ਪ੍ਰਧਾਨ ਮੰਤਰੀ ਵੱਲੋਂ ਦਿੱਤੇ ਗਏ "ਸਹਿਕਾਰ ਸੇ ਸਮ੍ਰਿੱਧੀ" ਦੇ ਮੰਤਰ ਰਾਹੀਂ ਦੇਸ਼ ਵਿੱਚ ਖੁਸ਼ਹਾਲੀ ਪ੍ਰਾਪਤ ਕਰਨ ਲਈ, 21 ਮਈ, 2023 ਨੂੰ ਗੁਜਰਾਤ ਦੇ ਬਨਾਸਕਾਂਠਾ ਅਤੇ ਪੰਚਮਹਿਲ ਜ਼ਿਲ੍ਹਾ ਕੇਂਦਰੀ ਸਹਿਕਾਰੀ ਬੈਂਕਾਂ (ਡੀਸੀਸੀਬੀਸ) ਵਿੱਚ 'ਸਹਿਕਾਰਤਾ ਵਿੱਚ ਸਹਿਕਾਰ' ਨੂੰ ਉਤਸ਼ਾਹਿਤ ਕਰਨ ਲਈ ਇੱਕ ਪਾਇਲਟ ਪ੍ਰੋਜੈਕਟ ਸ਼ੁਰੂ ਕੀਤਾ ਗਿਆ ਸੀ। ਪਾਇਲਟ ਪ੍ਰੋਜੈਕਟ ਦੀ ਸਫਲਤਾ ਤੋਂ ਬਾਅਦ, 15 ਜਨਵਰੀ, 2024 ਨੂੰ ਗੁਜਰਾਤ ਦੇ ਸਾਰੇ ਜ਼ਿਲ੍ਹਿਆਂ ਵਿੱਚ 'ਸਹਿਕਾਰਤਾ ਵਿੱਚ ਸਹਿਕਾਰ' 'ਤੇ ਇੱਕ ਰਾਜ-ਵਿਆਪੀ ਮੁਹਿੰਮ ਸ਼ੁਰੂ ਕੀਤੀ ਗਈ ਸੀ।

ਇਸ ਅਭਿਆਨ ਦੇ ਉਦੇਸ਼ਾਂ ਵਿੱਚ ਹੋਰਨਾਂ ਗੱਲਾਂ ਦੇ ਨਾਲ-ਨਾਲ ਪ੍ਰਾਇਮਰੀ ਡੇਅਰੀ ਸਹਿਕਾਰੀ ਸਭਾਵਾਂ (ਪੀਡੀਸੀਐੱਸ) ਅਤੇ ਹੋਰ ਗੈਰ-ਕ੍ਰੈਡਿਟ ਸਹਿਕਾਰੀ ਸਭਾਵਾਂ ਨੂੰ ਮਾਈਕ੍ਰੋ-ਏਟੀਐੱਮ ਵੰਡਣਾ ਸ਼ਾਮਲ ਹੈ ਤਾਂ ਜੋ ਪੀਏਸੀਐਸ, ਪੀਡੀਸੀਐਸ ਅਤੇ ਹੋਰ ਸਾਰੀਆਂ ਸਹਿਕਾਰੀ ਸਭਾਵਾਂ ਦੇ ਸਾਰੇ ਮੈਂਬਰਾਂ ਨੂੰ ਘਰ-ਘਰ ਬੈਂਕਿੰਗ ਸੇਵਾਵਾਂ ਪ੍ਰਦਾਨ ਕਰਕੇ ਕਾਰੋਬਾਰ ਕਰਨ ਵਿੱਚ ਆਸਾਨੀ, ਪਾਰਦਰਸ਼ਿਤਾ ਅਤੇ ਵਿੱਤੀ ਸਮਾਵੇਸ਼ ਨੂੰ ਯਕੀਨੀ ਬਣਾਇਆ ਜਾ ਸਕੇ, ਜਿਸ ਨਾਲ ਸਮਾਜਿਕ-ਆਰਥਿਕ ਪਿਰਾਮਿਡ ਦੇ ਹੇਠਲੇ ਪੱਧਰ 'ਤੇ ਲੋਕਾਂ ਤੱਕ ਪਹੁੰਚ ਵਧਾਈ ਜਾ ਸਕੇ । ਅਭਿਆਨ ਦੇ ਤਹਿਤ, ਪੀਏਸੀਐੱਸ, ਪੀਡੀਸੀਐੱਸ ਅਤੇ ਹੋਰ ਸਹਿਕਾਰੀ ਸਭਾਵਾਂ ਦੇ ਸਾਰੇ ਮੈਂਬਰਾਂ ਨੂੰ ਜ਼ੀਰੋ ਜਾਂ ਘੱਟ ਵਿਆਜ ਦਰ (ਵਿਆਜ ਸਬਸਿਡੀ) 'ਤੇ ਰਿਆਇਤੀ ਕ੍ਰੈਡਿਟ ਸਹੂਲਤ ਪ੍ਰਦਾਨ ਕਰਨ ਲਈ ਰੂਪੇ ਕਿਸਾਨ ਕ੍ਰੈਡਿਟ ਕਾਰਡ (ਕੇਸੀਸੀ) ਵੀ ਵੰਡੇ ਜਾ ਰਹੇ ਹਨ।

