وزارتِ دفاع کے سکریٹری جناب راجیش کمار سنگھ نے 09 مارچ 2026 کو نئی دہلی کے ساؤتھ بلاک میں منعقدہ ایک تقریب کے دوران وزارتِ دفاع کی سیکیورٹی ھدایات سے متعلق کتابچہ 2026 جاری کیا۔ یہ مینوئل ایک جامع دستاویز ہے جس میں سیکیورٹی سے متعلق رہنما ہدایات شامل ہیں اور بدلتے ہوئے سیکیورٹی حالات کے پیش نظر اسے وقتاً فوقتاً جدید کیا جاتا ہے۔

اپنے خطاب میں دفاعی سکریٹری نے ابھرتے ہوئے خطرات اور بدلتے ہوئے سیکیورٹی چیلنجوں کے پیش نظر سیکیورٹی نظم و ضبط پر سختی سے عمل کرنے کی ضرورت پر زور دیا۔ انہوں نے کہا کہ تمام افسران اور سیکیورٹی اہلکاروں کو مقررہ سیکیورٹی طریقہ کار پر سختی سے عمل کرنا چاہیے۔

جناب راجیش کمار سنگھ نے وزارت کے سیکیورٹی دفتر کی جانب سے ان مفصل رہنما ہدایات کی تیاری کی کوششوں کو سراہا۔ انہوں نے سیکیورٹی اہلکاروں اور افسران سے اپیل کی کہ وہ ان ہدایات کے مؤثر نفاذ کو یقینی بنائیں اور کہا کہ یہ نیا مینوئل وزارت کے اندر محفوظ ماحول برقرار رکھنے میں مددگار ثابت ہوگا۔

 

************

 

ش ح ۔   م  د ۔  م  ص

(U :3592    )

(ریلیز آئی ڈی: 2237186) وزیٹر کاؤنٹر : 4