ممبئی ، 17 اپریل 2026

این ٹی پی سی ویسٹرن ریجن-I ہیڈ کوارٹر (ڈبلیو آر-I ہیڈکوارٹر) ممبئی کو مالی سال 2023-24 ، 2024-25 اور 2025-26 کے دوران انڈین ریڈ کراس سوسائٹی کو 7.17 کروڑ روپے کی خاطر خواہ کارپوریٹ سماجی ذمہ داری (سی ایس آر) کے تعاون کے اعتراف میں تعریفی یادداشت (مومنٹو آف ایپریسی ایشن) سے نوازا گیا ہے۔

اس تعاون نے ریاست گجرات میں متعدد مقامات پر صحت کی دیکھ بھال کے بنیادی ڈھانچے اور خدمات کو مضبوط بنانے اور بڑھانے میں اہم کردار ادا کیا ہے  اور  اس طرح ضرورت مند برادریوں کے لیے معیاری طبی دیکھ بھال تک بہتر رسائی میں مدد بہم پہنچائی ہے۔

یہ یادگاری نشان باضابطہ طور پر 16 اپریل 2026 کو راج بھون، گاندھی نگر میں ڈبلیو آر-1 ہیڈکوارٹر، ممبئی کے ڈپٹی جنرل منیجر (سی ایس آر) جناب جتیندر کمار کو پیش کیا گیا۔  یہ اعزاز گجرات کے معزز گورنر آچاریہ دیوورت نے دیا۔

اس تقریب میں حکومت گجرات کے محکمہ صحت اور خاندانی بہبود کے ایڈیشنل چیف سکریٹری راجیو ٹوپنو اور انڈین ریڈ کراس سوسائٹی، گجرات اسٹیٹ برانچ (آئی آر سی ایس-جی ایس بی) کے چیئرمین اجے بھائی پٹیل نے شرکت کی جو کوآپریٹیو بینک آف انڈیا کے چیئرمین اور انڈین اولمپک ایسوسی ایشن کے سینئر نائب صدر کے طور پر بھی خدمات انجام دے رہے ہیں۔

******

ش ح۔ م م۔ م ر

U-NO. 5992