অয়ুষ্মান ভারত - প্রধান মন্ত্রী জন আরোগ্য যোজনা (AB-PMJAY) না ভারতকী মীশিংগী মখাগী ৪০% ওইরিবা ইমুং করোর ১২ দা সেকেন্দরী অমসুং তর্সরী কিয়র হোসপিতলাইজেসনগীদমক চহিগী ওইনা ইমুং অমদা লুপা লাখ ৫ গী হেল্থ কভরেজ ফংহল্লি। মসিগা ইরোইননা, ২০২৪ গী মার্চতা এক্রেদিতেদ সোসিএল হেল্থ এক্তিভিস্ত (ASHA), অঙ্গনৱাদী ৱার্কর অমসুং অঙ্গনৱাদী হেল্পরশিংগী ইমুং লাখ ৩৭ রোম স্কিম অসিগী মখাদা চলহনখি। স্কিম অসি মখা তানা পাকথোক চাউথোক্তুনা ইমুং করোর ৪.৫ গী মনুং চনবা চহি ৭০ অমসুং মসিদগী হেল্লবা সেনিয়র সিতিজেন করোর ৬ সু মখোয়গী চাউখৎ-থৌরাংগী ফীভম য়েংদনা চলহনখি।

২৮.০২.২০২৬ ফাওবগী ওইনা, অয়ুষ্মান কার্দ পুন্না করোর ৪৩.৫২ শেমখ্রে, মসিগী মনুংদা চহি ৭০ অমসুং মসিদগী হেল্লবা মীয়ামগীদমক শেমবা অয়ুষ্মান বয় বন্দনা কার্দ করোর ১.১৪ সু য়াওরি। লৈবাক শিনবা থুংনা স্কিম অসিগী মখাদা পুন্না লায়েংশঙ ৩৬,২২৯ পেনেল তৌখ্রে, মসিগী মনুংদা ১৯,৪৮৩ দি লৈঙাক্কী অমসুং ১৬,৭৪৬ না লনাই লায়েংশঙশিংনি।

হেল্থ বেনেফিৎ পেকেজকী অনৌবা নেস্নেল মাস্তরনা মেদিকেল স্পিসিএলতী ২৭ গী মখাদা প্রোসিজর ১,৯৬১ গীদমক কেশলেস হেল্থকিয়র সর্বিসশিং ফংহল্লি। ২৮.০২.২০২৬ ফাওবগী ওইনা, স্কিম অসিগী মখাদা পুন্না লুপা করোর লাখ ১.৭৩ গী হোস্পিতাল এদমিসন করোর ১১.৬৯ অয়াবা পীখ্রে।

ভারত সরকারনা ২০২১ গী সেপ্তেম্বরদা অয়ুষ্মান ভারত দিজিতেল মিসন (ABDM) হৌদোকখি, মসিগী পান্দমদি অমত্তা ওইবা অমসুং মীয়ামদা মীৎয়ে থম্বা নেস্নেল দিজিতেল হেল্থ ইকোসিস্তেম অমা শেমগৎপনি। ১১.০৩.২০২৬ ফাওবগী ওইনা এ.বি.দি.এম. গী অপুনবা প্রোগ্রেসকী অকুপ্পা মরোলশিং মখাদা পীরি:

• মীয়ামগীদমক শেমখিবা অয়ুষ্মান ভারত হেল্থ একাউন্ত (ABHA) - ৮৬,৬৪,৪৬,৫৬৩

• পেসেন্তকী ABHA গা শম্নখিবা হেল্থ রেকর্ডশিং - ৯০,৭০,১৪,৫২৯

• এ.বি.ডি.এম. এনেবল তৌবা সৌফ্তৱেয়র শীজিন্নরিবা ফেসিলিটীশিং - ২,৫৬,৫৪২

হকশেল অমসুং য়াইফ-য়ুম্বালগী কেন্দ্র‌গী রাজ্য মন্ত্রী মিনিস্তর, শ্রী প্রতাপরাও জাধবনা ঙসি রাজ্য সভাদা অইবা ওইনা পাউখুম পীবদা মসি ফোঙদোকখিবনি।

***