ہندوستان  کے انسانی حقوق کے قومی کمیشن نے ہریانہ کے نوح ضلع کے فیروز پور جھیرکا علاقے کے امبیڈکر چوک پر سیوریج لائن کی صفائی کے دوران زہریلی گیسوں کی وجہ سے دو صفائی کارکنوں کی موت اور دوسرے کے زخمی ہونے کی اطلاع پراز خود نوٹس لیا

ہندوستان کےانسانی حقوق کے قومی کمیشن (این ایچ آر سی) نے ایک میڈیا رپورٹ پر ازخود نوٹس لیتے ہوئے ہریانہ کے ضلع نوح کے فیروزپور جھرکا علاقے کے امبیڈکر چوک میں 15 اپریل 2026 کو سیور لائن کی صفائی کے دوران دو صفائی کارکنوں کی موت اور ایک کے زخمی ہونے کے واقعے کا نوٹس لیا ہے۔رپورٹ کے مطابق ریاستی حکومت کے پبلک ہیلتھ انجینئرنگ ڈیپارٹمنٹ (پی ایچ ای ڈی) کے تحت کام کرنے والے ٹھیکیدار نے تین کارکنوں کو بغیر کسی حفاظتی آلات کے سیور لائن کی صفائی کے لیے تعینات کیا تھا۔

کمیشن نے کہا ہے کہ اگر میڈیا رپورٹ کے اطلاعات درست ثابت ہوتی ہیں تو یہ متاثرین کے انسانی حقوق کی سنگین خلاف ورزی ہے۔ اسی لیے این ایچ آر سی  نے نوح میونسپل کمشنر اور سپرنٹنڈنٹ آف پولیس کو نوٹس جاری کرتے ہوئے اس معاملے پر دو ہفتوں کے اندر تفصیلی رپورٹ طلب کی ہے۔توقع ہے کہ اس رپورٹ میں تحقیقات کی صورتحال، زخمی کی صحت اور ہلاک ہونے والے کارکنوں کے لواحقین (این او کے) کو دیےجانے والے معاوضے کی تفصیلات شامل ہوں گی۔

نوٹس جاری کرتے ہوئے کمیشن نے یہ بھی نوٹ کیا ہے کہ سپریم کورٹ کی ہدایات اور اس کی مخصوص ایڈوائزری کے باوجود، جس میں صفائی کارکنوں کے لیے حفاظتی آلات کے ساتھ سیور لائنوں/مین ہولز کی مشینی صفائی پر زور دیا گیا ہے، ایسے واقعات ملک بھر میں بار بار پیش آ رہے ہیں۔

16 اپریل 2026 کو شائع ہونے والی ایک میڈیا رپورٹ کے مطابق تین مزدوروں میں سے ایک سب سے پہلے سیور لائن میں اترا اور بے ہوش ہو گیا۔ جب باقی لوگ اس کی مدد کے لیے سیور میں اترے تو وہ بھی بے ہوش ہو گئے۔ انہیں باہر نکالا گیا اور اسپتال لے جایا گیا، جہاں ڈاکٹروں نے ان میں سے دو کو مردہ قرار دے دیا۔

*******

ش ح۔م ع ن۔م الف

U: 6272