“বিকসিত ভারতকীদমক তেক্নোলোজিগী অওনবশিং অমসুং ফাইনান্স” থিমদা ২০২৬-২৭ গী বজেত মতুংগী ৱেবিনারদা প্রধান মন্ত্রী শ্রী নরেন্দ্র মোদীনা ৱা ঙাংখ্রে। প্রধান মন্ত্রীনা হায়খি মদুদি লৈবাক্কী বজেত অসি অতেনবা মতম অমগী ললোন-ইতিক্কী চে-চাং অমা ওইবগী মথক্ত থৌশিলগী লম্বী অমনি। ২০৪৭ ফাওবা বিকসিত ভারত অমগী পান্দম ফংনবা অপুনবা ওইনা থবক পায়খৎপা দরকার ওই।

প্রধান মন্ত্রীনা হায়খি মদুদি ইনফ্রাষ্ট্রকচর পাকথোক-চাউথোকপা, শেন্থং পীবা লাইহনবা, ললোন-ইতিক পাংথোকপা লাইহনবা অমসুং লৈবাক ঙাকপদা অরোন-অথুপ লৈহন্দবা হেনগৎহনবগুম্বা পেরামিতরশিংগী খুৎথাংদা বজেতকী কান্নবা ওনগনি, লোয়ননা মীয়ামগী পুন্সি হিংবদা লাইহনগনি অমসুং অনৌবা খুদোংচাবশিং পীগনি। বজেতকী ৱারেপশিংনা শেন্মিৎলোন্দা লেংদ্রবা মপাঙ্গল হাপকনি।

প্রধান মন্ত্রীনা হায়খি মদুদি বজেত অসি নাইতোম ওইনা য়েংলোইদবনি, মরমদি লৈবাক শেমগৎপা অসি লেপ্তনা চৎথবা থবক অমনি। বজেত খুদিংমক অচৌবা পান্দম অমদা চঙশিনবগী তাঙ্কক অমনি অমসুং ২০৪৭ ফাওবগী মনুংদা বিকসিত ভারত অমা শেমগৎনবা অচৌবা পান্দম থম্লি। মরম অদুনা, অওনবা খুদিংমক, শেন খায়দোকপা খুদিংমক অমসুং অহোংবা খুদিংমক খোঙচৎ অসিগী তৎন-থানবা য়াদ্রবা শরুক অমা ওইনা উগদবনি।

প্রধান মন্ত্রীনা হায়খি মদুদি চহি খুদিংগী পাংথোক্লিবা বজেত মতুংগী ৱেবিনারশিং য়াম্না মরুওই। হায়রিবা সেসনশিং অসি ইচম চম্বা অনৌবা ৱাখলশিং ফোঙদোক্নবা ওইবগী মথক্ত অফবা খন্ন-নৈন্নবগী থবক অমা ওইগদবনি। মরী লৈনবশিংগী লৌশিং অমসুং মায়োক্নখিবা অৱাবশিংদা য়ুম্ফম ওইদুনা শেন-থুমগী লাল্লোংশিং মখা তানা ফগৎহনবা অমসুং পাম্বৈশিং পুথোকপদা শোইদনা মতেং পাংগনি। উদ্যোগ, মহৈলোয়শঙ, নৈনরোয়শিং অমসুং থৌশিল শেম্লিবশিং পুনশিনবা মতমদা, স্কিমশিং থবক ওইনা পায়খৎপা ফগৎগনি অমসুং ফলশিং ফজনা ফংগনি, মসিনা ৱেবিনারশিং পরিং নাইনা পাংথোকপগী নুঙগী ওইবা ৱাখল্লোন্নি।

প্রধান মন্ত্রীনা হায়খি মদুদি ২১সুবা চহিচাগী ক্বাতর অমা হৌখ্রে, থবক তৌরিবশিংগী পুন্সিগী মরুওইবা তাঙ্কক অমনি। লৈবাক অসি হৌজিক মসিগী চাউখৎপগী খোঙচৎকী মরুওইবা তাঙ্কক অমদা লৈরি, শেন-থুম য়াম্না য়াংনা মাঙলোমদা চঙশিল্লি। হৌখিবা চহি কয়াদা ভারতনা তোপ-তোপ্পা অৱা-অনা কয়া মায়োক্নখ্রে। খুমাঙচাউশিনবা অসি তাঞ্জা চাবদগী ওইখিবা নত্তে, মসি থাজবা য়ারবা অওনবশিংনা পুরকখিবনি। ঐখোয়না থবকশিং লাইথোকহল্গে, ললোন-ইতিক পাংথোকপা লাইহল্লে, লৈবাক ঙাকপদা তেক্নোলোজি শীজিন্নবা হেনগৎলে, অমসুং লোয়শঙশিং মপাঙ্গল কনখৎহল্লে; অমসুং ঙসি ফাওবা, লৈবাক অসি ‘রিফোর্ম এক্সপ্রেস’ তোংলি।

