પંચાયતી રાજ મંત્રાલય 24 એપ્રિલ 2026 ના રોજ નવી દિલ્હીના વિજ્ઞાન ભવન ખાતે રાષ્ટ્રીય પંચાયતી રાજ દિવસ (NPRD) ની ઉજવણી કરશે. દર વર્ષે 24 એપ્રિલના રોજ મનાવવામાં આવતો આ દિવસ ઐતિહાસિક 73મા બંધારણીય સુધારા અધિનિયમના અમલીકરણની યાદમાં ઉજવાય છે, જેણે સમગ્ર ભારતમાં પંચાયતી રાજ સંસ્થાઓ (PRIs) ને બંધારણીય દરજ્જો અને કાનૂની માન્યતા આપી હતી. આ વર્ષે ભારતની લોકશાહી યાત્રાના તે નિર્ણાયક સીમાચિહ્નના 33 વર્ષ પૂર્ણ કરે છે.

રાષ્ટ્રીય કાર્યક્રમના એક મહત્વપૂર્ણ આકર્ષણ તરીકે, નવી દિલ્હીમાં યોજાનારા આ કાર્યક્રમમાં પ્રધાનમંત્રી શ્રી નરેન્દ્ર મોદીનો સંદેશ વાંચવામાં આવશે. રાજ્ય/કેન્દ્રશાસિત પ્રદેશના પંચાયતી રાજ વિભાગો દ્વારા, પ્રધાનમંત્રીનો સંદેશ દેશભરની પંચાયતી રાજ સંસ્થાઓ અને ગ્રામીણ સ્થાનિક સંસ્થાઓના ચૂંટાયેલા પ્રતિનિધિઓ અને પદાધિકારીઓ સુધી પહોંચાડવામાં આવશે. આ રાષ્ટ્રીય કાર્યક્રમમાં પંચાયતી રાજના કેન્દ્રીય રાજ્ય મંત્રી પ્રો. એસ. પી. સિંહ બઘેલ ઉપસ્થિત રહેશે. પંચાયતી રાજ મંત્રાલયના સચિવ શ્રી વિવેક ભારદ્વાજ મંત્રાલયના અન્ય વરિષ્ઠ અધિકારીઓ સાથે આ પ્રસંગે હાજર રહેશે. ઉત્તર પ્રદેશ, ઉત્તરાખંડ અને હરિયાણાની પંચાયતી રાજ સંસ્થાઓના ચૂંટાયેલા પ્રતિનિધિઓ પણ આ કાર્યક્રમમાં ભાગ લેશે.

આ પ્રસંગે, પંચાયત એડવાન્સમેન્ટ ઇન્ડેક્સ (PAI)-2.0 પરનો રિપોર્ટ અને ‘મેરી પંચાયત મેરી ધરોહર’ પરના 3 પુસ્તકો વિમોચિત કરવામાં આવશે. મંત્રાલયની ‘પંચાયત ધરોહર પહેલ’ અંતર્ગત, ગ્રામીણ વારસા પરના ત્રણ સચિત્ર પ્રકાશનો જે વિમોચિત થવાના છે: ત્રિપુરાના ગ્રામીણ વારસા પર મોનોગ્રાફ (Monograph on Rural Heritage of Tripura), તિરુપતિના ગ્રામીણ વારસા પર મોનોગ્રાફ (Monograph on Rural Heritage of Tirupati) અને ‘ઉત્તરકાશી: સૌમ્ય કાશી: ધ સોલ ઓફ હિમાલયન હેરિટેજ’ (Uttarkashi: Saumya Kashi: The Soul of Himalayan Heritage).

રાષ્ટ્રીય પંચાયતી રાજ દિવસ સમગ્ર દેશમાં રાજ્ય, જિલ્લા, બ્લોક અને ગ્રામ પંચાયત સ્તરે ખૂબ જ ઉત્સાહ સાથે ઉજવવામાં આવશે, જેમાં ગ્રામ પંચાયતો ગ્રામસભાની બેઠકો યોજશે, જે પાયાના સ્તરે સહભાગી લોકશાહીની ભાવનાને પુનઃપુષ્ટ કરશે. આ દિવસ વિકસિત ભારત તરફની પ્રગતિને વેગ આપવામાં ત્રિ-સ્તરીય પંચાયતી રાજ વ્યવસ્થાની ભૂમિકાને ઓળખવાની તક પૂરી પાડે છે.

MoPR હાઈલાઈટ્સ

SM/JD

(રીલીઝ આઈડી: 2254996) મુલાકાતી સંખ્યા : 24