حکومتِ ہند نے پردھان منتری میگا انٹیگریٹڈ ٹیکسٹائل ریجن اینڈ اپیرل(پی ایم  متر)پارکوں کے قیام کو حتمی شکل دے دی ہے۔ یہ پارک7 مقامات یعنی تمل ناڈو (ویرودھ نگر)، تلنگانہ (وارنگل)، گجرات (نوساری)، کرناٹک (کلبرگی)، مدھیہ پردیش (دھار)، اتر پردیش (لکھنؤ) اور مہاراشٹر (امراوتی)  میں قائم کیے جا رہے ہیں۔ اس منصوبے کے لیے 7 سالہ مدت (2027-28 تک) کے لیے 4,445 کروڑ روپے مختص کیے گئے ہیں۔

مجموعی طور پر 13 ریاستی حکومتوں کی جانب سے 18 تجاویز موصول ہوئیں۔ مختلف ریاستوں کی جانب سے موصول ہونے والی تجاویز کا شفاف چیلنج میٹرکس کے ذریعے جائزہ لینے کے بعد مذکورہ 7 مقامات کو  پی ایم متر پارکوں کے قیام کے لیے منتخب کیا گیا ہے۔

زمین کے حصول، زمین کی ترقی کی موجودہ صورتحال اور بنیادی انفراسٹرکچر کی ریاست وار تفصیلات درج ذیل ہیں:-

 

 

 

 

 

 

 

 

 

 

 

 

 

 

 

 

 

 

 

پی ایم متر پارک اسکیم کے ڈیولپمنٹ کیپیٹل سپورٹ (ڈی سی ایس) کے جزو کے تحت مدھیہ پردیش، تمل ناڈو، تلنگانہ اور مہاراشٹرا ریاستوں کو کل 160 کروڑ روپے جاری کیے گئے ہیں۔ اس کے علاوہ، ریاستی حکومتوں کی طرف سے پارک کے دروازوں تک بیرونی بنیادی ڈھانچہ فراہم کرنے کے لیے 2,160.17 کروڑ روپے کے بنیادی ڈھانچے کے کام شروع کیے گئے ہیں اور اس پر 2,160.17 کروڑ روپے کی لاگت آئی ہے۔ اب تک 564.72 کروڑ روپے خرچ ہو چکے ہیں۔

پی ایم متر پارک اسکیم کے تحت ڈیولپمنٹ کیپیٹل سپورٹ (ڈی سی ایس) جزو کے تحت مدھیہ پردیش، تمل ناڈو، تلنگانہ اور مہاراشٹر کی ریاستوں کو مجموعی طور پر 160 کروڑ روپے جاری کیے گئے ہیں۔ اس کے علاوہ، ریاستی حکومتوں کی جانب سے پارک کے گیٹ تک بیرونی بنیادی ڈھانچے کی فراہمی کے لیے 2,160.17 کروڑ روپے مالیت کے کام شروع کیے جا چکے ہیں، جن پر اب تک 564.72 کروڑ روپے خرچ ہو چکے ہیں۔

مدھیہ پردیش کے پی ایم متر پارک میں 1,130.28 ایکڑ زمین سرمایہ کاروں کو الاٹ کی جا چکی ہے، جس کے تحت 21,436.91 کروڑ روپے کی مجوزہ سرمایہ کاری ہے۔ تمل ناڈو میں 190.44 ایکڑ زمین سرمایہ کاروں کو دی گئی ہے، جہاں 2,192.21 کروڑ روپے کی مجوزہ سرمایہ کاری ہے۔ تلنگانہ میں اب تک 3,862 کروڑ روپے کی سرمایہ کاری عمل میں آ چکی ہے اور 540.41 ایکڑ زمین پہلے ہی الاٹ کی جا چکی ہے۔

تمام پارکوں میں اب تک مجموعی طور پر 63,177 کروڑ روپے کی سرمایہ کاری میں دلچسپی ظاہر کی گئی ہے۔ توقع ہے کہ مکمل ہونے کے بعد ہر پی ایم مترپارک ٹیکسٹائل ویلیو چین کے تمام مراحل میں تقریباً 3 لاکھ (براہِ راست و بالواسطہ) روزگار کے مواقع پیدا کرے گا، جس سے مقامی برادری سمیت معاشرے کے تمام طبقات کو فائدہ پہنچے گا۔

پی ایم متر پارکس اسکیم کو 7 سال کی مدت کے لیے، یعنی 2027-28 تک منظوری دی گئی ہے۔

مرکزی بجٹ 2026-27 میں معزز وزیرِ خزانہ کی جانب سے چیلنج موڈ میں میگا ٹیکسٹائل پارکس کے قیام اور ٹیکنیکل ٹیکسٹائل میں ویلیو ایڈیشن بڑھانے پر خصوصی توجہ دینے کا اعلان کیا گیا تھا۔

اس اسکیم کی جلد منظوری اور مؤثر نفاذ کو یقینی بنانے کے لیے وزارت نے ریاستی حکومتوں اور دیگر متعلقہ فریقوں کے ساتھ مشاورتی عمل شروع کیا ہے۔ اس کے علاوہ، اسکیم کی رہنما ہدایات، اہلیت کے معیار، انتخابی عمل اور جائزہ کے پیمانوں پر غور و خوض کے لیے ایک مشترکہ ورکنگ گروپ بھی تشکیل دیا گیا ہے۔

یہ معلومات وزیرِ ٹیکسٹائل جناب گری راج سنگھ نے آج لوک سبھا میں ایک سوال کے تحریری جواب میں فراہم کیں۔

****

ش ح۔ م م ۔ م ذ

 (U N.4215) 

(ریلیز آئی ڈی: 2241195) وزیٹر کاؤنٹر : 13