কেন্দ্রগী কম্যুনিকেসন অমসুং অৱাং-নোংপোক লমদমগী চাউখৎ থৌরাং (DoNER)গী মন্ত্রী, শ্রী জ্যোতিরাদিত্য এম. সিন্দিয়ানা 12.03 2026দা নই দিল্লীগী পার্লিয়ামেন্ত হাউস এনেক্সতা অৱাং-নোংপোক লমদমগী দিবেলপমেন্ত মন্ত্রালয়গী কন্সল্তেতিব কম্মিতীগী মীফম অমদা ময়াই তাংবল লৌখি। মীফম অদুদা কম্মিতীগী মেম্বরশিং, MDoNERগী সেক্রেতরী অমসুং তোঙান-তোঙানবা মন্ত্রালয়শিং, NEC অমসুং নোর্থ ইস্তর্ন দিবেলপমেন্ত ফাইনান্স কোর্পোরেসন লিমিতেদ (NEDFi)গী সেনিয়র ওফিসরশিং শরুক য়াখি।

মীফম অদুদা মন্ত্রীনা NEDFiনা ইনভেস্তমেন্ত কেতলাইজ তৌবদা, থবক পীবদা অমসুং অৱাং নোংপোক লমদম পুম্বদা এন্ত্রপ্রেন্যুরশিপ মপাঙ্গল কনখৎহনবদা লৌরিবা মরু ওইবা থৌদাং অদু পনখি।

মহাক্না হায়খি, “NEDFiনা অৱাং নোংপোক্তা এন্তরপ্রাইজকী স্ত্রকচরেল এনেব্লর অমা ওইনা ওইরক্লি, মসিনা এন্ত্রপ্রেন্যুরশিপ হেনগৎহল্লি, MSMEগী ক্রেদিৎ গেপশিং কোকহল্লি, প্রাইভেৎ ইনভেস্তমেন্ত কেতলাইজ তৌহল্লি অমসুং লমদম অসিদা লৈরিবা মীয়ামগী পুন্সি মহিংদা মতেং পাংলি।”

শেল-থুমগী মপাঙ্গল কনবা অমসুং থবক পীবা

NEDFiগী ইন্তর্ভেন্সনশিংগী শেল-থুমগী ইম্পেক্ত অদু পল্লদুনা শ্রী সিন্দিয়ানা হায়খি মদুদি 2025গী মার্চ ফাওবদা ইনস্তিত্যুসন অসিনা য়ুনিৎ 26,835দা লুপা করোর 9114গী শেনফম য়ৌহনখ্রে, মসিনা লুপা করোর 23670গী প্রাইভেৎ ইনভেস্তমেন্ত ফংহনখ্রে অমসুং অৱাং নোংপোক লমদমগী মীওই লাখ 15রোমদা থবক পীখ্রে।

মন্ত্রীনা হায়খি মদুদি NEDFiনা ইনভেস্ত তৌখিবা লুপা ১ খুদিংদা প্রাইভেৎ সেক্তরদগী লুপা 2.6 ফংলি, মসিনা ইনভেস্তরশিংগী থাজবা অদু উৎলি। মহাক্না কেপিতেল দিপ্লোইমেন্তকী ইফিসিয়েন্সীদা য়াম্না মরুওইনা পনখি, মহাক্না হায়খি মদুদি দিপ্লোইমেন্ত তৌখিবা লুপা করোর ১ খুদিংগী চাউরাক্না থবক 165 লৈহনখি।

MSME ক্রেদিৎ গেপ মেনশিনবা

শ্রী সিন্দিয়ানা হায়খি মদুদি NEDFiনা অৱাং-নোংপোক লমদমদা MSMEগী ক্রেদিৎ গেপ কোকপদা মরুওইবা থৌদাং লৌরি। মহাক্না ইনস্তিত্যুসন অসিবু মসিগী পোর্তফোলিও অসি মখল-মখা কয়া থোকহন্নবা অমসুং মাইক্রো এন্তর্প্রাইজশিংদগী হেন্দোক্তুনা অপীকপা এন্তর্প্রাইজশিং য়াওহন্নবা অমসুং মসিনা লমদম অসিদা লৈরিবা বিজনেসশিংগী পাক-শন্না শন্দোকপদা মতেং পাংনবা খঙহনখি।

