کوئلے اور کانوں کے مرکزی وزیر جناب جی کشن ریڈی نے آج نئی دہلی کے اسکوپ کنونشن سینٹر میں دو روزہ نیشنل ڈسٹرکٹ منرل فاؤنڈیشن (ڈی ایم ایف) سمٹ 2026 کا افتتاح کیا ۔اجلاس کے موقع پرجناب ریڈی کی طرف سے افتتاح  کی گئی ایک نمائش میں مختلف ریاستوں کے اثر انگیز اقدامات اور کامیابی کی داستانیں پیش کی گئیں ، جس میں کان کنی سے متاثرہ علاقوں میں ڈی ایم ایف کے تبدیلی لانے والے کردار کو اجاگر کیا گیا ۔

دو روزہ قومی ڈی ایم ایف سمٹ کا آغاز کانوں کی وزارت کے سکریٹری جناب پیوش گوئل کی موجودگی میں آج کیا گیا ، جس میں پائیدار اور جامع ترقی کے لیے ڈی ایم ایف فنڈز کے موثر استعمال پر غور و خوض کرنے کے لیے اہم فریقوں کو یکجا کیا گیا ۔

 

اپنے خطاب میں جناب جی کشن ریڈی نے اس بات پر زور دیا کہ مقامی برادریوں کا ملک کے قدرتی وسائل میں اہم تعاون  رہاہے اور انہیں مساوی فوائد حاصل ہونے چاہئیں ۔  انہوں نے کان کنی سے متاثرہ علاقوں میں ماحولیاتی تحفظ ، روزی روٹی کی بحالی اور مجموعی ترقی کو ترجیح دینے کی ضرورت پر زور دیا ۔

 

کانکنی کی وزارت کے سکریٹری جناب پیوش گوئل نے اس بات کو اجاگر کیا  کہ رواں مالی سال میں کانکنی کے تقریباً 200 بلاکس کی نیلامی کی گئی ہے ، جس سے اس شعبے میں جاری اصلاحات کی عکاسی ہوتی ہے اور جس کا مقصد آخری مراحل کے مستفیدین تک فوائد کو یقینی بنانا ہے ۔

 

مذکورہ سمٹ  جس کا موضوع ‘‘امنگوں والے ضلع پروگرام (اے ڈی پی)اور امنگوں والے بلاک پروگرام (اے بی پی)کے علاقوں کے لیے ڈسٹرکٹ منرل فاؤنڈیشن فنڈز کا مؤثر استعمال’’ ہے ، ہم آہنگی ، شفافیت اور نگرانی کے ذریعے نتائج پر مبنی استعمال پر مرکوز ہے ۔

 

 پنچایتی راج کی وزارت کے ایڈیشنل سکریٹری جناب سشیل کمار لوہانی نے پنچایت ایڈوانسمنٹ انڈیکس پورٹل کی اہمیت کو اجاگر کیا ، جو پائیدار ترقیاتی اہداف کے مطابق نو موضوعات پر 435 اشاروں کے ذریعے ڈیٹا پر مبنی حکمرانی کو قابل بناتاہے ۔

 

 نیتی آیوگ کے ایڈیشنل سکریٹری جناب روہت کمار نے خواہش مند علاقوں کو متاثر کن علاقوں میں تبدیل کرنے کے لیے کلیدی محرکات کے طور پر ‘‘3 سیز’’-کنورجنس ، تعاون ، مسابقت-اور ‘‘3 ایفس’’-فنڈز ، افعال ، فنکشنریز-پر زور دیا ۔

نمائش کےپہلے دن  مہاراشٹر ، چھتیس گڑھ ، مدھیہ پردیش اور جھارکھنڈ کی ریاستوں نے بہترین طریقوں کا اشتراک کیا ، جس میں ہم آہنگی ، 100فیصد  پر مبنی نفاذ  اور ترقیاتی اثرات کو زیادہ سے زیادہ کرنے پر توجہ کی گئی ۔

 

 توقع ہے کہ مذکورہ سمٹ سے متعلقہ فریقوں کے درمیان ہم آہنگی کو تقویت حاصل ہو گی اور جامع اور پائیدار ترقی کے لیے ڈی ایم ایف فنڈز کے موثر استعمال میں اضافہ ہوگا ۔

 اس موقع پر منعقدہ نمائش میں چھتیس گڑھ ، جھارکھنڈ ، اڈیشہ ، اتر پردیش ، اتراکھنڈ ، میگھالیہ ، راجستھان ، کرناٹک اور تمل ناڈو کی ریاستوں کے ڈی ایم ایف مستفیدین نے اپنی مصنوعات کی نمائش کی ۔  کوئلے اور کانوں کے مرکزی وزیرعزت مآب جی کشن ریڈی نے ان کے ساتھ بات چیت بھی کی ۔

***

ش ح۔ ش م ۔ اش ق

U. No- 5626

(ریلیز آئی ڈی: 2250479) وزیٹر کاؤنٹر : 6