সরকারনা ফেব্রুৱারী ১৫, ২০২৩দা ভাইব্রান্ত ভিলেজ প্রোগ্রাম-I (ভি.ভি.পি.-আই) অসি সেন্ত্রেল্লি স্পোন্সর তৌরবা স্কিম অমা ওইনা এফ.ৱাই. ২০২২-২৩দগী ২০২৫-২৬ ফাওবগী ওইনা লুপা করোর ৪,৮০০গী শেনফমগা লোয়ননা ব্লোক ৪৬কী খনগৎলবা খুঙ্গংশিংগী অপুনবা চাউখৎ-থৌরাংগীদমক অয়াবা পীখ্রে।

অরুনাচল প্রদেশ, হিমাচল প্রদেশ, সিক্কিম, উত্তরাখন্দ অমসুং য়ু.তি. লদাখকী জিলা ১৯গী অৱাং থংবা ঙমখৈদা লৈবা মফমশিং অসি প্রোগ্রাম অসিগী মখাদা প্রাইওরিতীগী মওংদা মপুং ফানা চাউখৎহন্নবা অহানবদা ঙমখৈদা লৈবা খুঙ্গং ৬৬২ মশক খঙদোকখ্রে।

প্রোগ্রাম অসিনা খনগৎলবা খুঙ্গংশিংদা তুরিজম অমসুং কলচরেল হেরিতেজ, স্কিল দিভেলপমেন্ত অমসুং এন্ত্রিপ্রেন্যুওরশিপ অমসুং লৌউ-শিংউ/হোর্টিকলচর, হিদাক-লাংথকশিংগী পাম্বীশিং/মনা-মশিংশিং, অসিনচিংবা য়াওনা কোওপরেতিব সোসাইতীশিং শেমগৎতুনা পুন্সি মহিংগী খুদোংচাবশিং শেমগৎনবা মীৎয়েং থমদুনা থবক পায়খৎনবা পান্দম থম্লি। ইন্তর্ভেন্সনশিং অসিদা লম্বী-থোংগা শম্নদবা খুঙ্গংশিং, খুঙ্গংগী ইনফ্রাস্ত্রকচর, হকশেলগী ফেসিলিতী, এজুকেসন ইনফ্রাস্ত্রকচর, রিন্যুএবল ইনর্জী য়াওনা ইনর্জী, তেলিভিজন অমসুং তেলিকোম কনেক্তিবিতীসু য়াওরি। প্রোগ্রাম অসিগী পান্দমদি মীয়াম্বু খনগৎলবা খুঙ্গংশিংদা লৈহন্নবা মতীক চাবা ইন্সেন্তিবশিং শেমগৎপনি।

ঙসি ফাওবদা ভি.ভি.পি.-আই.গী মখাদা, ভিউ পোইন্তশিং, এদভেঞ্চর তুরিজম, ইকো-তুরিজম, ইকো-রিজোর্ৎশিং, ত্রেক রুতশিং অমসুং তুরিস্ত সেন্তরশিং শেমগৎপা য়াওনা তুরিজম প্রমোৎ তৌনবা লুপা কোতি ১১৬ থাদদুনা প্রোজেক্ত ২৬৩ অয়াবা পীখ্রে।

প্রোগ্রাম অসি মখা তানা চৎথহন্দুনা, সরকারনা অরুনাচল প্রদেশ, আসাম, বিহার, গুজরাত, জে অমসুং কে, লদাখ, মনিপুর, মেঘালয়া, মিজোরাম, নাগালেন্দ, পঞ্জাব, রাজস্থান, সিক্কিম, ত্রিপুরা, উত্তরাখন্দ, উত্তর প্রদেশ অমসুং ৱেস্ত বেঙ্গলগী রাজ্য/য়ু.তি.শিংদা ভি.ভি.পি.-আই.গী মখাদা হান্ননা কোনশিল্লবা অৱাংথংবা ঙমখৈ নত্তনা, ইন্তর্নেস্নেল লেন্দ বোর্দরগা নক্ননা লৈবা ব্লোকশিংদা লৈবা মশক খংদোক্লবা খুঙ্গংশিংবু মপুং ফানা চাউখৎহন্নবা শেনবা চহি ২০২৮-২৯ ফাওবদা লুপা করোর ৬৮৩৯ পুন্না পুথোক্কদবা সেন্ত্রেল সেক্তর স্কিম অমা ওইনা ভাইব্রেন্ত ভিলেজ প্রোগ্রাম-২ (ভি.ভি.পি.-২) য়াখ্রে। তামিল নাদুগী রাজ্য অসি ভি.ভি.পি.-১ অমসুং ভি.ভি.পি.-২গী মখাদা লৈতে।

ৱাফম অসি হোম এফিয়র্স মন্ত্রালয়গী স্তেত মিনিস্তর শ্রী নিতিয়ানন্দ রাইনা রাজ্য সভাদা ৱাহং অমগী অইবা পাউখুম অমদা ফোঙদোকখিবনি।

***

(রিলিজ আই.দি.: 2245444) ভিজিতর কাউন্তর : 17