بھارتی قومی شاہراہ اتھارٹی (این ایچ اے آئی) نے اتر پردیش کے اعظم گڑھ کیلئے 15 کلومیٹر طویل، چار لین والے ساؤتھ ایسٹ بائی پاس کی تعمیر کے لیے لیٹر آف آوارڈ (ایل او اے) جاری کیا ہے۔ یہ منصوبہ انجینئرنگ، پروکیورمنٹ اور کنسٹرکشن (ای پی سی) موڈ پر تقریباً 368.85 کروڑ روپے کی لاگت سے میسرس کالووَالا کنسٹرکشن پرائیویٹ لمیٹڈ کو سونپا گیا ہے۔

یہ بائی پاس رانی-کا-سرائے گاؤں کے قریب سے شروع ہو کر پُروانچل ایکسپریس وے کے پاس ختم ہوگا اور اعظم گڑھ کے علاقائی سڑک نیٹ ورک میں ایک اہم رابطہ مکمل کرے گا، جس سے ایک مسلسل رِنگ روڈ قائم ہوگا۔ اس منصوبے سے علاقائی ٹریفک کی آمدورفت بہتر ہوگی اور اعظم گڑھ شہر کے اندر بھیڑ کم ہوگی۔

پروجیکٹ کے نفاذ میں ایک فلائی اوور ، ایک آر او بی ، دو انٹرچینجز ، دو وہیکل انڈر پاس (وی یو پی) ، آٹھ ایل وی یو پی ، تین چھوٹے پل ، 11.6 کلومیٹر کی سروس روڈ اور ہر طرف 9 کلومیٹر کی لمبائی اور 7.5 کلومیٹر لمبی سلپ روڈ کی تعمیر بھی شامل ہے ۔

یہ بائی پاس ، ایک بار مکمل ہونے کے بعد ، علاقائی رابطے کو فروغ دے گا ، لاجسٹک لاگت کو کم کرے گا اور طویل مدتی اقتصادی ترقی میں مدد کرے گا ، ساتھ ہی پورے علاقے میں محفوظ اور تیز سفر کی سہولت فراہم کرے گا۔

***

ش ح۔ ک ا۔ ن ع

U.NO.4711

(ریلیز آئی ڈی: 2244100) وزیٹر کاؤنٹر : 20