ਇਸ ਤੋਂ ਇਲਾਵਾ, ਇਸ ਅਭਿਆਨ ਦਾ ਇੱਕ ਉਦੇਸ਼ ਸਾਰੇ ਪੀਏਸੀਐੱਸ, ਪੀਡੀਸੀਐਸ ਅਤੇ ਹੋਰ ਸਹਿਕਾਰੀ ਸਭਾਵਾਂ ਨੂੰ ਜ਼ਿਲ੍ਹਾ ਕੇਂਦਰੀ ਸਹਿਕਾਰੀ ਬੈਂਕ (ਡੀਸੀਸੀਬੀ)/ਰਾਜ ਪੱਧਰੀ ਸਹਿਕਾਰੀ ਬੈਂਕ (ਐਸਟੀਸੀਬੀ) ਨਾਲ ਜੋੜਨਾ ਹੈ ਤਾਂ ਜੋ ਉਹ ਵੱਖ-ਵੱਖ ਬੈਂਕਿੰਗ ਸੇਵਾਵਾਂ ਪ੍ਰਾਪਤ ਕਰ ਸਕਣ।

ਉਪਲਬਧ ਜਾਣਕਾਰੀ ਦੇ ਅਨੁਸਾਰ, 28.02.2026 ਤੱਕ, ਇਸ ਅਭਿਆਨ ਦੇ ਤਹਿਤ, ਗੁਜਰਾਤ ਵਿੱਚ ਸਹਿਕਾਰੀ ਸਭਾ ਦੇ ਮੈਂਬਰਾਂ ਦੇ 33 ਲੱਖ ਤੋਂ ਵੱਧ ਜਮ੍ਹਾਂ ਖਾਤੇ ਖੋਲ੍ਹੇ ਗਏ ਹਨ; 10,079 ਬੈਂਕ ਮਿੱਤਰ ਨਿਯੁਕਤ ਕੀਤੇ ਗਏ ਹਨ; ਇਨ੍ਹਾਂ ਬੈਂਕ ਮਿੱਤਰਾਂ ਨੂੰ 10,265 ਮਾਈਕ੍ਰੋ-ਏਟੀਐਮ ਵੰਡੇ ਗਏ ਹਨ; ਅਤੇ 6.5 ਲੱਖ ਰੂਪੇਕਿਸਾਨ ਕ੍ਰੈਡਿਟ ਕਾਰਡ ਅਤੇ ਲਗਭਗ 9.5 ਲੱਖ ਕਿਸਾਨ ਕ੍ਰੈਡਿਟ ਕਾਰਡ (ਪਸ਼ੂ ਪਾਲਣ) ਵੰਡੇ ਗਏ ਹਨ।

