عالمی یوم خواتین کے موقع پر، خواتین نے سوچھ بھارت مشن - اربن 2.0 کے تحت ناری لیڈز سوچھتاپہل کے ذریعے صفائی اور پائیداری کی قیادت سنبھالی۔ مختلف برادریوں کی خواتین نےبیداری مہمات، صفائی کی سرگرمیاں، اور کمیونٹی کی شمولیت کی قیادت کی، دکھایا کہ بااختیار خواتین کس طرح پائیدار تبدیلی لا سکتی ہیں۔ یہاں یو ایل بیسے متاثر کن کہانیاں دی گئی ہیں جو صفائی کی تحریک کو آگے بڑھانے والے مقامی تبدیلی لانے والوں( چنج میکرز) کو اجاگر کرتی ہیں۔

احمد آباد میں، احمد آباد میونسپل کارپوریشن کی 100 سے زیادہ خواتین صفائی چیمپئنز نے ٹی20 ورلڈ کپ فائنل سے قبل معروف نریندر مودی اسٹیڈیم میں ایک طاقتور رویے کی تبدیلی کی بیداری مہم کی قیادت کی۔ جیسے ہی ہزاروں کرکٹ شائقین بڑے میچ کے لیے جمع ہوئے، ان خواتین نے شائقین سے دوستانہ بات چیت، پلےکارڈز اور میدان میں رہنمائی کے ذریعے رابطہ کیا، انہیں کوڑا دان استعمال کرنے اور کچرا نہ پھیلانے کی ترغیب دی۔بھاری بھیڑوالے داخلی دروازوں، گذرگاہوں  اور اسٹینڈز سے گزرتے ہوئے، انہوں نے شائقین کو یاد دلایا کہ کرکٹ کا جشن منانا بھی اس بات کی ذمہ داری ہے کہ اسٹیڈیم اور شہر کو صاف رکھا جائے، اور اس طرح اعلی توانائی والے کھیل کے موقع کو شہری فخر اور ذمہ دارانہ رویے کو فروغ دینے کا موقع بنایا۔

وارانسی نگر نِگم نے اتر پردیش کے ضلعی صحت محکمہ کے تعاون سے ضلع بھر کی صفائی کارکنان اور خواتین کے لیے ایک مخصوص بریسٹ کینسر اسکریننگ کیمپ کا آغاز کیا، جس نے ایک معمول کی صحت کی پہل کو دیکھ بھال اور آگاہی کے مشن میں بدل دیا۔ صبح سویرے سے خواتین اسکریننگ کے لیے آگے بڑھیں، بہت ساری خواتین پہلی بار اس میں حصہ لے رہی تھیں، اس پیغام سے متاثر ہو کر کہ ابتدائی تشخیص جانیں بچا سکتی ہے۔اس مہم کا ہدف 10,000 سے زیادہ اسکریننگ تک پہنچنا تھا، اور اس کا سادہ مگر مؤثر مقصد یہ تھاکہ جلدی پکڑیں، گہری دیکھ بھال کریں، تاکہ وہ خواتین جو اپنی برداریوں کے لیے انتھک محنت کرتی ہیں، انہیں بھی وہ توجہ، تحفظ اور صحت کی دیکھ بھال حاصل ہو جس کی وہ مستحق ہیں۔

ترووننت پورم میں، ہریتھا کرماسینا کی دھنوجا کماری نے اپنی زندگی کی جدوجہد اور حوصلے کو خود نوشت ‘‘مائی لائف ان چنکلکولائل’’میں بدل دیا۔ اپنی کہانی کے ذریعے، انہوں نے نہ صرف صفائی کے کام کی قیادت کی بلکہ سماجی برائیوں اور تعصب کے خلاف بھی مضبوط موقف اختیار کیا، اور ذاتی مشکلات کو وقار اور استقامت کا پیغام بنانے میں کامیاب ہوئیں۔ آج، ان کی طاقتور کہانی ان کے محلے سے بہت آگے پہنچ چکی ہے، یہاں تک کہ اب اسے یونیورسٹی آف کالی کٹ اور کنور یونیورسٹی کے طلبہ پڑھتے ہیں، اور ایک نئی نسل کو اس آواز سے متاثر کرتے ہیں جس نے ثابت کیا کہ تبدیلی اکثر زمین سطح پر حوصلے سے شروع ہوتی ہے۔

بونگائی گاؤں میں، پاورو ساکھی گایتری چودھری سوچھ بھارت مشن - اربن آسام کے تحت ایک خاموش مگر طاقتور تبدیلی کی قیادت کر رہی ہیں، جس نے ایک سادہ سچائی کو ثابت کیا ہےکہ جب خواتین قیادت کرتی ہیں، صفائی خود بخود آتی ہے۔ اپنی کمیونٹی کے لیے عزم اور گہری ذمہ داری کے ساتھ، گایتری گھروں کو بہتر صفائی کے عادات اپنانے اور روزمرہ کی زندگی میں سوچھ عادت اپنانے کی ترغیب دے رہی ہیں۔ ان کا سفر مقصد اور فخر پر مبنی ہے، اور یہ ظاہر کرتا ہے کہ ایک عورت کی لگن کس طرح اجتماعی عمل کو جنم دے سکتی ہے،بیداری کو پائیدار تبدیلی میں بدل سکتی ہے اور سوچھ بھارت کے وژن کو حقیقت کے قریب لا سکتی ہے۔

