1. الیکشن کمیشن آف انڈیا نے آج مغربی بنگال کے ڈسٹرکٹ الیکشن آفیسرز (ڈی ای اوز) اور سپرنٹنڈنٹ آف پولیس (ایس پیز) اور کمشنر آف پولیس (سی پیز) اور دیگر افسران کے لیے ایک آن لائن جائزہ اور تربیتی سیشن کا انعقاد کیا ۔
2. چیف الیکشن کمشنر جناب گیانیش کمار نے 9 مارچ 2026 کو مغربی بنگال کے جائزہ دورے کے دوران اس بات پر زور دیا تھا کہ مغربی بنگال میں انتخابات تشدد سے پاک ، خوف سے آزاد ، لالچ سے مبرا طریقے سے منعقد کیے جائیں گےتاکہ ہر ووٹر بغیر کسی ڈر یا جانبداری کے اپنے حقِ رائے دہی کا استعمال کر سکے۔
3. اس سلسلے میں کمیشن کے سینئر افسران نے آج مغربی بنگال کی قانون ساز اسمبلی کے عام انتخابات کے لیے ضلعی انتظامیہ اور امن و امان کی مشینری کی تیاریوں کا جائزہ لیا ۔
4. سینئر افسران نے ریاست کے ڈی ای اوز ، ایس پیز ، سی پیز کے ساتھ انتخابی منصوبہ بندی کے ہر پہلو ، تمام پولنگ اسٹیشنوں پر اے ایم ایف کو یقینی بنانے ، ای وی ایم مینجمنٹ ، لاجسٹکس ، انتخابی عملے کی تربیت ، ضبطی ، امن و امان ، ووٹر بیداری اور آؤٹ ریچ سرگرمیوں پر آن لائن تفصیلی جائزہ لیا ۔
5. قومی سطح کے ماسٹر ٹرینرز (این ایل ایم ٹی) نے شرکاء کو انتخابی عمل کے دوران قانون و نظم نافذ کرنے، حساس علاقوں کی نشاندہی اور دیگر تیاریوں سے متعلق تربیت دی، ساتھ ہی اخراجات کی نگرانی اور ضابطہ اخلاق کے نفاذ پر بھی رہنمائی فراہم کی۔
6. ای سی آئی مغربی بنگال کے ریٹرننگ افسران (آر اوز) کی تربیت بھی 25 مارچ 2026 کو صبح 11:00 بجے ان کے متعلقہ ڈویژنل ہیڈ کوارٹرز میں کرے گا ۔

********

ش ح۔ ک ا۔ج  ا

U. No.4751

(ریلیز آئی ڈی: 2244299) وزیٹر کاؤنٹر : 7