ਗ੍ਰਾਮੀਣਾਂ, ਜਿਵੇਂ ਕਿ ਕਿਸਾਨ, ਡੇਅਰੀ ਉਤਪਾਦਕ, ਕਾਰੀਗਰ, ਖੇਤੀਬਾੜੀ ਅਤੇ ਗੈਰ-ਖੇਤੀਬਾੜੀ ਮਜ਼ਦੂਰ, ਅਤੇ ਸੂਖਮ-ਉੱਦਮੀ, ਸਹਿਕਾਰੀ ਬੈਂਕਾਂ ਅਤੇ ਵੱਖ-ਵੱਖ ਸਹਿਕਾਰੀ ਸਭਾਵਾਂ ਰਾਹੀਂ ਆਪਣੇ ਪਿੰਡਾਂ ਵਿੱਚ ਪ੍ਰਦਾਨ ਕੀਤੀਆਂ ਜਾਂਦੀਆਂ ਬੈਂਕਿੰਗ ਅਤੇ ਵਿੱਤੀ ਸੇਵਾਵਾਂ ਤੋਂ ਲਾਭ ਪ੍ਰਾਪਤ ਕਰਦੇ ਹਨ। ਡੇਅਰੀ ਉਤਪਾਦਕ ਅਤੇ ਕਿਸਾਨ ਰੂਪੇਡੈਬਿਟ ਕਾਰਡਾਂ ਦੀ ਵਰਤੋਂ ਕਰਕੇ ਮਾਈਕ੍ਰੋ-ਏਟੀਐਮ ਰਾਹੀਂ ਦੁੱਧ ਦੀਆਂ ਅਦਾਇਗੀਆਂ ਕਢਵਾ ਕੇ ਡਿਜੀਟਲ ਭੁਗਤਾਨ ਈਕੋਸਿਸਟਮ ਦੀ ਵੱਧ ਤੋਂ ਵੱਧ ਵਰਤੋਂ ਕਰ ਰਹੇ ਹਨ। ਪਿੰਡਾਂ ਵਿੱਚ ਫੰਡਾਂ ਦੇ ਵਧੇ ਹੋਏ ਪ੍ਰਵਾਹ ਨੇ ਆਸਾਨ ਸ਼ਰਤਾਂ 'ਤੇ ਕਰਜ਼ੇ ਦੀ ਉਪਲਬਧਤਾ ਵਿੱਚ ਸੁਧਾਰ ਕਰਕੇ ਸਥਾਨਕ ਉਤਪਾਦਨ ਗਤੀਵਿਧੀਆਂ ਨੂੰ ਵੀ ਸਹਾਇਤਾ ਪ੍ਰਦਾਨ ਕੀਤੀ ਹੈ।

"ਸਹਿਕਾਰਤਾ ਵਿੱਚ ਸਹਿਕਾਰ" ਮੁਹਿੰਮ ਨੇ ਸਹਿਕਾਰੀ ਬੈਂਕਾਂ ਦੀ ਪਹੁੰਚ ਅਤੇ ਸਮਰੱਥਾ ਨੂੰ ਵਧਾਉਣ  ਦਾ ਪ੍ਰਦਰਸ਼ਨ ਕੀਤਾ ਹੈ, ਜਿਸ ਨਾਲ ਗੁਜਰਾਤ ਵਿੱਚ ਪੂਰੇ ਸਹਿਕਾਰੀ ਖੇਤਰ ਨੂੰ ਲਾਭ ਹੋਇਆ ਹੈ। ਦੇਸ਼ ਭਰ ਦੇ ਸਾਰੇ ਜ਼ਿਲ੍ਹਿਆਂ ਵਿੱਚ ਇਸ ਮੁਹਿੰਮ ਦੀ ਸਫਲਤਾ ਨੂੰ ਦੁਹਰਾਉਣ ਅਤੇ ਗ੍ਰਾਮੀਣ ਸਹਿਕਾਰੀ ਬੈਂਕਾਂ ਦੀ ਪਹੁੰਚ ਨੂੰ ਹੋਰ ਵਧਾਉਣ ਲਈ, "ਸਹਿਕਾਰਤਾ ਵਿੱਚ ਸਹਿਕਾਰ" ਮੁਹਿੰਮ ਨੂੰ ਦੇਸ਼ ਵਿਆਪੀ ਲਾਗੂ ਕਰਨ ਲਈ ਇੱਕ ਮਿਆਰੀ ਸੰਚਾਲਨ ਪ੍ਰਕਿਰਿਆ (ਐਸਓਪੀ) 19.09.2024 ਨੂੰ ਸ਼ੁਰੂ ਕੀਤੀ ਗਈ ਹੈ।

ਇਹ ਜਾਣਕਾਰੀ ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਸ਼੍ਰੀ ਅਮਿਤ ਸ਼ਾਹ ਨੇ ਰਾਜ ਸਭਾ ਵਿੱਚ ਇੱਕ ਸਵਾਲ ਦੇ ਲਿਖਤੀ ਜਵਾਬ ਵਿੱਚ ਦਿੱਤੀ।

 

******

ਏਕੇ/ਏਪੀ

(Release ID: 2242600) ਵਿਜ਼ੀਟਰ ਕਾਊਂਟਰ : 6