ত্রাইবেল কোওপরেতিব মার্কেতিং দিবেলপমেন্ত ফেদরেসন ওফ ইন্দিয়া (তি.আর.আই.এফ.ই.দি.)গা লোয়ননা ত্রাইবেল এফেয়রস মন্ত্রালয়, ভারত সরকারনা ভারত ত্রাইবস ফেস্ত ২০২৬ মার্চ ১৮দগী ৩০ ফাওবা ন্যু দিল্লীগী সুন্দর নর্শরিদা পাঙথোক্তুনা লৈবাক শিনবা থুংনা লৈরিবা ত্রাইবেল আর্তিসানশিং, ওন্তর্প্রিনরশিং অমসুং কলচরেল পর্ফোর্মরশিং পুনশিন্নহল্লি।

ফেস্ত অসি ত্রাইবেল এফেয়রসকি ইকায় খুম্নজরবা কেন্দ্রগী মন্ত্রী শ্রী জুয়ালওরাম্না অগস্তকি থৌরম অসিদা ত্রাইবেল এফেয়রসকি ইকায় খুম্নজরবা কেন্দ্র মন্ত্রী শ্রী দুর্গাদাসউইকেয় অমসুং অতৈ শক্নাইরবা মীওইশিংগা লোয়ননা মার্চ ১৮, ২০২৬তা ন্যু দিল্লীগী সুন্দর নর্শরিদা হৌদোক্লগনি।

নুমীৎ খুদিংগী অয়ুক পূং ১১:০০দগী নুংথিল পূং ০৮:০০ ফাওবা মীয়ামগী ওইনা হাংবা ফেস্ত অসিনা আর্ত হেন্দিক্রাফ, হেন্দলুম, চাকচা-য়ুথক অমসুং কলচরেল পর্ফোমেন্সকি খুত্থাংদা ত্রাইবেল ইন্দিয়াগী তোপ তোপ্পা চৎনবিশিং, ক্রিয়েতিবিতি অমসুং ওন্তরপ্রিনরসিপকি ৱাখল্লোনগী ইমর্সিব ওইবা এক্সপরিয়েন্স অমা পিনবা পান্দম থম্লি।

ভারত ত্রাইবস ফেস্ত ২০২৬তা ভারত শিনবা থুংনা বন ধনভিকাশকেন্দ্র (ভি.দি.ভি.কে.) ৭৮ অমসুং মাস্তর আরতিসান ৩১০গী মহুৎ শিল্লীবা ক্যুরেৎ তৌরবা স্তোল ২০০ হেন্না লৈবা ত্রাইবেল এক্সেলেন্সকি অচৌবা শোকেস অমা য়াওরি। ভিজিতরশিংনাা ত্রাইবেল ক্যুইজদা শরুক য়ারিবা ১২০গী খুত্থাংদা "ফোরেস্ত-তু-প্লেৎ" মুবমেন্ত অসি এক্সপরিয়েন্স তৌবা য়াগনি অমসুং লাইব দেমোন্সত্রেসন ১৭কি মনুংদা হেরিতেজ ক্রাফশিংগী অরুবা থৌওং অসি উবা ফংগনি। কুহ্মৈগী ৱাখল্লোন অদুদা অহেনবা পিরদুনা, আর্তিস্ত ৪০০ হেনবনা নুমীদাংৱাইরমদা ত্রেদিস্নেল নাৎ অমসুং ম্যুজিক উৎকনি, মসিনা তশেংনা ইমর্সিব ওইবা কলচরেল খোঙচৎ অমা ফংহনগনি।

