಥೆಯೊಂದಿಗೆ ಸಮನ್ವಯವು ಆರಂಭಿಕ ಪ್ರತಿಭೆ ಗುರುತಿಸುವಿಕೆಗೆ ಅತ್ಯಗತ್ಯ ಮತ್ತು ದೈಹಿಕ ಶಿಕ್ಷಣ ಶಿಕ್ಷಕರು ತಳಮಟ್ಟದ ಕ್ರೀಡಾ ಪರಿಸರ ವ್ಯವಸ್ಥೆಯ ಬೆನ್ನೆಲುಬಾಗಿದ್ದಾರೆ ಎಂದು ಅವರು ವಿವರಿಸಿದರು.

"ಒಂದು ಪ್ರತಿಭಾನ್ವಿತ ಮಗು ಅವಕಾಶದ ಕೊರತೆಯಿಂದ ಹಿಂದೆ ಉಳಿದಿದ್ದರೂ, ಅದು ಕೇವಲ ವೈಯಕ್ತಿಕ ನಷ್ಟವಲ್ಲ, ಅದು ಇಡೀ ರಾಷ್ಟ್ರಕ್ಕೆ ನಷ್ಟ" ಎಂದು ಅವರು ಹೇಳಿದರು.

ಕ್ರೀಡೆಗಳು ಪರಿವರ್ತನಾತ್ಮಕ ಸಾಧನವಾಗಿ ಕಾರ್ಯನಿರ್ವಹಿಸುತ್ತವೆ, ವಿಶೇಷವಾಗಿ ಜಮ್ಮು ಮತ್ತು ಕಾಶ್ಮೀರ ಮತ್ತು ಇತರ ಸವಾಲಿನ ಪ್ರದೇಶಗಳಲ್ಲಿ, ಸಾಮಾಜಿಕ ಸಾಮರಸ್ಯ ಮತ್ತು ರಾಷ್ಟ್ರೀಯ ಏಕೀಕರಣಕ್ಕೆ ಕೊಡುಗೆ ನೀಡುತ್ತವೆ ಎಂದು ಅವರು ಉಲ್ಲೇಖಿಸಿದರು.

ವ್ಯವಸ್ಥಿತ ಅಂತರವನ್ನು ಪರಿಹರಿಸುತ್ತಾ, ಸಚಿವರಾದ ಡಾ. ಮಾಂಡವಿಯ ಅವರು ತರಬೇತುದಾರರ ನಿಯಮಿತ ಪ್ರಮಾಣೀಕರಣ ಮತ್ತು ಉನ್ನತೀಕರಣ, ಕ್ರೀಡಾಪಟುಗಳ ವೈಜ್ಞಾನಿಕ ತರಬೇತಿ ಮತ್ತು ಕ್ರೀಡಾ ಆಡಳಿತದಲ್ಲಿ ಸಾಮರ್ಥ್ಯ ವೃದ್ಧಿಗೆ ಕರೆ ಅವರು ನೀಡಿದರು.

"ಮೂಲಸೌಕರ್ಯ, ಪ್ರತಿಭೆ ಗುರುತಿಸುವಿಕೆ ಮತ್ತು ತರಬೇತಿ ಪಡೆದ ಮಾನವಶಕ್ತಿ ಒಂದೇ ಮುರಿಯದ ಸರಪಳಿಯಾಗಿ ಒಟ್ಟಿಗೆ ಸೇರಿದಾಗ, ಒಲಿಂಪಿಕ್ ವೇದಿಕೆಗಳು ಅನುಸರಿಸುತ್ತವೆ" ಎಂದು ಕೇಂದ್ರ ಸಚಿವ ಡಾ. ಮಾಂಡವಿಯ ಅವರು ಹೇಳಿದರು, ರಚನಾತ್ಮಕ ಮಾರ್ಗದ ಮೂಲಕ ತಳಮಟ್ಟದ ಭಾಗವಹಿಸುವಿಕೆಯನ್ನು ಗಣ್ಯ ಕಾರ್ಯಕ್ಷಮತೆಯೊಂದಿಗೆ ಸಂಪರ್ಕಿಸುವ ಅಗತ್ಯವನ್ನು ತಿಳಿಸಿದರು.

ಕ್ರೀಡಾ ಭಾಗವಹಿಸುವಿಕೆ, ಕ್ರೀಡಾ ಮನೋಭಾವ ಮತ್ತು ನಾಯಕತ್ವವನ್ನು ಉತ್ತೇಜಿಸಲು 9–12 ನೇ ತರಗತಿಯ ವಿದ್ಯಾರ್ಥಿಗಳಿಗಾಗಿ ಗ್ವಾಲಿಯರ್‌ ನ ಲಕ್ಷ್ಮಿಬಾಯಿ ರಾಷ್ಟ್ರೀಯ ದೈಹಿಕ ಶಿಕ್ಷಣ ಸಂಸ್ಥೆಯಿಂದ ಎಸ್-ಪಿಇ (ಕ್ರೀಡೆ ಮತ್ತು ದೈಹಿಕ ಶಿಕ್ಷಣದಲ್ಲಿ ಯುವ ತೊಡಗಿಸಿಕೊಳ್ಳುವಿಕೆ) ಕಾರ್ಯಕ್ರಮವನ್ನು ಡಾ. ಮಾಂಡವಿಯ ಅವರು ಚಾಲನೆಗೊಳಿಸಿದರು.

