وزیر دفاع جناب راج ناتھ سنگھ 21 سے 23 اپریل 2026 تک جرمنی کا سرکاری دورہ کریں گے تاکہ دونوں ممالک کے درمیان سٹریٹجک دفاعی شراکت داری کو مزید مضبوط کیا جا سکے۔ اس دورے کے دوران، وزیر دفاع اپنے جرمن ہم منصب مسٹر بورس پسٹوریئس اور حکومت کے دیگر سینئر رہنماؤں کے ساتھ باہمی بات چیت کا اہتمام کریں گے۔

بات چیت میں دفاعی صنعتی تعاون کو بڑھانے، فوج سے فوج کے درمیان رابطہ کاری کو مضبوط بنانے اور سائبر سلامتی ، مصنوعی ذہانت اور ڈرون جیسے ابھرتے ہوئے شعبوں میں مواقع تلاشنے پر توجہ دی جائے گی۔ دونوں وزرائے دفاع کی موجودگی میں یو این پیس کیپنگ آپریشنز ٹریننگ میں تعاون کے لیے دفاعی صنعتی تعاون کے روڈ میپ اور نفاذ کے انتظامات پر دستخط کیے جانے کا امکان ہے۔

یہ دورہ دفاعی تعاون کے جاری اقدامات کا جائزہ لینے اور دونوں ممالک کی دفاعی صنعتوں کے درمیان تعاون کی نئی راہوں کی نشاندہی کرنے کا موقع فراہم کرے گا۔ توقع کی جاتی ہے کہ راج ناتھ سنگھ  میک ان انڈیا پہل قدمی کے تحت مشترکہ ترقی اور مشترکہ پروڈکشن کو فروغ دینے کے مقصد سے جرمنی کی دفاعی صنعت کے اہم نمائندوں سے بات چیت کریں گے۔

وزیر دفاع کا یہ دورہ سات سال کے وقفے کے بعد ہو رہا ہے۔ بھارتی وزیر دفاع کا جرمنی کا آخری دورہ فروری 2019 میں محترمہ نرملا سیتا رمن کا تھا۔ جناب بورس پسٹوریس نے جون 2023 میں ہندوستان کا دورہ کیا تھا اور جناب راج ناتھ سنگھ کے ساتھ تفصیلی بات چیت کی تھی۔

بھارت اور جرمنی ایک مضبوط اور کثیر جہتی تزویراتی شراکت داری کا اشتراک کرتے ہیں، جو جمہوری اقدار، قانون کی حکمرانی، اور اصول پر مبنی بین الاقوامی نظم کے لیے مشترکہ عہد ہے۔ حالیہ برسوں میں دفاعی اور سیکورٹی تعاون اس شراکت داری کے ایک اہم ستون کے طور پر ابھرا ہے۔ دورے کا مقصد باہمی تعلقات کو مزید گہرا کرنا اور علاقائی اور عالمی امن، استحکام اور خوشحالی میں کردار ادا کرنا ہے۔

***

 (ش ح –ا ب ن)

U.No:6037

(ریلیز آئی ڈی: 2253512) وزیٹر کاؤنٹر : 18