ইনস্তিত্যুসন অসিগী ফাইনান্সিয়েল দিসিপ্লিনবু থাগৎলদুনা, মন্ত্রীনা হায়খি মদুদি NEDFiনা দিফোল্ত তৌদনা লুপা করোর 289.11গী ইন্তরেস্ত ফ্রী লোন শিংদোকখি। হন্দক্তা থাদোকখিবা শেনফম অদুদা ইনস্তিত্যুসন অসিনা লুপা করোর 468 ইন্তর্নেল ওইনা পুথোকখিবদা মহাক্না নুংঙাইবা ফোংদোকখি অদুগা MDoNERনা লুপা করোর 580গী শেনফম পুথোকখি, মসিনা ইনস্তিত্যুস্নেল সেল্ফ-সস্তেনেবিলিতী হেনগৎলক্লিবা অদু উৎলি।

ইনভেস্তমেন্ত গ্রাউন্দিং অমসুং রিজনেল দিবেলপমেন্ত

নোর্থ ইস্ত ইনভেস্তরশিংগী সম্মিতকী মতুং ইন্না খুমাং চাউশিল্লকখিবা অদুগী মতাংদসু মন্ত্রীনা পনখি। মহাক্না হায়খি মদুদি রাজ্য কয়াদা লুপা করোর লাখ 4.48গী ইনভেস্তমেন্ত থাদবগীদমক উৎখিবা অপাম্বা অদুগা লোয়ননা লুপা করোর 35,000গী শেনফম থাদবা হৌখ্রে।

রিজনেল গ্রোথকী দ্রাইভর অমা ওইনা তুরিজমগী মরুওইবা অদু পল্লদুনা শ্রী সিন্দিয়ানা হায়খি মদুদি মন্ত্রালয় অসিনা অপুনবা তুরিস্ত এক্সপরিয়েন্সতা মীৎয়েং থমদুনা ক্যুরেতেদ তুরিজম সর্কিৎশিং শেমগৎলি। মেঘালয়াগী সোহরা অমসুং ত্রিপুরাগী মাতাবরীদা পাইলোৎ ইনিসিয়েতিবশিং পায়খৎলি।

অরুনাচল প্রদেশতগী কিৱি, ত্রিপুরাদগী ক্বিন পাইনএপল, সিক্কিমদগী ওর্গানিক্কী পোত্থোক, নাগালেন্দদগী কোফী, আসামদগী মুগা সিল্ক, মনিপুরদগী পোলো, মিজোরমদগী মিজো জিঞ্জর অমসুং মেঘালয়াদগী লকাদোং তর্মরিক য়াওনা রাজ্যগী মশাগী ওইবা অকক্নবা মগুনশিং অদুবু মখোয়গী USP ওইনা প্রোমোত তৌবদা মন্ত্রালয় অসিনা থম্লিবা অখন্নবা মিৎয়েং অদুগী মতাংদা অমুক্কশু হন্না ফোংদোকখি।

হেন্না চাউবা আউৎরীচ অমসুং কোওর্দিনেসন

শ্রী সিন্দিয়ানা মহাক্কী অৱাং-নোংপোক্কী রাজ্যশিংদা চৎখিবা খোংচৎ অদুগী মতাংদা পনখি, মহাক্না রাজ্য খুদিংদা নুমিৎ 3-4  লৈদুনা জুন থাদা নোংজু থা হৌদ্রিঙৈদা রাজ্য নিপাল অসিদা চৎনবগী পান্দম থমখি। য়ুনিভর্সিতীশিং অমসুং তেক্নিকেল ইনস্তিত্যুসনশিংগী মহৈরোয়শিংগা ৱারী-ৱাতাই শানবগী থৌরম অসি মহাক্কী খোঙচৎকী মরুওইবা শরুক অমনি।

নাগালেন্দ অমসুং অতৈ অৱাং নোংপোক্কী রাজ্যশিংদা লৈবা লমগী কোলাতরেল নোর্মশিংগা মরী লৈনবা ৱাফমশিংদা, ফাইনান্সিয়েল ইনস্তিত্যুসনশিংনা RBIগী গাইদলাইনশিং ঙাক্না চৎকদবনি অমসুং অসিগুম্বা ৱাফমশিং অসি রাজ্য সরকারশিংগী দোমেনগী মখাদা লৈ হায়না মন্ত্রীনা ফোংদোকখি।

বরাক ভেলীদা ঈশিং-ঈচাউ লাকশিন্নবা জল শক্তি মন্ত্রালয় অমসুং জর্মন এজেন্সী KfWগা তেক্নিকেল কোওর্দিনেসন তৌরি হায়নশু মহাক্না ফোংদোকখি।

মন্ত্রীনা চহি অমদা কমিতী অসিগী মীফম মরি পাংথোক্নবগী মহাক্কী ফিরেপ অদু অমুক হন্না ফোংদোকখি।

***

(রিলিজ আই.দি.: 2243309) ভিজিতর কাউন্তর : 19