ଆଜି ନୂଆଦିଲ୍ଲୀର କୃଷି ଭବନରେ କୃଷି ଏବଂ କୃଷକ କଲ୍ୟାଣ ମନ୍ତ୍ରୀ ଶ୍ରୀ ଶିବରାଜ ସିଂହ ଚୌହାନ ଏବଂ କାନାଡାର ସାସ୍କାଚେୱାନର ପ୍ରିମିୟର ଶ୍ରୀ ସ୍କଟ୍ ମୋଙ୍କ ମଧ୍ୟରେ ଏକ ବୈଠକ ଅନୁଷ୍ଠିତ ହୋଇଥିଲା।

ଉଭୟ ପକ୍ଷ କୃଷି ଗବେଷଣା, ପ୍ରଯୁକ୍ତିବିଦ୍ୟା, ଉପକରଣ ଏବଂ ଆଧୁନିକ କୃଷି ପଦ୍ଧତିରେ ସହଯୋଗ ବିଷୟରେ ଆଲୋଚନା କରିଥିଲେ। ଶ୍ରୀ ଚୌହାନ କୃଷି ସାମଗ୍ରୀ, ବିଶେଷକରି ପଟାସରେ ଭାରତ ପାଇଁ ଏକ ନିର୍ଭରଯୋଗ୍ୟ ଅଂଶୀଦାର ଭାବରେ ସାସ୍କାଚେୱାନର ଭୂମିକା ଉପରେ ଆଲୋକପାତ କରିଥିଲେ ଏବଂ ଏକ  କାନାଡା-ଭାରତ ପଲ୍ସ ପ୍ରୋଟିନ୍ ସେଣ୍ଟର ଅଫ୍ ଏକ୍ସଲେନ୍ସ ପ୍ରତିଷ୍ଠା ପ୍ରସ୍ତାବକୁ ସ୍ୱାଗତ କରିଥିଲେ।

 

ଶ୍ରୀ ମୋ ସାସ୍କାଚେୱାନ ଏବଂ ଭାରତ ମଧ୍ୟରେ ଦୃଢ଼ ଏବଂ ବର୍ଦ୍ଧିତ ସମ୍ପର୍କ ଉଲ୍ଲେଖ କରିଥିଲେ ଏବଂ ଦ୍ୱିପାକ୍ଷିକ ସହଯୋଗକୁ ବିସ୍ତାର କରିବା ପାଇଁ ସମାନ ପ୍ରତିବଦ୍ଧତା ଉପରେ ଗୁରୁତ୍ୱାରୋପ କରିଥିଲେ।

ଆଲୋଚନାରେ କୃଷି ଗବେଷଣା, କୃଷି ଯାନ୍ତ୍ରିକୀକରଣ ଏବଂ କ୍ଷମତା ନିର୍ମାଣରେ ସହଯୋଗକୁ ମଧ୍ୟ ଅନ୍ତର୍ଭୁକ୍ତ କରାଯାଇଥିଲା।

ଏହି ବୈଠକରେ ଡିଏ ଆଣ୍ଡ ଏଫଡବ୍ଲୁ ସଚିବ ଶ୍ରୀ ଆତିଶ ଚନ୍ଦ୍ର, ଡ଼ିଏଆରଏ ସଚିବ ଶ୍ରୀ ଏମ.ଏଲ. ଜାଟ, ଡିଏ ଆଣ୍ଡ ଏଫଡବ୍ଲୁ କୃଷି କମିଶନର, ଯୁଗ୍ମ ସଚିବ (ପିପି), ଡିଏ ଆଣ୍ଡ ଏଫଡବ୍ଲୁ, ଯୁଗ୍ମ ସଚିବ (ଏମ ଆଣ୍ଡ ଟି), ଡିଏ ଆଣ୍ଡ ଏଫଡବ୍ଲୁ, ଯୁଗ୍ମ ସଚିବ, ଫର୍ଟିଲାଇଜର୍ସ ଏବଂ ଡିଏ ଆଣ୍ଡ ଏଫଡବ୍ଲୁ ଏବଂ ବୈଦେଶିକ ବ୍ୟାପାର ମନ୍ତ୍ରଣାଳୟର ଅନ୍ୟାନ୍ୟ ବରିଷ୍ଠ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ।

sws

(ରିଲିଜ ଆଡି: 2245089) ପରିଦର୍ଶକ କାଉଣ୍ଟର : 13