جل شکتی کی وزارت بھارت منڈپم، نئی دہلی میں 22 سے 26 ستمبر 2026 تک ’آب و ہوا سے لچکدار پانی کا انتظام‘کے موضوع پر انڈیا انٹرنیشنل واٹر ویک (آئی آئی ڈبلیو ڈبلیو2026) کے 9ویں ایڈیشن کا اہتمام کرے گی۔ تقریب کے آغاز کے موقع پر، جل شکتی کے مرکزی وزیر جناب سی آر پاٹل نے آج شرم شکتی بھون، نئی دہلی میں آئی آئی ڈبلیو ڈبلیو-2026 کا آغاز کیا، جہاں انہوں نے سرکاری بروشر جاری کیا اور آئی آئی ڈبلیو ڈبلیو-2026 ویب سائٹ پورٹل کو لائیو کیا ۔

 

اس پروگرام کو سکریٹری، محکمہ آبی وسائل، دریا کی ترقی اور گنگا کی بحالی  ، جناب وی ایل کانتھا راؤ؛ کی موجودگی میں خوش آمدید کہا گیا۔ سکریٹری، پینے کے پانی اور صفائی ستھرائی کے محکمے جناب اشوک کے کے مینا؛ ڈائریکٹر جنرل، نیشنل واٹر ڈیولپمنٹ ایجنسی، جناب بلیشور ٹھاکر؛ چیئرمین، سینٹرل واٹر کمیشن، جناب انوپم پرساد؛ ایڈیشنل سکریٹری اور مشن ڈائریکٹر، نیشنل واٹر مشن، محترمہ ارچنا ورما؛ وزارت کے اعلیٰ حکام کے ساتھ کے مو جود تھے ۔

اپنے خطاب میں، وزیر نے آنے والے ایونٹ کی اہم خصوصیات پر روشنی ڈالی اور اس اعتماد کا اظہار کیا کہ آئی آئی ڈبلیو ڈبلیو-2026 دنیا بھر کے ماہرین، منصوبہ سازوں، اختراع کاروں اور اسٹیک ہولڈرز کو پانی کے انتظام میں علم، تجربات اور بہترین طریقوں کا اشتراک کرنے کے لیے اکٹھا کرے گا۔

میڈیا سے بات چیت کے دوران، مرکزی وزیر نے پانی کے تحفظ کی مسلسل کوششوں کی اہمیت پر زور دیا جو کہ وکشت بھارت کے وژن کو حاصل کرنے کے لیے سنگ بنیاد ہے۔ انہوں نے ستمبر 2024 میں جل سنچے جن بھاگیداری کے آغاز کے دوران وزیر اعظم جناب نریندر مودی کے کلیئر کال پر روشنی ڈالی، شہریوں سے پانی کے تحفظ کو ایک عوامی تحریک بنانے پر زور دیا۔ انہوں نے اس بات پر زور دیا کہ اس پہل کے تحت 60 لاکھ سے زیادہ مصنوعی ریچارج اور پانی کے تحفظ کے ڈھانچے پہلے ہی بنائے جا چکے ہیں اور اس اعتماد کا اظہار کیا کہ مئی 2026 تک ایک کروڑ ڈھانچوں کا ہدف حاصل کر لیا جائے گا۔

وزیر  موصوف نے مزید کہا کہ وزیر اعظم کی ہدایات کے مطابق، منریگا وی بی جی رام جی  کے تحت اخراجات کا ایک اہم حصہ، 65فیصد  سے 30فیصد  تک، پانی کے تحفظ کی سرگرمیوں کے لیے مختص کیا گیا ہے۔

 

ستمبر میں منعقد ہونے والی پانچ روزہ کانفرنس میں دو طرفہ میٹنگز اور سیشنز کی ایک وسیع رینج پیش کی جائے گی، جس میں منسٹریل پلینری، گلوبل واٹر لیڈرز پلینری واٹر لیڈرز فورم پریکٹیشنرز فورم، کنٹری فورم، تھیمیٹک فورم ، یوتھ فورم اور اسٹارٹ اپ فورم  شامل ہیں۔ تھیمیٹک فورم ذیلی موضوعات کا احاطہ کرے گا جیسے کہ جامع اور مساوی آبی حکمرانی، آبی وسائل کے زیادہ سے زیادہ استعمال کے لیے تعاون، پانی کی حفاظت کے لیے ٹیکنالوجی اور کمیونٹی، آب و ہوا سے متعلق خطرات میں پانی، پانی کے بنیادی ڈھانچے اور جدید کاری کے لیے جدید فنانسنگ ماڈل، پائیدار آبی وسائل کا انتظام، اور لوگوں اور سیارے کے لیے پانی۔ وزارتوں، محکموں، بین الاقوامی تنظیموں، نوجوان پیشہ ور افراد، اسکول کے بچوں، این جی اوز اور کامیابی کی کہانیوں پر مشتمل خصوصی سیشنز اور تقریبات کانفرنس کی شمولیت کو مزید بڑھا دیں گی۔

اس تقریب میں پانی کے شعبے میں مختلف موضوعات پر 49 سیشن شامل ہوں گے۔ تقریباً 150 ممالک کو شرکت کے لیے مدعو کیا گیا ہے، جس میں 11 ممالک کی شراکت دار ممالک کے طور پر شمولیت متوقع ہے۔ مزید برآں، تمام 84 مرکزی حکومت کی وزارتوں/محکموں اور 36 ریاستوں/ مرکز کے زیر انتظام علاقوں کو مدعو کیا گیا ہے، جس میں تقریباً چھ مرکزی وزارتیں اور 16 ریاستیں/ مرکز کے زیر انتظام علاقوں کے اس پروگرام میں حصہ لینے کا امکان ہے۔

 

ہال نمبر 14جی ایف ، بھارت منڈپم، نئی دہلی میں چار دنوں پر محیط ایک جدید ترین نمائش، کاروباری مواقع کے لیے ایک پلیٹ فارم فراہم کرے گی اور شرکاء کو ممکنہ شراکت داروں اور صارفین سے رابطہ قائم کرنے کے قابل بنائے گی۔ ایونٹ کے آخری دن فیلڈ وزٹ شامل ہوں گے۔

دوسری بین الاقوامی واش کانفرنس-2026 بھی آئی آئی ڈبلیو ڈبلیو-2026 کے حصے کے طور پر 22 سے 24 ستمبر 2026 تک منعقد کی جائے گی، جس میں ماہرین، محققین، اور پریکٹیشنرز کو پانی، صفائی، اور حفظان صحت کے کلیدی چیلنجوں سے نمٹنے کے لیے اکٹھا کیا جائے گا۔

وزارت نے اس تقریب کو کامیاب بنانے کے لیے بیرونی ممالک، شراکت دار ممالک، قومی اور بین الاقوامی تنظیموں، وزارتوں، محکموں، ریاستی حکومتوں، این جی اوز، صنعتوں، نمائش کنندگان اور پانی کے شعبے میں کام کرنے والے تمام اسٹیک ہولڈرز سے شرکت کی دعوت دی ہے۔

ش ح ۔ ال ۔ ع ر

UR-5189

(ریلیز آئی ڈی: 2254647) وزیٹر کاؤنٹر : 5