প্রধান মন্ত্রীনা হায়খি মদুদি ভারতকী চাউখৎপগী হৌজিক লৈরিবা তাঙ্কক অসিদা অফবা থবক পাংথোক্নবা লেপ্পা লৈতনা মীৎয়েং চঙবা দরকার ওই। অওনবশিং করি ফিবমদা লৈরিবগে হায়না য়েংশিনবদা লাউথোকখিবশিংদা য়ুম্ফম ওইরোইদবনি, মখোয় থবক ওইনা পাংথোকপদা য়েংগদবনি। মীয়ামগী থবক পাংথোকপদা মরম চানবা অমসুং খোঙজেল য়াংখৎনবা অমসুং অরোনবা লৈতনবা এ.আই, ব্লোকচেন অমসুং দেতা এনালাইতিক্সশিং হাপচিনগদবনি। অৱাবশিং কোকহন্নবা য়েংশিনবগী থবকশিংগী খুৎথাংদা পীরিবা কান্নবা য়েংশিনগদবনি।

প্রধান মন্ত্রীনা হায়খি মদুদি মতম শাংনা কান্নবা পীগদবা থবকশিং পায়খৎনবা সরকারনা থবক পায়খৎলে। শেমগৎ-শাগৎলিবশিং অসিনা মখা তানা তুংগী চহি কয়া কান্নবা পীগনি। মরম অসিগীদমক, পব্লিক কেপিতেল এক্সপেন্দিচর মখা তানা হেনগৎলে। হৌখিবা চহি ১১ দা, লুপা করোর লাখ ২ দগী লুপা করোর লাখ ১২ দা চহি অসিগী বজেত্ত হেনগৎলে। ইনফ্রাষ্ট্রকচর অমসুং ইন্নোবেসন্দা লনাই কাংবু শরুক য়াবা হেনগৎলক্কনি হায়বগী নাখৈ শেংবা ঈঙ্গিৎ অমা থাদরিবা শেনফম অসিনা তাক্লে।

প্রধান মন্ত্রীনা হায়খি মদুদি অনৌবা থৌনাগা লোয়ননা উদ্যোগ অমসুং শেন-থুমগী লোয়শঙশিং থোক্লক্কদবনি। ইনফ্রাষ্টকচরদা হেন্না শরুক য়াবা, শেন-থুমগী নমুনাশিংদা হেন্না অনৌবা পুথোকপা অমসুং অনৌবা হিরমশিংদা হেন্না পুন্না থবক তৌমিন্নবা দরকার ওই। প্রোজেক সেঙ্কসন তৌবগী মওং অমসুং মগুন লৈহনবগী থবক হেন্না ফগৎহনগদবনি, শেন মাঙবা অমসুং মতম থেংথবা লৈতনবা শেন চঙবা নৈনবা অমসুং চঙগদৌরিবা শেনফম অদুনা প্রোজেক্কী পুন্সি কয়া য়াম্না শাংগনি হায়বা য়েংগদবনি।

ফাইনান্সিএল ফ্রেমৱার্ককী মতাংদা, প্রধান মন্ত্রীনা হায়খি থবকশিংগী ফল মাঙজৌননা খঙবা ঙম্নবা অমসুং শেন থাদবদা নুংঙাইনবা মপান লৈবাকশিংদগী শেন থাদরকপা সরকারনা মখা তানা লাইথোকহল্লে। বোন্দ মার্কেতশিং হেন্না ফগৎনবা অমসুং বোন্দশিং লৈবা অমসুং য়োনবা লাইহন্নবা থবকশিং পায়খৎলি। পায়খৎলিবা অওনবশিং অসি মতম শাংনা চাউখৎনবা তঙাইফদবনি। ফলশিং মাঙজৌননা খঙবা ঙম্নবা, লিকুইদিতি ফগৎনবা অমসুং খুদোংথিবশিং ফজনা থেংন্নবা অনৌবা খুৎলায়শিং শীজিন্নবা হৌদোকপা অমসুং মপানগী শেনফমশিং লাকহনবা দরকার ওই। বোন্দ মার্কেত অমসুং মপান লৈবাক্তগী শেন থাদরকপা হেনগৎনবা মালেমগী খ্বাইদগী ফবা থবকশিংদগী মরী লৈনবশিংনা তমগদবনি। 

