ભારતના ચૂંટણી પંચ (ECI) એ 15 માર્ચ, 2026 ના રોજ આસામ, કેરળ, પુડુચેરી, તમિલનાડુ અને પશ્ચિમ બંગાળની વિધાનસભાઓની સામાન્ય ચૂંટણી અને પેટાચૂંટણીઓનું સમયપત્રક જાહેર કર્યું હતું. પંચે રાજ્ય/કેન્દ્રશાસિત પ્રદેશની સરકારોને આદર્શ આચારસંહિતા (MCC) નું કડક પાલન સુનિશ્ચિત કરવા નિર્દેશ આપ્યો છે.

યાદ અપાવવામાં આવે છે કે પંચે ચૂંટણી પ્રક્રિયા હેઠળના રાજ્યો/કેન્દ્રશાસિત પ્રદેશો અને તેમની સરહદ ધરાવતા રાજ્યો/કેન્દ્રશાસિત પ્રદેશોના મુખ્ય સચિવો, સીઈઓ (CEOs), ડીજીપી (DGPs) અને વરિષ્ઠ અધિકારીઓ તેમજ અમલીકરણ એજન્સીઓના વડાઓ સાથે અનેક સમીક્ષા બેઠકો યોજી હતી અને તેમને હિંસા મુક્ત, ડર મુક્ત અને પ્રલોભન મુક્ત ચૂંટણીઓ સુનિશ્ચિત કરવા નિર્દેશ આપ્યો હતો.

આ સુનિશ્ચિત કરવા માટે, બંને રાજ્યોમાં 5,011 થી વધુ (પશ્ચિમ બંગાળમાં 2,728 અને તમિલનાડુમાં 2,283) ફ્લાઈંગ સ્ક્વોડ ટીમ્સ (FSTs) તૈનાત કરવામાં આવી છે જેથી ફરિયાદોનું 100 મિનિટની અંદર નિરાકરણ લાવવામાં આવે. આ ઉપરાંત, વિવિધ સ્થળોએ આકસ્મિક ચેકપોઇન્ટ્સ સ્થાપિત કરવા માટે 5,363 થી વધુ (પશ્ચિમ બંગાળમાં 3,142 અને તમિલનાડુમાં 2,221) સ્ટેટિક સર્વેલન્સ ટીમ્સ (SSTs) પણ તૈનાત કરવામાં આવી છે.

26 ફેબ્રુઆરી, 2026 ના રોજ ઇલેક્શન સીઝર મેનેજમેન્ટ સિસ્ટમ (ESMS) સક્રિય થયા પછી, 22 એપ્રિલ, 2026 સુધીનો ડેટા નીચે મુજબ રજૂ કરવામાં આવ્યો છે.

પંચે એ વાત પર પણ ભાર મૂક્યો છે કે અમલીકરણ અધિકારીઓએ એ સુનિશ્ચિત કરવું જોઈએ કે આ નિર્દેશોના અમલ માટે ચેકિંગ અને નિરીક્ષણ દરમિયાન સામાન્ય નાગરિકોને અસુવિધા કે હેરાનગતિ ન થાય. આ સંદર્ભમાં કોઈપણ ફરિયાદોના નિવારણ માટે જિલ્લા ફરિયાદ સમિતિઓની પણ રચના કરવામાં આવી છે.

નાગરિકો/રાજકીય પક્ષો ECINET પર 'C-Vigil' મોડ્યુલનો ઉપયોગ કરીને આદર્શ આચારસંહિતાના ઉલ્લંઘનની જાણ કરી શકે છે.

SM/BS/JD