یارڈ 1280 (شچی)، جو نئی نسل کی 11 آف شور پیٹرول ویسلز (این جی او پی ویز) میں اپنی نوعیت کی پہلی ہے، کو 31 مارچ 2026 کو ایم/ایس جی ایس ایل، گوا میں محترمہ شگن سوبتی نے ڈپٹی چیف آف نیول اسٹاف وائس ایڈمرل ترون سوبتی کی موجودگی میں لانچ کیا۔

یہ تقریب مکمل بحری روایات کے ساتھ منعقد کی گئی۔ اس موقع پر بھارتی بحریہ، وزارتِ دفاع اور جی ایس ایل کے سینئر معززین نے شرکت کی۔

این جی او پی ویز کی تعمیر بیک وقت دو شپ یارڈز (جی ایس ایل، گوا اور جی آر ایس ای، کولکاتا) میں کی جا رہی ہے۔ یہ مقامی طور پر تیار کردہ جہاز موجودہ دس او پی ویز/این او پی ویز میں اضافہ کریں گے اور کثیر جہتی آپریشنز جیسے دفاع و نگرانی، تلاش و بچاؤ، ساحل سے دور اثاثوں کا تحفظ، انسانی امداد و آفات سے نمٹنے (ایچ اے ڈی آر) اور بحری قزاقی کے خلاف کارروائیوں میں اہم کردار ادا کریں گے۔ ان جہازوں کے نام بھارتی اساطیر سے لیے گئے ہیں، جن میں پہلا جہاز (سابقہ جی ایس ایل) ’شچی‘ کہلاتا ہے، جس کا مطلب ہے ’’مدد فراہم کرنے والی‘‘۔ این جی او پی ویز کے تاج (نشان) میں کہکشاں دب اکبر اور سرخ و سفید لائٹ ہاؤس کی علامت دکھائی گئی ہے۔

یہ بھارتی بحریہ کی مقامی جہاز سازی کی جانب پیش رفت میں ایک اور اہم سنگِ میل ہے اور حکومتِ ہند کے ’آتم نربھر بھارت‘ اور ’میک اِن انڈیا‘ اقدامات کے نظریہ کے مطابق ہے۔

******

ش ح۔ ش ا ر۔ ول

Uno-5192

(ریلیز آئی ڈی: 2247428) وزیٹر کاؤنٹر : 5