ਲੋਕ ਸਭਾ ਸਪੀਕਰ ਸ਼੍ਰੀ ਓਮ ਬਿਰਲਾ 9 ਅਪ੍ਰੈਲ, 2026 ਨੂੰ ਗੋਆ ਦੇ ਪਣਜੀ ਵਿੱਚ ਕਾਮਨਵੈਲਥ ਪਾਰਲੀਮੈਂਟਰੀ ਐਸੋਸੀਏਸ਼ਨ (ਸੀਪੀਏ) ਇੰਡੀਆ ਰੀਜ਼ਨ ਦੇ ਜ਼ੋਨ VII ਦੀ ਪਹਿਲੀ ਕਾਨਫਰੰਸ ਦਾ ਉਦਘਾਟਨ ਕਰਨਗੇ।

ਗੋਆ ਦੇ ਮੁੱਖ ਮੰਤਰੀ ਡਾ. ਪ੍ਰਮੋਦ ਸਾਵੰਤ; ਰਾਜ ਸਭਾ ਦੇ ਡਿਪਟੀ ਚੇਅਰਮੈਨ ਸ਼੍ਰੀ ਹਰੀਵੰਸ਼; ਮਹਾਰਾਸ਼ਟਰ ਵਿਧਾਨ ਪ੍ਰੀਸ਼ਦ ਦੇ ਚੇਅਰਮੈਨ ਪ੍ਰੋ. ਰਾਮ ਸ਼ਿੰਦੇ; ਮਹਾਰਾਸ਼ਟਰ ਵਿਧਾਨ ਸਭਾ ਦੇ ਸਪੀਕਰ ਐਡਵੋਕੇਟ ਰਾਹੁਲ ਨਾਰਵੇਕਰ; ਅਤੇ ਗੁਜਰਾਤ ਵਿਧਾਨ ਸਭਾ ਦੇ ਸਪੀਕਰ ਸ਼੍ਰੀ ਸ਼ੰਕਰਭਾਈ ਚੌਧਰੀ ਵੀ ਇਸ ਮੌਕੇ 'ਤੇ ਆਪਣੇ ਵਿਚਾਰ ਰੱਖਣਗੇ।

ਗੋਆ ਵਿਧਾਨ ਸਭਾ ਦੇ ਸਪੀਕਰ ਡਾ. ਗਣੇਸ਼ ਗਾਓਂਕਰ ਸੁਆਗਤੀ ਭਾਸ਼ਣ ਦੇਣਗੇ ਅਤੇ ਗੋਆ ਦੇ ਵਿਧਾਨਕ ਮਾਮਲਿਆਂ ਦੇ ਮੰਤਰੀ ਸ਼੍ਰੀ ਮੌਵਿਨ ਗੋਡੀਨਹੋ ਨੇ ਧੰਨਵਾਦੀ ਮਤਾ ਪੇਸ਼ ਕਰਨਗੇ।

ਆਂਧਰ ਪ੍ਰਦੇਸ਼, ਛੱਤੀਸਗੜ੍ਹ, ਹਰਿਆਣਾ, ਕਰਨਾਟਕ, ਰਾਜਸਥਾਨ ਅਤੇ ਤੇਲੰਗਾਨਾ ਦੀਆਂ ਵਿਧਾਨ ਸਭਾਵਾਂ ਦੇ ਪ੍ਰੀਜ਼ਾਡਿੰਗ ਅਫਸਰਾਂ ਤੋਂ ਇਲਾਵਾ, ਗੋਆ ਦੇ ਕੇਂਦਰੀ ਮੰਤਰੀ, ਗੋਆ ਦੇ ਸੰਸਦ ਮੈਂਬਰ ਅਤੇ ਤਿੰਨ ਮੈਂਬਰ ਰਾਜਾਂ ਦੇ ਵਿਧਾਇਕ ਵੀ ਕਾਨਫਰੰਸ ਵਿੱਚ ਹਿੱਸਾ ਲੈਣਗੇ। 