ಸಭೆಯನ್ನುದ್ದೇಶಿಸಿ ಮಾತನಾಡಿದ ಕಾರ್ಯದರ್ಶಿ (ಕ್ರೀಡೆ), ಶ್ರೀ ಹರಿ ರಂಜನ್ ರಾವ್ ಅವರು, ಭಾಗವಹಿಸಿದವರನ್ನು ಸ್ವಾಗತಿಸಿದರು ಮತ್ತು ಸಾಮೂಹಿಕ ಪ್ರತಿಬಿಂಬ ಮತ್ತು ಕ್ರಿಯೆಗೆ ವೇದಿಕೆಯಾಗಿ ಶಿಬಿರದ ಮಹತ್ವವನ್ನು ವಿವರಿಸಿದರು.

ಚಿಂತನ ಶಿಬಿರದ ಮಹತ್ವವನ್ನು ವಿವರಿಸುತ್ತಾ, "ಈ ಸಭೆ ಕೇವಲ ಸಮ್ಮೇಳನವಲ್ಲ, ಇದು ಪ್ರತಿಬಿಂಬ, ಸಂಕಲ್ಪ ಮತ್ತು ನವೀಕೃತ ಬದ್ಧತೆಯ ಸಾಮೂಹಿಕ ಕ್ಷಣವಾಗಿದೆ" ಎಂದು ಹೇಳಿದರು.

ಚಿಂತನ ಶಿಬಿರದಲ್ಲಿ ಪದಕ ತಂತ್ರ, ನೀತಿ ಸಮನ್ವಯ, ಸ್ವಚ್ಛ ಮತ್ತು ಸುರಕ್ಷಿತ ಕ್ರೀಡೆ ಮತ್ತು ಪ್ರತಿಭೆ ಗುರುತಿಸುವಿಕೆ ಮತ್ತು ಅಭಿವೃದ್ಧಿಯ ಮೇಲೆ ಕೇಂದ್ರೀಕರಿಸುವ ವಿಷಯಾಧಾರಿತ ಅಧಿವೇಶನಗಳು ನಡೆದವು.

15 ಕ್ಕೂ ಹೆಚ್ಚು ರಾಜ್ಯಗಳ ಕ್ರೀಡಾ ಸಚಿವರು, ಆದಿಲ್ಲೆ ಸುಮರಿವಾಲ್ಲಾ, ಅಭಿನವ್ ಬಿಂದ್ರಾ, ಪುಲ್ಲೇಲಾ ಗೋಪಿಚಂದ್ ಮತ್ತು ಗಗನ್ ನಾರಂಗ್ ಸೇರಿದಂತೆ ಖ್ಯಾತ ಕ್ರೀಡಾ ವ್ಯಕ್ತಿಗಳೊಂದಿಗೆ, ಚಿಂತನ ಶಿಬಿರದಲ್ಲಿ ಭಾಗವಹಿಸಿ ತಮ್ಮ ಆಲೋಚನೆಗಳನ್ನು ಪಾಲುದಾರರೊಂದಿಗೆ ಹಂಚಿಕೊಂಡರು, ಇದು ಭಾರತದ ಕ್ರೀಡಾ ಪರಿಸರ ವ್ಯವಸ್ಥೆಯನ್ನು ಬಲಪಡಿಸುವ ಮತ್ತು ಸಹಯೋಗದ ನೀತಿ ಸಂವಾದವನ್ನು ಮುನ್ನಡೆಸುವ ಕಡೆಗೆ ಸಾಮೂಹಿಕ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ.

ಕ್ರೀಡಾಪಟು ಮತ್ತು ಆಟಗಾರ-ಕೇಂದ್ರಿತ ವಿಧಾನದ ಸುತ್ತ ಒಮ್ಮತವನ್ನು ನಿರ್ಮಿಸುವ ಉಪಕ್ರಮವನ್ನು ವಿವಿಧ ರಾಜ್ಯಗಳ ಕ್ರೀಡಾ ಸಚಿವರು ಶ್ಲಾಘಿಸಿದರು. ಭಾರತದಲ್ಲಿ ದೃಢವಾದ ಕ್ರೀಡಾ ಪರಿಸರ ವ್ಯವಸ್ಥೆಯನ್ನು ಬಲಪಡಿಸಲು ಮತ್ತು ಅಭಿವೃದ್ಧಿಪಡಿಸಲು ಈ ಮಾದರಿಯನ್ನು ದೇಶದ ವಿವಿಧ ಪ್ರದೇಶಗಳಲ್ಲಿ ಪುನರಾವರ್ತಿಸಬಹುದು ಎಂದು ಅವರುಗಳು ಹೇಳಿದರು.

