سکیورٹی سے متعلق اخراجات (ایس آر ای) فریم ورک اور وزیر اعظم کے ترقیاتی پیکیج (پی ایم ڈی پی) کے تحت کشمیری  مائگرینٹ کنبوں  کو فی الحال  ، جو فلاحی اقدامات فراہم کیے جا رہے ہیں  ، ان میں  مندرجہ ذیل شامل ہیں:

امدادی زمرے کے تحت رجسٹرڈ  مائگرینٹ کنبوں کو نقد امداد فراہم کی جا رہی ہے  ،  جو فی شخص فی مہینہ  3250 روپے  اور فی کنبہ زیادہ سے زیادہ 13000 روپے فی مہینہ ہے  ۔

کشمیری  مائگرینٹ کو  9 کلو چاول فی شخص ماہانہ ، 2 کلو آٹا فی شخص ماہانہ اور 1 کلو چینی فی  کنبہ ماہانہ کی بنیادر پر مفت راشن فراہم کیا جا رہا ہے ۔ جموں  مائگرینٹس کے معاملے میں  9 کلوگرام آٹا فی شخص فی مہینہ ، 2 کلوگرام چاول فی شخص فی مہینہ اور 1 کلوگرام چینی فی  کنبہ فی مہینہ  مقرر ہے ۔

 جموں کے مختلف کیمپوں میں کشمیری  مائگرینٹ کنبوں کے لیے  مائگرینٹ رہائشی کیمپوں/فلیٹوں کی دیکھ بھال اور دیکھ  ریکھ ۔

 کشمیری  مائگرینٹ کنبوں کے لیے 6000 آسامیاں مختص کی گئی ہیں ۔ مذکورہ عہدوں پر تقرری کے احکامات کے  سلسلے میں  5896 (98.26 فی صد ) امیدواروں کو اب تک تقرر  کے احکامات جاری کئے جا چکے ہیں ۔

دیگر اقدامات:

کشمیری مائگرینٹ کی سہولت کے لئے ، رجسٹریشن اور جاری کرنے کے لئے آن لائن خدمات  یعنی   ڈومیسائل سرٹیفکیٹ ،  پسماندہ علاقوں میں رہنے والے افراد (آر بی اے) سرٹیفکیٹ ، ای ڈبلیو ایس سرٹیفکیٹ ، انکم سرٹیفکیٹ ، مائیگرنٹ سرٹیفکیٹ جاری کیے گئے ہیں ۔

آدھار سیڈنگ-براہ راست فائدہ کی منتقلی-راحت (نقد امداد) کی شفاف اور موثر منتقلی کے لیے  ، جس نے حقیقی مستفیدین کو بغیر کسی تاخیر کے حقیقی وقت کی بنیاد پر راحت کی منتقلی کی سہولت فراہم کی ہے ۔

ملک بھر میں مختلف مقامات پر آؤٹ ریچ پروگرام اور شکایات کے ازالے کے کیمپ شروع کیے گئے ہیں ۔

ثقافتی ، زبان ، صحت ، کھیلوں کی سرگرمیوں کے فروغ کے لیے سماجی و ثقافتی تقریبات/کیمپوں کا اہتمام کرنا ۔

حکومت ہند کی طرف سے اسمارٹ پی ڈی ایس پورٹل کے این ایف ایس اے ڈاٹا بیس میں  مائگرینٹ راشن کارڈوں کا انضمام ۔

حکومت نے وادی کشمیر میں حکومت جموں و کشمیر کے مختلف محکموں میں پہلے سے مصروف عمل /  عنقریب مصروف  عمل ہونے والے کشمیری  مائگرینٹ ملازمین کے لیے وادی کشمیر میں 20 مختلف مقامات پر  6000 ٹرانزٹ رہائش گاہوں کی تعمیر کی منظوری دی ہے ۔ 6000 ٹرانزٹ رہائش یونٹوں میں سے 4112 یونٹس تعمیر کیے جا چکے ہیں اور 3257 یونٹس الاٹ کیے جا چکے ہیں ۔

یہ  معلومات وزارت داخلہ  میں وزیر مملکت جناب نتیانند رائے نے راجیہ سبھا میں ایک سوال کے تحریری جواب میں  فراہم کیں ۔

....................

) ش ح –    ش ب    -  ع ا )

U.No. 4884

(ریلیز آئی ڈی: 2245156) وزیٹر کاؤنٹر : 12