ਦੋ ਦਿਨ ਤੱਕ ਚੱਲਣ ਵਾਲੀ ਇਸ ਕਾਨਫਰੰਸ ਵਿੱਚ ਹੇਠ ਲਿਖੇ ਵਿਸ਼ਿਆਂ 'ਤੇ ਚਰਚਾ ਹੋਵੇਗੀ:

1. 2047 ਤੱਕ ਵਿਕਸਿਤ ਭਾਰਤ ਦੇ ਟੀਚੇ ਨੂੰ ਪ੍ਰਾਪਤ ਕਰਨ ਵਿੱਚ ਨੌਜਵਾਨ ਵਿਧਾਇਕਾਂ ਦੀ ਭੂਮਿਕਾ।

2. ਵਪਾਰ, ਸੈਰ-ਸਪਾਟਾ, ਸ਼ਹਿਰੀਕਰਣ, ਵਾਤਾਵਰਣ ਅਤੇ ਤੱਟਵਰਤੀ ਸੰਪਰਕ ਦੇ ਖੇਤਰਾਂ ਵਿੱਚ ਜ਼ੋਨ VII ਦੀਆਂ ਤਰਜੀਹਾਂ।

ਸੀਪੀਏ ਇੰਡੀਆ ਖੇਤਰ ਦੇ ਜ਼ੋਨ VII ਗੋਆ, ਗੁਜਰਾਤ ਅਤੇ ਮਹਾਰਾਸ਼ਟਰ ਦੀਆਂ ਵਿਧਾਨ ਸਭਾਵਾਂ ਨਾਲ ਮਿਲ ਕੇ ਬਣਿਆ ਹੈ। 2024 ਵਿੱਚ ਸੀਪੀਏ ਇੰਡੀਆ ਰੀਜ਼ਨ ਨੂੰ 9 ਜ਼ੋਨਾਂ ਵਿੱਚ ਪੁਨਰਗਠਨ ਕੀਤੇ ਜਾਣ ਤੋਂ ਬਾਅਦ ਇਹ ਜ਼ੋਨ VII ਦੀ ਪਹਿਲੀ ਕਾਨਫਰੰਸ ਹੈ। ਵਰਤਮਾਨ ਵਿੱਚ ਗੁਜਰਾਤ ਵਿਧਾਨ ਸਭਾ ਦੇ ਸਪੀਕਰ ਇਸ ਜ਼ੋਨ ਦੇ ਚੇਅਰਪਰਸਨ ਹਨ।

ਸਮਾਪਤੀ ਸੈਸ਼ਨ 10 ਅਪ੍ਰੈਲ, 2026 ਨੂੰ ਹੋਵੇਗਾ, ਜਿਸ ਵਿੱਚ ਗੋਆ ਦੇ ਰਾਜਪਾਲ ਸ਼੍ਰੀ ਪੀ. ਅਸ਼ੋਕ ਗਜਪਤੀ ਰਾਜੂ ਅਤੇ ਲੋਕ ਸਭਾ ਦੇ ਸਪੀਕਰ ਸ਼੍ਰੀ ਓਮ ਬਿਰਲਾ ਸ਼ਾਮਲ ਹੋਣਗੇ।

ਇਹ ਸੰਮੇਲਨ ਸੰਸਦੀ ਸਹਿਯੋਗ ਨੂੰ ਮਜ਼ਬੂਤ ​​ਕਰਨ, ਚੰਗੇ ਅਭਿਆਸਾਂ ਦਾ ਆਦਾਨ-ਪ੍ਰਦਾਨ ਕਰਨ ਅਤੇ ਖੇਤਰ ਦੇ ਵਿਕਾਸ ਨਾਲ ਸਬੰਧਿਤ ਮਹੱਤਵਪੂਰਨ ਮੁੱਦਿਆਂ 'ਤੇ ਵਿਚਾਰ-ਵਟਾਂਦਰਾ ਕਰਨ ਲਈ ਆਯੋਜਿਤ ਕੀਤਾ ਜਾ ਰਿਹਾ ਹੈ।

************

ਏਐੱਮ/ ਏਕੇ