سوچھ بھارت مشن–اربن 2.0 کے تحت، غازی آباد میونسپل کارپوریشن نے گلاس اپ سائیکلنگ سینٹر کے قیام کے ساتھ سرکلر اکانومی کی سمت میں ایک قابلِ ذکر قدم اٹھایا ہے، جس سے شہر کو شیشے کے فضلات کے جدید اور مؤثر نظم  کا نیا حل فراہم ہوتا ہے۔

ہندوستان میں ہر سال تقریباً 30 لاکھ ٹن شیشے کا فضلہ پیدا ہوتا ہے۔ شیشہ 100فیصد ری سائیکل  کے قابلہے اور اس میں کسی بھی سطح  کا نقصان نہیں ہوتا ہے۔ ای پی آر(ای پی آر)کی موجود ہدایات کے تحت، جو پلاسٹک ویسٹ مینجمنٹ رولز کے ذریعے سی پی سی بی نافذ کرتی ہے،  ان میں شیشے کے ڈبے اور بوتلیں واضح طور پر شامل ہیں، اور ان کے لیے ری سائیکلنگ اور ریکوری کے اہداف مقرر کیے گئے ہیں،جسے  ہر سال بڑھانے کا منصوبہ ہے (مثلاً 2026-27 میں 50فیصد ہدف، جو 2029-30 تک 80فیصد تک پہنچ جائے گا)۔

تیز رفتار ی ترقی پذیر شہر غازی آباد میں، جہاں مصروف گلیوں اور بڑھتے ہوئے محلہ جات میں ترقی کی گونج سنائی دیتی ہے، ہر روز خاموشی سے فضلے کے پہاڑ جمع ہوتے ہیں۔ اس فضلے کے بہاؤ میں ایک چھوٹا لیکن مستقل حصہ شیشے کا بھی شامل ہے — تقریباً 3 سے 4فیصد شیشے کا فضلہ جمع ہوتا ہے۔ نامیاتی فضلے کے برعکس، شیشہ پھٹنے یا گلنے سے ختم نہیں ہوتا؛ یہ سینچریوں تک لینڈ فلز میں رہتا ہے، جس سے ری سائیکلنگ اور دوبارہ استعمال کے مواقع ضائع ہوتے ہیں۔اس پوشیدہ چیلنج کا ادراک کرتے ہوئے، غازی آباد نگر نگم(جی این این) نے ایک بامقصد وژن کے تحت قدم اٹھایا۔ 3آرکے اپنے اصول اور سرکلر اکانومی کے عزم کے تحت، شہر نے خاص منصوبہ شروع کیا تاکہ کوڑے  میں پھینکے جانے والے شیشے کو قیمتی وسائل میں تبدیل کیا جا سکے، اور وہ ٹکڑے جو پہلے لینڈ فلز میں پہنچنے ہونے والے تھے، انہیں صفائی، پائیداری اور سبز شہری مستقبل میں کردار کرنے  والے وسائل میں بدل دیا جائے۔

غازی آباد نگر نگم نے محکمہ آبکاری کے تعاون سے تمام بازاروں  اور ماڈل شاپس کو ہدایت دی ہے کہ وہ خالی شیشے اور وائن کی بوتلیں نگر نگم گلاس اپ سائیکلنگ پلانٹ کو فراہم کریں تاکہ سائینسی ری سائیکلنگ کی جا سکے۔اس منظم طریقہ کار سے نہ صرف غیر قانونی مشروبات کی پیداوار میں بوتلوں کے استعمال کو روکا جاتا ہے بلکہ ویسٹ پیکر ملازمین کے لیے چوٹ کے خطرات کو بھی کم کیا جاتا ہے، کیونکہ ری سائیکلنگ کا عمل محفوظ اور ذمہ دارانہ انداز میں انجام پاتا ہے۔

اکبر پور بہرام پور ، وجے نگر میں  واقع میونسپل کارپوریشن کے ایم آر ایف سنٹر میں ، ضائع شدہ اور ٹوٹی ہوئی شیشے کی بوتلیں-جو اکثر کوڑے کے ڈھیر یا نالوں میں پائی جاتی ہیں ، ان کو نئے سرے سے تیار کیا جارہا ہے  ۔ کوڑے دانوں میں پہنچنے کے بجائے ، ان بوتلوں کو خوبصورت اور فعال مصنوعات جیسے موم بتی کے اسٹینڈ ، قلم ہولڈر ، آرائشی مجسمے ، کراکری اشیاء اور شیشے میں تبدیل کر دیا جاتا ہے ۔

