بجلی ، ہاؤسنگ اور شہری امور کے مرکزی وزیر جناب منوہر لال 4 روزہ دورے پر آج بھوٹان پہنچے ۔  ان کا دورہ ہند-بھوٹان دو طرفہ تعلقات کو گہرا کرنے کی سمت میں ایک اور اہم قدم ہے ۔

ہندوستان اور بھوٹان مثالی دو طرفہ تعلقات کا اشتراک کرتے ہیں ، جس کی خصوصیت باہمی اعتماد ، افہام و تفہیم اور تمام شعبوں میں قریبی تعاون ہے ۔  یہ دورہ توانائی کے تحفظ اور پائیدار ترقی میں تعاون کو مزید مستحکم کرنے کے لیے دونوں ممالک کے مشترکہ وژن کی نشاندہی کرتا ہے ۔

جناب منوہر لال نے بھوٹان کے وزیر اعظم جناب شیرنگ ٹوبگے سے ملاقات کی ۔  ملاقات کے دوران دونوں رہنماؤں نے صاف ستھری توانائی اور پائیدار ترقی میں تعاون کو آگے بڑھانے کے لیے دونوں ممالک کے مشترکہ عزم کا اعادہ کیا ۔

جناب منوہر لال  نےبھوٹان کی شاہی حکومت کے توانائی اور قدرتی وسائل کے وزیر لیونپو جیم شیرنگ کے ساتھ ایک اور میٹنگ میں پن بجلی کے شعبے میں جاری تعاون کو مستحکم کرنے اور قابل تجدید توانائی اور علاقائی بجلی کی تجارت میں مستقبل کے مواقع پر توجہ مرکوز کرنے پر تبادلہ خیال کیا ۔

بجلی کے شعبے میں تعاون کے دائرہ کار کو وسعت دیتے ہوئے ، ہندوستان اور بھوٹان نے ایک بہتر دو طرفہ ادارہ جاتی فریم ورک میکانزم قائم کیا ہے ۔  یہ طریقہ کار تعاون کو مزید مستحکم کرنے کے لیے دونوں ممالک کے درمیان جاری اور مستقبل کے اقدامات کے باقاعدہ جائزہ اور ہم آہنگی کوممکن بنائے گا ۔  تعاون کے کلیدی شعبوں میں نن ہائیڈرو توانائی ، سرحد پار ترسیل (ٹرانسمیشن)، پروجیکٹ کی مالی اعانت ، صلاحیت سازی اور ادارہ جاتی شراکت داری شامل ہیں ۔

اس موقع پر دونوں فریقوں نے دستخط کیے:

 

(1) پناتسانگچو -دوئم ہائیڈرو الیکٹرک پروجیکٹ کا ٹیرف پروٹوکول ، جو دونوں ممالک کے درمیان باہمی مفید ہائیڈرو پاور تعاون  کی سمت میں ایک اور قدم ہے ۔  ہندوستان کے وزیر اعظم جناب نریندر مودی اور بھوٹان کے شاہ جناب جگمے کھیسر نامگیال وانگچک نے 11 نومبر 2025 کو مشترکہ طور پر 1020 میگاواٹ کے پناتسانگچو-دوئم ہائیڈرو الیکٹرک پروجیکٹ کا افتتاح کیا اور باہمی طور پر متفقہ ابتدائی ٹیرف پر 19 ستمبر 2025 سے ہندوستان کو اضافی بجلی کی برآمد کا آغاز کیا ۔

(ii) ری ایکٹو پاور ایکسچینج کی ری ایکٹوانرجی اکاؤنٹنگ کے طریقہ کارکےلئےایک تکنیکی فریم ورک جس کا مقصد گرڈ کے استحکام کو بڑھانا ، سرحد پار بجلی کے تبادلے میں کارکردگی کو بہتر بنانا  اور دو طرفہ بجلی کی تجارت  کی راہ  ہموار کرنا ہے ۔

توقع ہے کہ اس دورے کے دوران ہونے والے تعامل(انگیجمنٹس) دونوں ممالک کی مسلسل خوشحالی اور فلاح و بہبود میں تعاون کے نئے مواقع کی راہ ہموار کریں گے ۔

********

 (ش ح ۔م م ۔ف ر)

U. No. 5621

(ریلیز آئی ڈی: 2250455) وزیٹر کاؤنٹر : 16