حکومت ہند کے ’سہکار سے سمردھی‘ کے وژن کے مطابق تعاون کی وزارت نے کوآپریٹو سیکٹر کو مضبوط بنانے اور جامع، شہری-مرکوزی نقل و حرکت کے حل کو فروغ دینے کے لیے کوششیں کی ہیں۔ ملٹی اسٹیٹ کوآپریٹو سوسائٹیز ایکٹ، 2002 کے تحت رجسٹرڈ، بھارت ٹیکسی کو کوآپریٹیو کے شعبے میں کام کرنے والے 8 قومی سطح کے اداروں کے ذریعے 6 جون 2025 کو قائم کیا گیا تھا۔ اس پلیٹ فارم کی نمایاں خصوصیات درج ہیں:

1. کوآپریٹو اونر شپ ماڈل: پلیٹ فارم کو ایک ملٹی اسٹیٹ کوآپریٹو سوسائٹی کے طور پر تشکیل دیا گیا ہے جس میں ڈرائیور اور گاڑی کے مالکان ممبران اور اسٹیک ہولڈروں کے طور پر حصہ لیتے ہیں، جس سے گورننس میں اجتماعی ملکیت اور شراکت کو ممکن بنایا جاتا ہے۔
2. ڈیموکریٹک گورننس: کوآپریٹو سوسائٹی کا انتظام ممبران کے ذریعے منتخب کردہ بورڈ آف ڈائریکٹروں کے ذریعے کیا جاتا ہے، جو شراکتی فیصلہ سازی اور کاموں کی جمہوری نگرانی کو یقینی بناتا ہے۔ ڈرائیور کے مفادات کی مؤثر نمائندگی کو یقینی بنانے کے لیے، بورڈ آف ڈائریکٹرز میں دو منتخب ڈرائیور نمائندے (”سارتھی“) شامل کیے جاتے ہیں۔

• iii. ڈرائیور سینٹرک پلیٹ فارم: اس اقدام کا مقصد کمیشن پر مبنی ایگریگیٹر ماڈل کے متبادل کے طور پر ممبر کی ملکیت والا ڈیجیٹل موبلٹی پلیٹ فارم بنانا ہے، جس کا مقصد ڈرائیوروں کو پلیٹ فارم کی ملکیت میں حصہ لیتے ہوئے اپنی کمائی کو برقرار رکھنے میں ان کی مدد کرنا ہے۔
• iv. کفایتی اور شفاف خدمات: اس پلیٹ فارم کا مقصد شہریوں کے لیے شفاف کرایہ کے ڈھانچے اور کفایتی نقل و حرکت کی خدمات فراہم کرنا ہے، جس سے کم آمدنی والے اور پسماندہ گروہوں کے لیے رسائی پر خاص زور دیا جائے گا۔

5. ڈیجیٹل موبلٹی انفراسٹرکچر: پلیٹ فارم سواری کی بکنگ، گاڑیوں سے باخبر رہنے، ڈیجیٹل ادائیگیوں اور کسٹمر سپورٹ کے لیے ٹیکنالوجی سے چلنے والے سسٹم کا فائدہ اٹھائے گا، اس طرح صارفین کے لیے کارکردگی، شفافیت اور آسانی کو یقینی بنائے گا۔

• vi. ڈرائیور کی فلاح و بہبود اور ذریعہ معاش کی حفاظت: اس اقدام کا مقصد منصفانہ آمدنی کے مواقع، سماجی تحفظ کے اقدامات، باوقار کام کے حالات اور کوآپریٹو ملکیت کو فروغ دینا ہے، جس سے ڈرائیوروں کے لیے روزی روٹی کی حفاظت کو تقویت ملے۔

 