اس منصوبے کی مالی معاونت ہورائزن انڈسٹریل پارکس کی سی ایس آر فنڈنگ کے ذریعے کی گئی ہے، جبکہ سیلف ہیلپ گروپ(ایس ایچ جی) کی خواتین اور سماجی تنظیم "سارتھ" کی سرگرم  شرکت بھی شامل ہے۔یہ مشترکہ کوشش نہ صرف شیشے کے فضلے کی سائنسی اور محفوظ اتلاف کو یقینی بناتی ہے بلکہ خواتین کے لیے باعزت  روزگار کے مواقع بھی پیدا کرتی ہے، جس سے معاشرتی اور اقتصادی پائیداری کو فروغ ملتا ہے۔

 اس سینٹر میں روزانہ  وہ شیشہ پہنچتا ہے جو بصورت دیگر لینڈ فلز میں پہنچ جاتا، اور اسے دوسری زندگی دی جاتی ہے۔ شیشے کو صرف پھینکنے کے بجائے اسے کاٹاجاتا ہے، پالش کیا جاتا ہے،  پگھلا کر دوبارہ شکل دی جاتی ہے اور مفید مصنوعات میں تبدیل کیا جاتا ہے۔ ٹوٹی ہوئی بوتلیں موم بتی رکھنے کے اسٹینڈز میں بدل جاتی ہیں، مسترد شدہ جار قلم رکھنے کے ہولڈر میں، اور فضلہ شیشہ مجسمے، برتن، شیشے اور گھروں و اداروں کے لیے آرائشی  اشیاء کے طور پر تیار کیا جاتا ہے۔شیشہ میونسپل کلیکشن سسٹم کے ذریعے حاصل کیا جاتا ہے، جس میں گھروں  اور کاروباری اداروں سے جی این این کی گاڑیوں کے ذریعے جمع کیے جانے والا فضلہ شامل ہے۔ یہ اقدام کوڑے کے ذرائع میں فضلے کی علیحدہ مجموعہ  کاری اور ایم آر ایف سطح پر مواد کی بازیابی کو مضبوط کرتا ہے اور جی این این کی وسیع تر 3آر مہم کو آگے بڑھاتا ہے۔ پلانٹ کی روزانہ صلاحیت 200 بوتلیں سنبھالنے کی ہے۔

غازی آباد کے کمشنر وکرمادتیہ سنگھ ملک نے اس بات پر زور دیا کہ شیشے کے فضلات کا مناسب نظم  شہری صفائی اور ماحولیاتی پائیداری کے لیے ناگزیر ہے۔ اب میونسپل گاڑیاں گھروں  اور تجارتی اداروں سے شیشے کے فضلے کو علاحدہ طور پر  جمع کریں گی تاکہ اسے اپ سائیکلنگ سینٹر تک مؤثر طور پر پہنچایا جا سکے۔

گلاس اپ سائیکلنگ سینٹر محض فضلہ کا نظم نہیں بلکہ ایک "ویسٹ ٹو بیسٹ" کا مظہر ہے۔ کوڑے  میں پڑی بوتلوں کو خوبصورت اور عملی مصنوعات میں تبدیل کرکے، غازی آباد شہر یہ دکھا رہا ہے کہ جدت، ماحولیاتی ذمہ داری اور خواتین کو بااختیار بنانے کے اقدامات کس طرح ہم آہنگ ہو سکتے ہیں۔ مضبوط قیادت اور وقف ٹیم ورک کے ساتھ، غازی آباد صاف، سبز اور پائیدار مستقبل کی طرف بڑھ رہا ہے — یہ ثابت کرتے ہوئے کہ ٹوٹی ہوئی شیشہ بھی دوبارہ چمک سکتا ہے۔

******

(ش ح۔ م ش ع۔ م ا)

Urdu No-4182

(ریلیز آئی ڈی: 2240933) وزیٹر کاؤنٹر : 10