২০২৬কি মার্চ ১৯দগী ২৭ ফাওবদা পাঙথোক্কদৌরিবা ভারত ত্রাইবস বিজিনেস কনক্লেবা অসিনা পোলিসি মেকরশিং, ইনদস্তরিগী লুচিংবশিং, অমসুং ত্রাইবেল ইন্তর্প্রাইজশিংনা তুং কোয়না চৎকদবা তেক্সতাইলশিং, ত্রাইবেল ফুদ সিস্তেমশিং, অমসুং ইথিকেল লকজরি মার্কেৎশিংগী মতাংদা অৱাংবা থাক্কী খন্ন-নৈনবদা শরুক য়ানবা প্রেমিয়র প্লেৎফোর্ম অমা ওইনা থবক তৌগনি। নুমীৎ কয়ানিগী থৌরম অসিনা ইনোবেসন, ইন্দিজেনস নোলেজ ঙাক-শেনবা অমসুং ত্রাইবেল নহাশিং অমসুং নুপীশিংগী স্কীলিংগুম্বা মরুওইবা হিরমশিংগী মতাংদা ৱাফম কয়া থমগনি, পুম্নমক অসি কম্ম্যুনিতিনা লমজিং ওইবা ত্রাইবেল তুরিজম অমসুং ইন্তরপ্রাইজ দিবেলপমেন্তকিদমক অচেৎপা ইকোসিস্তেম অমা শেমগৎনবা পান্দম থম্লিু। খোঙথাং অসিগী মরুওইবা ৱাফম অমদি কোরপোরেৎ ইন্সতিত্যুসনশিং অমসুং ত্রাইবেল ওন্তর্প্রিনরশিংগী মরক্তা লৈরিবা খেন্নবা অসি লোয়শিন্নবা অখন্ননা শেমখিবা সি.এস.আর.গী কনক্লেব অসিনি; কোর্পোরেৎ সোসিএল রেসপোন্সিবিলিতি (সি.এস.আর.) শিজিন্নদুনা লেংদবা পার্তনরশিপশিং অমসুং তুং কোয়না চৎকদবা পুন্সি মহিংগী খুদোংচাবশি শেমগৎপনি।

ভারত ত্রাইবস ফেস্ত ২০২৬কি মরু ওইবা ৱাফম অমদি শ্রীমতি অঞ্জু মোদি, শ্রী মনিশ ত্রিপাথি, শ্রী গৌরব জয় গুপ্ত, শ্রী শন্দিপ খোশলা, শ্রীমতি শমীরাদলভিগুম্বাা মমিং লৈরবা দিজাইনরশিংনাা ত্রাইবেল আরতিশানশিংগা পুন্নাা থবক তৌমীন্নরিবা রিসা ইনিসিয়েতিবনি। এরি সিলক, কোতপেদ কোতন অমসুং দোংগ্রিয়া এমব্রোয়দরিগুম্বা অরিবা চৎনবিশিংগা মতমগা চান্নবা দিজাইনগা লোয়ননা রিসানা মালেমগী ফেসন ইকোসিস্তেমদা ইন্দিজেনস তেক্সতাাইলশিং পুনশিন্নহল্লী।

থৌরম অসিগী অকুপ্পা মরোলশিং।

ভারত ত্রাইবস ফেস্ত ২০২৬

📍 মফম: সুন্দর নর্শরি, ন্যু দিল্লী।

📅 তাং: ১৮–৩০ মার্চ ২০২৬

⏰ মতম: অয়ুক পূং ১১:০০ – নুংথিল পূং ০৮:০০

ফেস্তিবেল অসিনা ভারতকি ত্রাইবেল কম্ম্যুনিতিশিংগী ক্রিয়েতিবিতি, সস্তেনেবিলিতি অমসুং ওন্তরপ্রিনরসিপকি পোতেন্সিয়েল অদু প্রমোত তৌবগা লোয়ননা ত্রাইবেল আর্তিসানশিং অমসুং ইন্তরপ্রাইজশিংদা হেন্না ভিজিবিলিতি অমসুং মার্কেৎকি খুদোংচাবশিং ফংহননবা পান্দম থম্লি।

***

(রিলিজ আই.দি.: 2241565) ভিজিতর কাউন্তর : 5