محکمہ ریاستی حکومتوں کے ساتھ مل کر عوامی خدمات کی فراہمی سے متعلق پورٹلز کی گہرائی اور کارکردگی کا جائزہ لیتا ہے، جو قومی برقی خدمات کی فراہمی کے جائزے کے دو سالہ مطالعہ کے تحت کیا جاتا ہے۔ عوامی خدمات کے پورٹلز کا جائزہ مختلف معیارات کی بنیاد پر لیا جاتا ہے جن میں رسائی کی سہولت، مواد کی دستیابی، استعمال میں آسانی، معلوماتی تحفظ اور رازداری، خدمات کی آخری مرحلے تک فراہمی، مربوط خدمات کی فراہمی اور درخواستوں و صورتحال کی نگرانی شامل ہیں، تاکہ ریاستوں کو برقی خدمات کی فراہمی کو مزید بہتر بنانے میں مدد دی جا سکے۔ ریاستیں اور مرکز کے زیر انتظام علاقے، جن میں جموں و کشمیر بھی شامل ہے، عوامی خدمات کی فراہمی کی کارکردگی کو بہتر بنانے کے لیے اس جائزے میں حصہ لیتے ہیں۔

گزشتہ تین برسوں کے دوران شکایات کے ازالے کے مرکزی نظام میں حکومتِ جموں و کشمیر کے حوالے سے موصول ہونے والی، نمٹائی گئی، پیش کی گئی اور زیر التوا شکایات کی تفصیلات درج ذیل ہیں:

 

 

 

حکومت نے شہریوں کے لیے شکایات کے ازالے کو بروقت، مؤثر اور قابلِ رسائی بنانے کے مقصد سے اپریل 2022 میں مرکزی عوامی شکایات ازالہ و نگرانی نظام کے تحت دس نکاتی اصلاحات متعارف کرائیں۔ اس کے علاوہ اگست 2024 میں عوامی شکایات کے مؤثر ازالے کے لیے جامع رہنما خطوط جاری کیے گئے جن کے تحت شکایات کے ازالے کی مدت کو 30 دن سے کم کر کے 21 دن کر دیا گیا۔ ان رہنما خطوط میں عوامی شکایات کے پلیٹ فارموں کے باہمی انضمام، وزارتوں اور محکموں میں مخصوص شکایات سیل کے قیام، تجربہ کار اور اہل رابطہ اور اپیل افسران کی تقرری، بنیادی وجوہات کے تجزیے اور شہریوں کی آراء پر عمل درآمد پر زور دیا گیا ہے، ساتھ ہی شکایات کو اعلیٰ سطح تک پہنچانے کے نظام کو مضبوط بنانے کی ہدایت بھی شامل ہے۔ عوامی شکایات کے مؤثر اور معیاری ازالے کے لیے اعلیٰ سطحی جائزوں کو آسان بنانے کی غرض سے اس نظام میں ایک مخصوص جائزہ اجلاس ماڈیول بھی فعال کیا گیا ہے۔

جموں و کشمیر کے انتظامی تربیتی ادارے کو مالی سال 2024-25 اور 2025-26 کے دوران انتظامی اصلاحات اور عوامی شکایات کے محکمے کی سیوتم اسکیم کے تحت ریاستی سرکاری اہلکاروں کی صلاحیت میں اضافہ اور شکایات کے ازالے کے شعبے میں تربیت کے لیے گرانٹ فراہم کی گئی ہے۔

انتظامی اصلاحات اور عوامی شکایات کے محکمے نے انتظامیہ میں شفافیت اور جوابدہی کو بہتر بنانے کے لیے متعدد اقدامات کیے ہیں جن میں مقررہ مدت کے اندر شکایات کے ازالے اور نگرانی کے لیے مرکزی عوامی شکایات ازالہ و نگرانی نظام اور نگرانی کے لیے معلوماتی پینل کا استعمال، حکومت میں برقی دفتر کے نظام کو اپنانا تاکہ نوٹنگ، فائلوں کی نگرانی اور فائلوں کی برقی ترسیل کے ذریعے کارروائی کے وقت کو کم کیا جا سکے اور شفافیت و جوابدہی کو بہتر بنایا جا سکے، نیز فیصلہ سازی میں تیزی کے لیے فائلوں کی نقل و حرکت کی سطح کو کم کیا جا سکے۔ اسی طرح عوامی خدمات کی فراہمی کے پورٹلز کی گہرائی اور کارکردگی کے جائزے کے لیے قومی برقی خدمات کی فراہمی کا جائزہ، معلوماتی پینل کا وسیع استعمال، خدمات کا تجزیہ اور کال سینٹر کے ذریعے شہریوں کی آراء حاصل کرنے جیسے اقدامات بھی شامل ہیں تاکہ انتظامی نظام میں شفافیت اور جوابدہی کو یقینی بنایا جا سکے۔

یہ معلومات سائنس و ٹیکنالوجی اور ارضیاتی علوم کے مرکزی وزیر مملکت (آزادانہ چارج)، نیز وزیر اعظم کے دفتر، عملہ، عوامی شکایات و پنشن، جوہری توانائی اور خلائی امور کے وزیر مملکت ڈاکٹر جتیندر سنگھ نے جمعرات کو راجیہ سبھا میں ایک تحریری جواب میں فراہم کیں۔

************

ش ح ۔   م  د ۔  م  ص

(U :3897) 

(ریلیز آئی ڈی: 2239094) وزیٹر کاؤنٹر : 9