نیشنل کونسل فار سیمنٹ اینڈ بلڈنگ میٹریلز (این سی بی) نے دہلی ٹیکنالوجیکل یونیورسٹی (ڈی ٹی یو) کے ساتھ مفاہمت نامے پر دستخط کیے ہیں، جو بھارت کے سیمنٹ اور تعمیراتی شعبے میں تحقیق-تعلیمی تعاون کو مضبوط بنانے کی جانب ایک اہم قدم ہے۔

اس تعاون کا مقصد سیمنٹ اور کنکریٹ ٹیکنالوجیز میں مشترکہ تحقیق اور جدت کو فروغ دینا، طلبا، پیشہ ور افراد اور اسٹیک ہولڈروں کے لیے تربیتی مواقع فراہم کرنا، اور شعبے میں مہارت کی ترقی اور صلاحیت سازی کو فروغ دینا ہے۔ یہ تعلیمی دنیا اور صنعت کے درمیان علم کے تبادلے کو بھی آسان بنائے گا، جس سے بہترین طور طریقہ کار اور تکنیکی مہارت کے پھیلاؤ کو ممکن بنایا جا سکے گا۔

توقع ہے کہ یہ شراکت داری ملک میں پائیدار اور مضبوط انفراسٹرکچر کو فروغ دینے میں نمایاں کردار ادا کرے گی، جبکہ بھارت کے تعمیراتی نظام کو بہتر تکنیکی صلاحیتوں اور ادارہ جاتی تعاون کے ذریعے مضبوط کرے گی۔

نئی دہلی میں 30 مارچ 2026 کو ڈی ٹی یو  میں اس مفاہمت نامے پر ڈاکٹر ایل پی سنگھ، ڈائریکٹر جنرل، این سی بی اور جناب بینود ڈولی، رجسٹرار، ڈی ٹی یو نے پروفیسر پرتیک شرما، وائس چانسلر، ڈی ٹی یو ڈاکٹر ایس۔ کے۔ چترویدی، جوائنٹ ڈائریکٹر اور سیکرٹری، این سی بی؛ ڈاکٹر سنجے مندرا، جنرل منیجر اور ہیڈ (ای ٹی ایس)، این سی بی؛ اور ڈاکٹر کپل ککریجا، جنرل منیجر اور ہیڈ (سی ایم ای)، این سی بی   کی موجودگی میں دستخط کیے۔

***

(ش ح – ع ا)

U. No. 5187

 

(ریلیز آئی ڈی: 2247409) وزیٹر کاؤنٹر : 4