تاریخی سُراج کُند پکھرا میں ایک طاقتور سوچھتا مہا-ابھیان نے کمیونٹی کو ایک مشترکہ مقصد کے تحت اکٹھا کیا، تاکہ اپنے ماحول کی حفاظت کی جا سکے اور اردگرد کے علاقے کو صاف رکھا جا سکے۔ مقامی خواتین، سوچھتا برانڈ ایمبیسیڈر نشا کنر اور کئی این جی اوز کے رضاکاروں نے اس مہم میں فعال طور پر حصہ لیا، اور تالاب کے اردگرد بکھرے ہوئے پلاسٹک کے کچرے کو اکٹھا کرنے کے لیے ساتھ کام کیا۔ ان کی اجتماعی کوشش سے تقریباً 160 کلوگرام پلاسٹک کا کچرا جمع ہوا، جو احتیاط کے ساتھ سائنسی طریقے سے تلف کرنے کے لیے بھیجا گیا۔

سوچھ بھارت مشن-اربن کے تحت ، تمام برادریوں کی خواتین سوچھ عادات کو تشکیل دے رہی ہیں اور سوچھ بھارت کے لیے تحریک کو مضبوط کر رہی ہیں ، اور گایتری کا سفر اس تبدیلی کی ایک طاقتور مثال ہے ۔  اس کی کہانی کے مرکز میں ہندوستان یونی لیور کا سویدھا سینٹر ہے ، جو صنفی لحاظ سے ذمہ دار کمیونٹی سینی ٹیشن ماڈل ہے جو خواتین کی ضروریات ، حفاظت اور وقار کو مرکز میں رکھتے ہوئے سب کے لیے بیت الخلاء پر مرکوز ہے ۔  صاف ستھری اور محفوظ صفائی کی جگہوں ، خواتین کے زیر قیادت کارروائیوں اور معاون ماحول کے ذریعے ، گایتری کو نہ صرف بہتر سہولیات تک رسائی ملی بلکہ اعتماد اور قیادت کا احساس بھی ملا ۔  اس کی کہانی اس بات کی عکاسی کرتی ہے کہ کس طرح سوچ سمجھ کر صفائی ستھرائی کے حل خواتین کو بااختیار بنا سکتے ہیں ، صحت مند عادات کو متاثر کر سکتے ہیں ، اور برادریوں کو قریب لا سکتے ہیں ۔

ناری کی قیادت والی سوچھتا کی ایک بہتر کہانی اتر پردیش کے جھانسی سے سامنے آتی ہے ، جہاں پرعزم خواتین کا ایک گروپ کچرے کو حیرت انگیز چیز میں تبدیل کر کے ‘‘بیکار’’ کو ‘‘آکار’’میں تبدیل کر رہا ہے ۔  ان کی لگن اور تخلیقی صلاحیتوں کے ذریعے ، ایک زمانے میں بیکار سمجھے جانے والے مواد کو اب قیمتی مصنوعات میں تبدیل کیا جا رہا ہے ، جس سے یہ ثابت ہوتا ہے کہ پائیداری اور معاش ساتھ ساتھ چل سکتے ہیں ۔  ان کی متاثر کن کوششیں نہ صرف فضلہ کو کم کرتی ہیں بلکہ کمیونٹیز کو بہتر عادات اپنانے کی ترغیب بھی دیتی ہیں ۔

راجستھان میں، سُنیتی کشواہا اور شِلپی کماوت خواتین کی قیادت میں صفائی کی ایک قابلِ تعریف مثال قائم کر رہی ہیں، جس سے کمیونٹیز میں کچرے کے بارے میں سوچ بدل رہی ہے۔ اپنی متاثر کن ویسٹ ٹو آرٹ پہل کے ذریعے، وہ ایسے مواد جو کبھی کچرے کے طور پر پھینک دیے جاتے تھے، انہیں تخلیقی فن پاروں میں تبدیل کر رہی ہیں، یہ ثابت کرتے ہوئے کہ جب کچرے کو تخیل اور مقصد کے ساتھ دیکھا جائے تو اس میں نئی قدر پیدا کی جا سکتی ہے۔ان کی کوششیں نہ صرف کچرے کو کم کرتی ہیں بلکہ ذمہ دارانہ تلف اور ری سائیکلنگ کے بارے میں بیداری بھی پھیلاتی ہیں، انہیں مؤثر ٹھوس فضلہ انتظام میں فعال کردار ادا کرنے والے افراد بناتی ہیں اور دوسروں کو #SwachhAadat اپنانے اور سوچھ بھارت کے وژن کے قریب آنے کی ترغیب دیتی ہیں۔

 

***

ش ح۔ ش آ۔ن ع

Uno-3866

(ریلیز آئی ڈی: 2239016) وزیٹر کاؤنٹر : 13