اٹھارہ مارچ 2026 کو نائب صدر انکلیو، نئی دہلی میں ایوان بالا- راجیہ سبھا کے رٹائرڈ/رٹائر ہونے والے اراکین کو مبارکباد دینے کے لیے ایک الوداعی تقریب کا اہتمام کیا گیا۔ کل 26 اراکین 2025 میں رٹائر ہوئے، جب کہ 73 اراکین 2026 میں رٹائر ہو چکے ہیں/ ہو رہے ہیں، جن میں  عزت مآب  ڈپٹی چیئرمین ہری ونش بھی شامل ہیں ۔ پارلیمانی  اور  اقلیتی امور کے وزیر اور الوداعی آرگنائزنگ کمیٹی کے کنوینر جناب کرن رجیجو نے ایوان بالا- راجیہ سبھا کے معزز چیئرمین جناب سی پی رادھا کرشنن اور دیگر معززین کا خیرمقدم کیا۔

اجتماع سے خطاب کرتے ہوئے معزز چیئرمین نے اراکین کی دو سالہ ٹرانسفر کی منفرد پارلیمانی روایت پر روشنی ڈالی، یہ نوٹ کیا کہ یہ تسلسل اور تبدیلی دونوں کی عکاسی کرتا ہے- جہاں تجربہ تازہ نقطہ نظر کے لیے راستہ بناتا ہے جبکہ ایوان کی پائیدار روح برقرار رہتی ہے۔ انہوں نے سبکدوش ہونے والے اراکین کی بیش قیمت خدمات  کو سراہتے ہوئے کہا کہ ان کی دانشمندی، بحث و مباحثے اور عوامی خدمت کے عزم نے ایوان کے کام کاج کو تقویت بخشی ہے اور جمہوری اقدار کو تقویت دی ہے۔ انہوں نے مزید اعتماد کا اظہار کیا کہ ان کا تجربہ عوامی زندگی میں ان کی مسلسل مصروفیت میں رہنمائی اور حوصلہ افزائی کرتا رہے گا۔

معزز چیئرمین نے رٹائرڈ/رٹائر ہونے والے ممبران کو یادگاری نشانات پیش کیے۔

ان کے اعزاز میں ایک ثقافتی شام کا بھی اہتمام کیا گیا، جس میں بھوئی کی لوک رقص، کلاسیکی موسیقی وغیرہ  پیش کی گئی۔

اس موقع پر راجیہ سبھا کے معزز ڈپٹی چیئرمین  جناب  ہری ونش، خارجہ امور کے وزیر جناب ایس جے شنکر، قانون و انصاف کے وزیر جناب ارجن رام میگھوال، سیاحت اور ثقافت کے وزیر جناب گجیندر سنگھ شیخاوت بھی موجود تھے۔

 

*****

 

ش ح – ظ الف –م ش  

UR No. 4424

(ریلیز آئی ڈی: 2242305) وزیٹر کاؤنٹر : 10