ماہی گیری ، مویشی پروری اور ڈیری کی وزارت کا محکمہ بہار سمیت تمام ریاستوں/مرکز کے زیر انتظام علاقوں میں ماہی گیری کی ترقی کے لیے ملک میں ماہی گیری اور آبی زراعت کے شعبے کی مجموعی ترقی کے لیے مالی سال21-2020 سے 20,050 کروڑ روپے کی تخمینہ سرمایہ کاری کے ساتھ پردھان منتری متسیہ سمپدا یوجنا (پی ایم ایم ایس وائی) کو نافذ کر رہا ہے ۔پی ایم ایم ایس وائی کے تحت، حکومت ہند کے محکمۂ ماہی گیری نے مختلف ماہی ترقیاتی سرگرمیوں کے لیے 547.13 کروڑ روپےکی منظوری دی ہے، جس میں سے 173.65 کروڑ روپےمرکزی حکومت کی ذمہ داری ہے اور ریاست میں ماہی گیری کی ترقی کے لیے بہار حکومت کو 126.14 کروڑروپے کی رقم جاری کی گئی ہے۔  ریاست میں ماہی گیری کی ترقی کے لئے بہار حکومت کو 173.65 کروڑ روپے اور 126.14 کروڑ روپے کی رقم جاری کی گئی ہے ۔   جیسا کہ حکومت بہار کی طرف سے اطلاع دی گئی ہے ، پچھلے تین برسوں کے دوران ریاست میں پی ایم ایم ایس وائی کے تحت 4421 مستفیدین کا احاطہ کیا گیا ہے جن میں اورنگ آباد ضلع میں 107 شامل ہیں ، جبکہ مچھلی کے بیج کے فارموں اور ہیچری مراکزکے حوالے سے ، 35 فائن فش ہیچریوں اور ایک بروڈ بینک کے لیے 15.29 کروڑ روپے کی پروجیکٹ تجویز کو منظوری دی گئی ہے اور ریاست میں 12.84 کروڑ روپےکی رقم استعمال کی گئی ہے ۔

سال2020 میں پردھان منتری متسیہ سمپدا یوجنا (پی ایم ایم ایس وائی) کے آغاز کے بعد سے ، ہندوستان نے مچھلی کی پیداوار اور آبی زراعت کی پیداواری صلاحیت دونوں میں خاطر خواہ اضافہ ریکارڈ کیا ہے ۔ ملک کی مچھلی کی کل پیداوار20-2019 کے 141.6 لاکھ ٹن سے بڑھ کر 25-2024 میں 197.75 لاکھ ٹن ہو گئی ہے جس میں 38فیصد اضافہ ہوا ہے ۔ اسی طرح بہار میں سال 25-2024 میں مچھلی کی پیداوار 9.59 لاکھ ٹن رہی اور رواں سال26-2025 کے لیےتخمینہ ہدف 10.20 لاکھ ٹن ہے ۔

حکومت ہند کے محکمہ ماہی گیری نے پی ایم ایم ایس وائی پر اپنی فلیگ شپ اسکیم کے تحت کئی اقدامات کیے ہیں ، جو بنیادی طور پر پائیدار اور ذمہ دار آبی زراعت کو فروغ دے کر ، مچھلی کی پیداوار اور پیداواری صلاحیت کو بڑھا کر ، ویلیو چین کو مضبوط بنا کر اور بنیادی ڈھانچے کی تشکیل کرکے ماہی گیری کے شعبے کی مجموعی ترقی پر توجہ مرکوز کرتے ہیں ۔  حکومت آبی زراعت کے جدید طریقوں کو بھی فروغ دے رہی ہے جن میں بائیو فلوک ٹیکنالوجی ، ری سرکولیٹری ایکواکلچر سسٹم (آر اے ایس) کیج کلچر اور میری کلچر ، معیاری مچھلی کے بیج کی فراہمی اور ہیچریوں ، بروڈ بینکوں اور فیڈ ملوں کے قیام کے ذریعے خوراک کے ساتھ ساتھ اعلیٰ قیمت والی انواع میں تنوع شامل ہے ۔   ان اقدامات نے اجتماعی طور پر ملک میں مچھلی کی پیداوار میں اضافہ ، پیداواری صلاحیت میں بہتری اور ماہی گیروں اور مچھلی کاشتکاروں کی آمدنی میں اضافہ کیا ہے ۔  اس کے علاوہ ، ماہی گیروں اور مچھلی کاشتکاروں کے ذریعہ ادارہ جاتی قرض تک رسائی کو آسان بنانے کے لئے ،19-2018 سے ، ماہی گیروں اور مچھلی کاشتکاروں کو ان کی ورکنگ کیپٹل کی ضروریات کو پورا کرنے کے لئے کسان کریڈٹ کارڈ کی سہولت فراہم کی گئی ہے ۔  مزید برآں ، ایف آئی ڈی ایف کے تحت ماہی گیروں اور مچھلی کے کاشتکاروں کے لیے رعایتی مالی اعانت بھی19-2018 سے دستیاب کرائی گئی ہے، جس میں تالاب ، کیج کلچر ، ہیچری ، فیڈ پلانٹ ، کولڈ اسٹوریج ، آئس پلانٹ وغیرہ جیسے ماہی گیری کے بنیادی ڈھانچے کی تخلیق اور مضبوطی کے لیے 3فیصد تک سود کی رعایت دی گئی ہے ۔

یہ معلومات ماہی گیری ، مویشی پروری اور ڈیری کے وزیر جناب راجیو رنجن سنگھ عرف للن سنگھ نے لوک سبھا میں ایک سوال کے جواب میں دی ۔

 

********

 

 

 

ش ح۔ ک ا۔ج  ا

U. No.4765

(ریلیز آئی ڈی: 2244363) وزیٹر کاؤنٹر : 13