ભારતના રાષ્ટ્રીય માનવ અધિકાર પંચ (NHRC)એ એક મીડિયા રિપોર્ટની નોંધ લીધી છે જેમાં જણાવાયું છે કે છેલ્લા ચાર વર્ષમાં છત્તીસગઢની વિવિધ જેલોમાં કુલ 285 કેદીઓના મૃત્યુ થયા છે; સૌથી વધુ મૃત્યુ વર્ષ 2022માં  90 થયા હતા અને જાન્યુઆરી 2025 થી 31 જાન્યુઆરી, 2026ની વચ્ચે 66 મૃત્યુ થયા છે. અહેવાલ મુજબ રાજ્ય સરકારે વિધાનસભામાં કેદીઓના મૃત્યુ પાછળ આત્મહત્યા અને લાંબી બીમારીઓને મુખ્ય કારણો ગણાવ્યા છે.

23 માર્ચ, 2026ના રોજ પ્રકાશિત થયેલા એક મીડિયા રિપોર્ટ અનુસાર, રાજ્યની મોટાભાગની જેલોમાં કેદીઓની સંખ્યા ક્ષમતા કરતા વધુ છે, જેના કારણે કેદીઓમાં ચેપ ફેલાય છે અને માનસિક તણાવ વધે છે. મોટાભાગની જેલો કેદીઓની સારવાર માટે ડોકટરો અને મનોચિકિત્સકોની અછતનો સામનો કરી રહી છે.

કમિશનને જાણવા મળ્યું છે કે સમાચાર અહેવાલની બાબત, જો સાચી હોય, તો તે પીડિતોના માનવાધિકાર ઉલ્લંઘનના ગંભીર મુદ્દાઓ ઊભા કરે છે. તેથી, કમિશને છત્તીસગઢના મુખ્ય સચિવ અને જેલના મહાનિર્દેશકને નોટિસ જારી કરીને બે અઠવાડિયામાં આ બાબતે વિગતવાર અહેવાલ માંગ્યો છે. આ અહેવાલમાં જેલોમાં કથિત રીતે ક્ષમતા કરતા વધુ સંખ્યા, ખાલી ડોક્ટરોની જગ્યાઓ અને આ સમસ્યાના ઉકેલ માટે રાજ્ય સરકાર દ્વારા લેવામાં આવી રહેલા પગલાં અંગેની માહિતી સામેલ હોવાની અપેક્ષા છે.

 

SM/BS/GP/JT

`

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(રીલીઝ આઈડી: 2245554) મુલાકાતી સંખ્યા : 14