ಮೂಲಸೌಕರ್ಯವನ್ನು ಬಲಪಡಿಸುವುದು, ತರಬೇತಿ ವ್ಯವಸ್ಥೆಗಳನ್ನು ಹೆಚ್ಚಿಸುವುದು, ಕೇಂದ್ರ-ರಾಜ್ಯ ಒಮ್ಮುಖವನ್ನು ಸುಧಾರಿಸುವುದು, ನೈತಿಕ ಮತ್ತು ಸುರಕ್ಷಿತ ಕ್ರೀಡಾ ಪರಿಸರಗಳನ್ನು ಖಚಿತಪಡಿಸಿಕೊಳ್ಳುವುದು ಮತ್ತು ಶಾಲೆಗಳು, ಅಕಾಡೆಮಿಗಳು ಮತ್ತು ಗಣ್ಯ ತರಬೇತಿ ಕೇಂದ್ರಗಳಲ್ಲಿ ಸಂಯೋಜಿಸಲ್ಪಟ್ಟ ವೈಜ್ಞಾನಿಕ, ತಂತ್ರಜ್ಞಾನ-ಚಾಲಿತ ಪ್ರತಿಭಾ ಪೈಪ್‌ಲೈನ್ ಅನ್ನು ನಿರ್ಮಿಸುವುದು ಚರ್ಚೆಗಳಲ್ಲಿ ಹೇಳಿತು.

ಗುರುತಿಸುವಿಕೆಯಿಂದ ಹಿಡಿದು ಉನ್ನತ-ಕಾರ್ಯಕ್ಷಮತೆಯ ತರಬೇತಿಯವರೆಗೆ - ಈ ಅವಧಿಗಳು ಕ್ರೀಡಾಪಟುಗಳ ಅಭಿವೃದ್ಧಿಯಲ್ಲಿ ನಿರಂತರತೆಯನ್ನು ಖಚಿತಪಡಿಸಿಕೊಳ್ಳಲು ರಚನಾತ್ಮಕ ಮಾರ್ಗಗಳು ಮತ್ತು ಸಾಂಸ್ಥಿಕ ಒಮ್ಮುಖದ ಪ್ರಾಮುಖ್ಯತೆಯನ್ನು ಹೇಳಿದವು,

ನೀತಿ ಉದ್ದೇಶವು ಅಳೆಯಬಹುದಾದ, ನೆಲದ ಮೇಲಿನ ಪರಿಣಾಮಕ್ಕೆ ಅನುವಾದಿಸುವುದನ್ನು ಖಚಿತಪಡಿಸಿಕೊಳ್ಳಲು ರಾಜ್ಯಗಳಾದ್ಯಂತ ಉತ್ತಮ ಅಭ್ಯಾಸಗಳ ಸ್ಥಿರವಾದ ಮೇಲ್ವಿಚಾರಣೆ, ಮೌಲ್ಯಮಾಪನ ಮತ್ತು ಹಂಚಿಕೆಯ ಅಗತ್ಯವನ್ನು ಭಾಗವಹಿಸುವವರು ಉಲ್ಲೇಖಿಸಿದರು.

ಜಾಗತಿಕ ಕ್ರೀಡಾ ಶಕ್ತಿ ಕೇಂದ್ರವಾಗಿ ಹೊರಹೊಮ್ಮುವ ಭಾರತದ ದೀರ್ಘಕಾಲೀನ ದೃಷ್ಟಿಕೋನಕ್ಕೆ ಅನುಗುಣವಾಗಿ, ದೃಢವಾದ, ಅಂತರ್ಗತ ಮತ್ತು ಭವಿಷ್ಯಕ್ಕೆ ಸಿದ್ಧವಾಗಿರುವ ಕ್ರೀಡಾ ಪರಿಸರ ವ್ಯವಸ್ಥೆಯನ್ನು ನಿರ್ಮಿಸಲು ಕೇಂದ್ರ, ರಾಜ್ಯಗಳು ಮತ್ತು ಎಲ್ಲಾ ಪಾಲುದಾರರನ್ನು ಒಳಗೊಂಡ ಏಕೀಕೃತ ಮತ್ತು ಸಂಘಟಿತ ವಿಧಾನದ ಮಹತ್ವವನ್ನು ಚರ್ಚೆಗಳು ಪುನರುಚ್ಚರಿಸಿದವು.

 

******

(ಪ್ರಕಟಣೆ ಐ.ಡಿ.: 2255548) ವಿಸಿಟರ್ ಕೌಂಟರ್ : 14