حکومت ہند  اگست  ، 2019  ء سے ، ملک کے ہر دیہی گھرانے کو پینے کے پانی کی یقینی  فراہمی  کے قابل بنانے کی خاطر   ریاستوں کے ساتھ شراکت داری میں جل جیون مشن (جے جے ایم)-ہر گھر جل  نافذ کر رہی ہے ۔ اس  پہل  کے تحت نل کے پانی کے کنکشن کے ذریعے باقاعدہ اور طویل مدتی بنیادوں پر مقررہ معیار کے پانی کی مناسب مقدار کی سہولت فراہمی کو یقینی بنانا ہے ۔

اطلاع کے مطابق مشن کے آغاز میں صرف 3.23 کروڑ (16.7 فی صد)  دیہی گھرانوں کے پاس نل کے پانی کے کنکشن تھے ۔ جل جیون مشن (جے جے ایم)-ہر گھر جل کے تحت ریاستوں/مرکز کے زیر انتظام علاقوں کی طرف سے  3 مارچ ، 2026 ء تک اب تک 12.58 کروڑ سے زیادہ اضافی دیہی گھرانوں کو نل کے پانی کے کنکشن فراہم کیے گئے ہیں ۔ اس طرح ، 3 مارچ ، 2026 ء  تک ، ملک کے تقریباً 19.36 کروڑ دیہی گھرانوں میں سے ، تقریباً 15.82 کروڑ (81.71 فی صد) گھرانوں کے گھروں میں نل کے پانی کی فراہمی کی اطلاع ہے ۔ دیہی علاقوں میں مشن کے تحت فراہم کردہ نل کے پانی کے کنکشن کی سال کے لحاظ سے ، ریاست/مرکز کے زیر انتظام علاقوں کے لحاظ سے ، ضلع کے لحاظ سے اور گاؤں کے لحاظ سے صورتِ حال عوامی سطح پر  جے جے ایم ڈیش بورڈ پر  دستیاب ہے:

https://ejalshakti.gov.in/jjmreport/JJMIndia.aspx

اب تک 11 ریاستوں/مرکز کے زیر انتظام علاقوں یعنی اروناچل پردیش ، گوا ، گجرات ، ہریانہ ، ہماچل پردیش ، میزورم ، پنجاب ، تلنگانہ ، انڈمان و نکوبار جزائر ، دادر نگر حویلی اور دمن و دیو (ڈی این ایچ اینڈ ڈی ڈی) اور پدوچری  کے دیہی گھرانوں  میں  اسکیم کے  تحت  100 فی صد   ہدف حاصل کر لیا گیا ہے اور   ‘ ہر گھر جل (ایچ جی جے) ’  کا درجہ  پا لیا ہے ۔

کارروائی جاتی رہنما خطوط کے ذریعے ، دیہی  گھرانوں میں پانی کی فراہمی کے کاموں کے طویل مدتی پائیدار  کام کاج اور دیکھ بھال کا تصور  پیش کرتے ہوئے ، ریاستوں کو مشورہ دیا گیا ہے کہ وہ حقیقی وقت کی نگرانی کے ٹولز جیسے فلو میٹر ، پریشر سینسر ز، پانی کے معیارات کے آن لائن آلات اور ایس سی اے ڈی اے کا استعمال کرت ہوئے ،مسائل کا جلد پتہ لگانے اور فیصلہ سازی کو بہتر بنانے میں مدد کریں ۔ جے جے ایم سروس کے معیارات کے مطابق کارروائی جاتی پائیداری اور گھروں کو مستقل ، محفوظ اور قابل اعتماد پانی کی فراہمی کو یقینی بنانا  ہے ۔

اٹل بھوجل یوجنا مقررہ مدت اور اخراجات کے ساتھ ایک پائلٹ پروجیکٹ تھی ، جسے سات ریاستوں گجرات ، ہریانہ ، کرناٹک ، مدھیہ پردیش ، مہاراشٹر ، راجستھان اور اتر پردیش کے 80 اضلاع کے 229 بلاکوں کی 8,203 پانی کی قلت والی گرام پنچایتوں میں نافذ کیا گیا تھا ۔ اس اسکیم نے کامیابی کے ساتھ کمیونٹی کی قیادت میں شراکت دار زیر زمین پانی کے بندوبست  کی افادیت کا مظاہرہ کیا ہے اور ایک قابلِ تقلید ماڈل فراہم کیا ہے  ، جسے دیگر ریاستیں بھی اپنے بجٹ کے  بندوبست کے ساتھ نافذ کر سکتی ہیں ۔ اس پروگرام نے فعال کمیونٹی کی شرکت کے ذریعے زیرِزمین پانی کے انتظام کو واضح طور پر بہتر بنایا ہے ۔ شراکت دار آبی تحفظ کے منصوبوں کی تیاری ، پانی کے موثر طریقوں کو اپنانا ، کمیونٹی کی قیادت میں نگرانی  اور ریچارج ڈھانچے کے نفاذ نے اجتماعی طور پر بہتر حکمرانی اور زیر زمین پانی کے وسائل کے پائیدار استعمال میں اہم کردار ادا کیا ہے ۔  7 ریاستوں میں پانی کے تحفظ اور زیر زمین پانی کے ری چارج کے لیے 83800 سے زیادہ سپلائی سائیڈ ڈھانچے جیسے چیک ڈیم ، تالاب ، ری چارج شافٹ/گڑھے وغیرہ کی تعمیر/تزئین و آرائش کی گئی ہے اور 180 بلاکوں  میں زیر زمین پانی کی سطح میں بہتری آئی  ہے ۔

کوالٹی کونسل آف انڈیا (کیو سی آئی) نے اٹل بھوجل یوجنا کے مجموعی اثرات کا مطالعاتی جائزہ لیا ہے  ۔ اسکیم کے نفاذ کے علاقوں میں تفصیلی فیلڈ سروے اور مقامی برادریوں کے ساتھ بات چیت کی بنیاد پر ، مطالعہ  میں  اسکیم کے ذریعے  رونما ہوئی  اہم تبدیلیوں کو تسلیم کیا گیا ہے ، جیسے صلاحیت سازی اور آئی ای سی سرگرمیوں کے ذریعے زیر زمین پانی کے مسائل پر کمیونٹی بیداری میں اضافہ ، زیر زمین پانی کے بندوبست میں قیادت اور فیصلہ سازی میں خواتین کی شرکت ، سماجی شمولیت اور مجموعی طور پر معلومات میں اضافہ اور زیر زمین پانی کے تحفظ اور پانی کے انتظام میں حصہ لینے کے لیے کمیونٹی کی آمادگی شامل ہے۔

جل شکتی  کے وزیر مملکت  جناب وی سومنّا نے آج لوک سبھا میں ایک سوال کے تحریری جواب میں یہ معلومات فراہم کیں ۔

 

*************************************

U.No. 5442

(ش ح۔  ض ر ۔ ع ا)

 

(ریلیز آئی ڈی: 2249311) وزیٹر کاؤنٹر : 8