بھارت ٹیکسی پلیٹ فارم کا مالیاتی اور آپریشنل فریم ورک تعاون کے اصولوں پر مبنی ہے، جس میں ڈرائیور پر مرکوز آمدنی ماڈل اپنایا گیا ہے۔ کرایہ مقرر کرنے کا طریقہ کار کوآپریٹو سوسائٹی کے ذریعے طے کیا جاتا ہے، جس میں آپریشنل اخراجات، طے شدہ فاصلہ اور موجودہ مارکیٹ حالات کو مدنظر رکھا جاتا ہے، تاکہ ڈرائیور اور مسافروں کے درمیان بہترین ممکنہ مطابقت کو یقینی بنایا جا سکے۔ قیمتوں کا یہ نظام شفاف اور منظم کرایوں کو یقینی بنانے کے لیے تیار کیا گیا ہے اور کرایہ کے ڈھانچے کا وقتاً فوقتاً جائزہ لے کر تمام متعلقہ فریقین کو آگاہ کیا جاتا ہے۔ بھارت ٹیکسی کی جانب سے ڈرائیور سے کوئی کمیشن وصول نہیں کیا جاتا۔ کوآپریٹو ڈھانچہ اس بات کو یقینی بناتا ہے کہ تمام کرایہ، قابل اطلاق قانونی اخراجات کی کٹوتی کے بعد، براہ راست ڈرائیور ممبران کو ملے، جس سے ان کی آمدنی میں اضافہ ہو اور ایک منصفانہ اور متوازن نقل و حمل کے نظام کو فروغ ملے۔ سوسائٹی اپنے وسائل شیئر کیپیٹل، رکنیت فیس اور دیگر مجاز ذرائع کے ذریعے، کوآپریٹو ضوابط کے مطابق، جمع کرتی ہے۔ حکومت ہند نے بھارت ٹیکسی میں کوئی سرمایہ کاری نہیں کی ہے اور توقع رکھتی ہے کہ یہ دیگر ایگریگیٹر کے مقابلے میں مساوی بنیادوں پر مسابقت کرے گی۔

بھارت ٹیکسی اس وقت دہلی این سی آر کے علاقوں یعنی دہلی، گروگرام، نوئیڈا، فریدآباد اور غازی آباد کے ساتھ ساتھ گجرات کے شہروں احمد آباد، راجکوٹ، سومناتھ اور دوارکا میں فعال ہے۔ بھارت ٹیکسی آئندہ تین برسوں کے دوران مرحلہ وار طریقے سے ٹئیر 2 اور ٹئیر 3 شہروں تک، حتیٰ کہ تحصیل سطح تک اپنی خدمات کو وسعت دینے کا ہدف رکھتی ہے، تاکہ کم لاگت اور تعاونی بنیادوں پر نقل و حمل کی سہولیات کو وسیع جغرافیائی علاقے تک پہنچایا جا سکے۔

بھارت ٹیکسی پلیٹ فارم کو ایک ٹیکنالوجی سے تقویت یافتہ نقل و حمل کے نظام کے طور پر ڈیزائن کیا گیا ہے، جو ڈیجیٹل لین دین اور مربوط خدمات کی فراہمی کی حمایت کرتا ہے۔ پلیٹ فارم کی ساخت اس بات کی اجازت دیتی ہے کہ مستقبل میں اسے وسیع تر موبلٹی ایکوسسٹم اور ڈیجیٹل تجارت کے فریم ورک کے ساتھ، جہاں ممکن ہو، ہم آہنگ کیا جا سکے۔ بھارت ٹیکسی، او این ڈی سی نیٹ ورک کے ذریعے باہم مربوط ہے۔ تکنیکی طور پر، کوئی بھی موبلٹی ڈیمانڈ پلیٹ فارم جو او این ڈی سی نیٹ ورک پر موجود ہو، ضروری اجازت کے بعد بھارت ٹیکسی کی سپلائی سے منسلک ہو سکتا ہے۔

ڈیجیٹل ادائیگی کے اختیارات فِن ٹیک فراہم کنندگان کے ساتھ شراکت داری کے ذریعے دستیاب ہیں۔ اس کے علاوہ، پلیٹ فارم نے متعدد اداروں کے ساتھ مفاہمتی یادداشتوں پر دستخط کیے ہیں تاکہ ڈیجیٹل ادائیگی کے انضمام، بینکنگ و مالیاتی خدمات اور ڈرائیوروں کے لیے انشورنس معاونت فراہم کی جا سکے، جس سے آپریشنل شفافیت اور ڈرائیور فلاح و بہبود کو مضبوط بنایا جا سکے۔

مرکزی وزیر داخلہ اور وزیر تعاون، جناب امت شاہ نے لوک سبھا میں ایک تحریری جواب کے ذریعے یہ معلومات فراہم کیں۔

*********

ش ح۔ ف ش ع

 U: 4264

 

(ریلیز آئی ڈی: 2241473) وزیٹر کاؤنٹر : 13