పారిపోయిందన్న ఆరోపణలపై, భర్తను భుజాలపై మోయిస్తూ గ్రామస్తులు ఓ మహిళను ఊరేగించినట్టు మీడియాలో వచ్చిన వార్తలపై జాతీయ మానవ హక్కుల కమిషన్ స్పందించింది. 2026 ఏప్రిల్ 13న మధ్యప్రదేశ్‌లోని ఝాబువా జిల్లాలో జరిగిన ఈ ఘటనను సుమోటోగా స్వీకరించింది. నివేదికల ప్రకారం.. గ్రామస్తులు ఆమెకు గుండు కూడా చేశారు. వీడియో సోషల్ మీడియాలో వైరల్ కావడంతో ఈ ఘటన వెలుగులోకి వచ్చింది.

మీడియాలో వచ్చిన వార్తలు నిజమైతే, బాధితుల మానవ హక్కుల తీవ్ర ఉల్లంఘన జరిగినట్టేనని కమిషన్ అభిప్రాయపడింది. ఈ మేరకు మధ్యప్రదేశ్‌లోని ఝాబువా జిల్లా కలెక్టర్, ఎస్పీలకు నోటీసులు జారీ చేసింది. ఈ ఘటనపై రెండు వారాల్లోగా సమగ్ర నివేదిక సమర్పించాలని ఆదేశించింది. దర్యాప్తులో పురోగతితో, బాధితురాలికి పరిహారం (ఒకవేళ అందిస్తే) వంటి వివరాలు ఈ నివేదికలో ఉండాలని కమిషన్ పేర్కొన్నది.

2026 ఏప్రిల్ 15న వెలువడిన మీడియా కథనం ప్రకారం.. ఈ ఘటనకు సంబంధించిన వీడియో సామాజిక మాధ్యమాల్లో వైరల్ కావడంతో పోలీసులు స్పందించారు. బాధితురాలిని గుర్తించి ఆమెకు రక్షణ కల్పించారు. ఎఫ్‌ఐఆర్ నమోదు చేయడంతోపాటు కొందరిని అరెస్టు కూడా చేశారు.  

***