انڈین انسٹی ٹیوٹ آف کارپوریٹ افیئرز (آئی آئی سی اے) نے وزارت دفاع کے ڈائریکٹوریٹ جنرل ری سیٹلمنٹ (ڈی جی آر) کے ساتھ شراکت داری میں 20 مارچ 2026 کو مانیسر، گروگرام میں آئی آئی سی اے کیمپس میں دفاعی افسران کے لیے کارپوریٹ گورننس میں ڈائریکٹرز سرٹیفیکیشن کے چوتھے بیچ کا کامیابی سے اختتام کیا ۔

دو ہفتے کے سرٹیفیکیشن پروگرام میں ہندوستانی مسلح افواج کی تینوں سروسز کے 30 سینئر افسران شامل تھے۔  اگست 2024 میں اپنے آغاز کے بعد سے، اس پروگرام نے اب چار بیچوں میں 120 افسران کو تربیت دی ہے۔

اس پروگرام کا مقصد افسران کو اس قیادت کے تجربے کو کارپوریٹ ڈومین میں بروئےکار لانے کے لیے ضروری ٹولز فراہم کرنا تھا-شرکاء کو کمپنیوں کو چلانے والے قانونی اور ریگولیٹری فریم ورک ، آزاد ڈائریکٹرز کی ذمہ داریوں ، مالی نگرانی ، رسک مینجمنٹ ، ای ایس جی کے اصولوں اور مخلصانہ فرائض سے واقف کرنا ۔

پریکٹیشنرز اور خدمت پر مامور آزاد ڈائریکٹرز کے ساتھ بات چیت نے شرکاء کو کارپوریٹ قیادت کی حقیقتوں کے بارے میں تجرباتی بصیرت پیش کی ۔

مؤرخہ19 مارچ 2026 کو منعقدہ سرٹیفکیٹ کی تقریب میں وزارتِ دفاع کے سابق فوجیوں کی بہبود کے محکمے(ڈی ای ایس ڈبلیو) کی سکریٹری محترمہ سوکریتی لکھی نے بطور مہمانِ خصوصی شرکت کی، جبکہ اس تقریب کی صدارت آئی آئی سی اے کے ڈائریکٹر جنرل اور سی ای او جناب گیانیشور کمار سنگھ نے کی۔

آئی آئی سی اے کےڈی جی اور سی ای او نے اس بات پر زور دیا کہ یہ پروگرام شرکاء کو نہ صرف تکنیکی علم فراہم کرتا ہے بلکہ تجربہ کار کارپوریٹ لیڈروں، ماہرین اور ساتھیوں کا ایک پیشہ ورانہ نیٹ ورک بنانے کا موقع بھی دیتا ہے، جو کارپوریٹ عہدوں میں منتقلی کے دوران ان کے لیے انتہائی قیمتی ثابت ہوگا۔ انہوں نے شریک افسران کی حوصلہ افزائی کی کہ وہ آئی آئی سی اے اور ایک دوسرے کے ساتھ جڑے رہیں، تاکہ دفاعی افسران کی ایک ایسی بڑھتی ہوئی کمیونٹی میں اپنا حصہ ڈال سکیں جو پورے بھارت میں اعلیٰ کارپوریٹ گورننس کو آگے بڑھا رہی ہے۔

سکریٹری، ڈی ای ایس ڈبلیو نے دفاعی افسران کے لیے ریٹائرمنٹ کے بعد بامعنی راستے بنانے میں آئی آئی سی اے  اور ڈی جی آر  کے درمیان تعاون کی ستائش کی۔ انہوں نے آئی آئی سی اے کی علمی قیادت کو بھی سراہا جس نے اس بات کو یقینی بنایا کہ یہ پروگرام شرکاء کو کارپوریٹ گورننس سے وابستہ ذمہ داریوں کے علم اور گہری سمجھ بوجھ سے لیس کرے۔

سکریٹری نے اس پروگرام کو وِکست بھارت 2047 کے وسیع تر قومی وژن کے تناظر میں پیش کرتے ہوئے اس بات پر زور دیا کہ تجربہ کار فوجی قیادت کی کارپوریٹ گورننس کے کرداروں میں منتقلی محض کیریئر کی تبدیلی نہیں بلکہ قومی خدمت کا تسلسل ہے۔ انہوں نے مزید کہا کہ اپنے ڈسپلن، تزویراتی سوچ اور دیانتداری کے عزم کو کارپوریٹ سیکٹر میں لا کر یہ افسران مضبوط تنظیموں اور زیادہ ذمہ دار اداروں کی تعمیر میں اپنا حصہ ڈالیں گے، جو ایک ترقی یافتہ اور مستحکم بھارت کے لازمی ستون ہیں۔

آئی آئی سی اے کے اسکول آف کارپوریٹ گورننس اینڈ پبلک پالیسی کے سربراہ ڈاکٹر نیرج گپتااور پروگرام ڈائریکٹر نے پروگرام کے آغاز میں موضوعات کے بارے میں بتایا۔ آئی آئی سی اے کی پرنسپل ریسرچ ایسوسی ایٹ ڈاکٹر انندیتا چکرورتی نے پروگرام کی کارروائی کو آگے بڑھایا۔

*****

 

 

ش ح۔ ک ح۔ش ا

U NO: 4754

(ریلیز آئی ڈی: 2244302) وزیٹر کاؤنٹر : 8