ভারতকী তেক্সতাইল সেক্তরনা FY 2025–26 মালেমগী কৈথেলশিংদা রেসিলিয়েন্স উৎখি। হেন্দিক্রাফ য়াওনা তেক্সতাইলগী অপুনবা এক্সপোর্ত অসি FY 2024–25দা লুপা করোর 3,09,859.3দগী FY 2025–26দা লুপা করোর 3,16,334.9দা হেনগৎখি। অসিগুম্বা থবক অসি ভারতকী তেক্সতাইল প্রদক্তশিংগীদমক মালেমগী দিমান্দ হেনগৎলকপা অমসুং মরুওইবা পোৎথোক কাংলুপশিংদা সেক্তর অসিগী চাংদম্নবগী চাং লেপ্তনা লৈরকপা অদু উৎলি।

মরুওইবা সেগমেন্তশিংগী মরক্তা, তেক্সতাইল পুম্নমক্কী রেদি-মেদ গার্মেন্ত (RMG) অসি তেক্সতাইল এক্সপোর্ত্তা খ্বাইদগী চাউবা কন্ত্রিব্যুতর ওইদুনা 2.9% হেনগত্তুনা লুপা করোর 1,35,427.6দগী লুপা করোর 1,39,349.6দা হেনগৎখি। কতন য়ার্ন, ফেব্রিক, মেদ-অপশিং অমসুং হেন্দলুম প্রদক্তশিং এক্সপোর্ত তৌবদা FY 2024–25দা লুপা করোর 1,02,002.8 ওইরম্বদগী  FY 2025–26দা লুপা করোর 1,02,399.7 অমসুং মসিনা 0.4%গী স্তেবল গ্রোথ উৎলি। মেন-মেদ য়ার্ন, ফেব্রিক অমসুং মেদ-অপশিংদা এক্সপোর্তশিং অসি লুপা করোর 41,196.0দগী লুপা করোর 42,687.8দা হেনগৎক্তুনা 3.6%গী শাহৌ লাকখি।

ভেল্যু এদেদ সেগমেন্তশিংগী মরক্তা, খুৎনা শাবা কার্পেৎশিং নত্তনা হেন্দিক্রাফশিংনা মরুওইবা কাংলুপশিংগী মরক্তা খ্বাইদগী ৱাংবা হেনগৎলকপগী রেকোর্দ তৌখি, মসি লুপা করোর 14,945.5দগী লুপা করোর 15,855.1দা হেনগৎলক্তুনা 6.1% হেনগৎখি।

মমাং চহিগী চপ মান্নবা মতম অদুগা চাংদম্নবদা এপ্রিল 2025দগী ফেব্রুৱারী 2026 ফাওবদা লৈবাক 120 হেনবদা এক্সপোর্তকী গ্রোথ অমা রেজিস্তর তৌখি। মসিনা ইন্দিয়াগী তেক্সতাইল এক্সপোর্ত বাসকেত্তা পাক-চাউবা জিওগ্রাফিক এক্সপান্সন অদু তাক্লি। UAE (22.3%), UK (7.8%), জর্মনী (9.9%), স্পেন (15.5%), জপান (20.6%), ইজিপ্ত (38.3%), নাইজেরিয়া (21.4%), সেনেগেল (54.4%) অমসুং সুদান (205.6%) অসিনচিংবা মরুওইবা কৈথেলশিংদা মশক থোক্না হেনগৎলকপা উবা ফংখি।

সরকারনা রিবেত ওফ স্তেত এন্দ সেন্ত্রেল তেক্স এন্দ লেভীজ (RoSCTL) স্কিম অমসুং RoDTEP স্কিমগী মতম 31.03.2026গী মতুংদসু শাংদোকপগা লোইননা মরুওইবা এক্সপোর্ত ফেসিলিতেসন অমসুং রেমিসনগী খোঙথাংশিংগী খুত্থাংদা সেক্তর অসিবু মখা তানা মতেং পাংলি।

ভারতকী FTA এজেন্দাদা 2025–26 ফাওবদা চাউনা খুমাং চাউশিনবা উবা ফংখি। মসিনা তেক্সতাইল অমসুং এপরেল সেক্তরদা মরুওইবা শাফু পীগনি। ভারত-EFTA TEPA অসি ওক্তোবর 1, 2025দা চৎনবা হৌখি; ভারত-UK CETA অসি জুলাই 2025দা খুৎয়েক পীনখি; ভারত-ওমান CEPA অসি দিসেম্বর 2025দা খুৎয়েক পীনখি; ভারত-নিউ জিলেন্দ FTA অসি দিসেম্বর 22, 2025দা লাউথোকখি; অমসুং ভারত-EU FTA অসি জনুৱারী 27, 2026দা খুৎয়েক পীনখি। অপুনবা ওইনা, FTAশিং অসিনা প্রিফরেন্সিয়েল মার্কেত এক্সেস ফগৎহল্লগনি, তেরিফকী খুদোংচাদবশিং হন্থহল্লগনি, সপ্লাই-চেন ইন্তিগ্রেসনদা মতেং পাংগনি অমসুং তেক্সতাইল, এপরেল, হেন্দিক্রাফ অমসুং তেক্নিকেল তেক্সতাইলগী অনৌবা খুদোংচাবশিং ফংহল্লগনি। মসিনা মার্কেত দাইভর্সাইফিকেসন, এক্সপোর্ত গ্রোথ, ইনভেস্তমেন্ত, তেক্নোলোজী পার্তনরশিপ অমসুং গ্লোবেল ভেল্যু চেনশিংদা ভারতপু হেন্না চেৎশিলহল্লগনি।

তেক্সতাইল এক্সপোর্ত্তা লেপ্তনা হেনগৎলকপা অসিগা লোইননা লেপ্পা লৈতনা পোলিসী সপোর্ত তৌবা অসিনা সেক্তর অসিবু মপাঙ্গল কনখৎহন্নবা, থবক পীবদা পুক্নিং থৌগৎনবা, অমসুং অহেনবা ভেল্যু এদেদ এক্সপোর্তকী পান্দমদা খুমাং চাউশিলহন্নবা সরকারগী অচেৎপা ৱাফম অদু উৎলি।

***