প্রধান মন্ত্রীনা হায়খি মপান লৈবাক্তগী শেন থাদরকপা হেনগৎনবা চৎন-কাংলোনশিং মখা তানা লাইথোকহন্নবা লাউথোক্লে। লাল্লোংশিংগী মনুংদা প্রোজেক্কী শেন চঙবা নৈনবা অমসুং চঙগদৌরিবা শেনফম অদুনা প্রোজেক্কী পুন্সি কয়া য়াম্না শাংগনি হায়না নৈনবগী খুৎথাংদা প্রোজেক সেঙ্কসন তৌবগী মওং অমসুং মগুন লৈহনবগী থবক হেন্না ফগৎহনবা, বোন্দ মার্কেতশিং ফগৎহনবা অমসুং বোন্দ লৈবা-য়োনবগী থবকশিং লাইথোকহনবা য়াওরি। থবকশিং অসিনা ফলশিং মাঙজৌননা খঙবা ঙমগনি অমসুং ইনভেষ্টরশিং শেন থাদরকপদা খুদোংচাগনি।

প্রধান মন্ত্রীনা হায়খি মদুদি থৌশিল অমনা ঙাক্লৌ অমা শেম্বা মতমদা, মসি মাইপাকপা মরী লৈনবশিং থৱায় য়াওনা শরুক য়াবগী মখা পোল্লি। নৌনা শেন থাদবা অমসুং ইন্নোবেসনগা লোয়ননা উদ্যোগশিং মাঙলোমদা চঙশিনগদবনি, থবক ওইনা পাংথোকপা য়াবা পাম্বৈশিং শেম-শানবা অমসুং কৈথেলগী থাজবা হেনগৎহন্নবা শেন-থুমগী লোয়শঙশিং অমসুং নৈনবা মীওইশিংনা মতেং পাংগদবনি। সরকার, উদ্যোগ, অমসুং লৌশিং পুন্না মাঙলোমদা চঙশিনবা মতমদা, অওনবশিংগী ফলশিং ফংগনি, মতম অদুদা লাউথোকখিবশিংগী থবক ওইনা পায়খৎপা উগনি।

প্রধান মন্ত্রীনা হায়খি মদুদি সরকার, উদ্যোগ, শেন-থুমগী লোয়শঙশিং অমসুং মহৈলোয়শঙশিংগী মরক্ত ৱারেপ অমা লৌদুনা, “রিফোর্ম পার্তনরশিপ চার্তর” অমা শেমগৎকদবনি। বজেত মতুংগী ৱেবিনারশিংগী পান্দমদি মখা তানা বজেতগী ৱাফমশিং খন্নবা নত্তে, মসিনা থবক ওইনা পায়খৎপা য়াংখৎহনগদবনি অমসুং লাইহনগদবনি।

প্রধান মন্ত্রীনা হায়খি মদুদি বজেত অসিনা পীরিবা অনৌবা খুদোংচাবশিং শেন-থুমগী লোয়শঙশিং, কৈথেলশিং, উদ্যোগ, শীনফম কয়াগী মীওইশিং অমসুং ইন্নোবেতরশিংনা লৌগদবনি। মখোয়না থৱায় য়াওনা শরুক য়াবনা স্কিমশিং পায়খৎপা হেনগৎহনগনি। মখোয়না পীরকপা পাউতাক অমসুং মতেংনা অফবা ফলশিং ফংগনি। বিকসিত ভারত অমগী মঙলান মঙফাওনবা ঙম্নবা অওনবা পুরক্নবা অমসুং পুন্না চাউখৎমিন্ননবা মীওই খুদিংমক্না হোৎনগদবনি।

ঙসিগী খন্ন-নৈনবশিংদা মপুংফানা থাজবা থম্লদুনা, প্রধান মন্ত্রীনা হায়খি মদুদি থবকশিং লাইহন্নবা মীৎয়েং চঙগদবনি। বজেত মমাংদা খন্নখিবশিং হেন্না মশক থোকহন্নবা খন্নগদবনি, অরাইবা লম্বীশিংগী খুৎথাংদা অথুবা মতমদা থবক ওইনা পাংথোক্নবা বজেতকী লম্বী শেম্নবা বজেত মতুংগী ৱেবিনারশিং পায়খৎপনি। ৱাখলদা অপুনবা ওইনা কান্নবা ফংনবা করিগুম্বা মরী লৈনবশিংনা থবক পাংথোক্লবদি, ৱেবিনারশিং অসিনা অফবা শেন্মিৎলোন অমগী থোঙশিং হাংদোক্কনি।

This year’s Union Budget lays the roadmap for Viksit Bharat, driven by technology, reforms and finance. Addressing a post-budget webinar. https://t.co/U1NJX7Byr0

— Narendra Modi (@narendramodi) February 27, 2026

हमने Processes को सरल किया है, Ease Of Doing Business को बेहतर बनाया है, Technology-Led Governance का विस्तार किया है, Institutions को मजबूत किया है और आज भी देश Reform Express पर सवार है: PM @narendramodi

— PMO India (@PMOIndia) February 27, 2026

पिछले एक दशक में infrastructure पर हमारा बहुत focus रहा है।

हमने सोच-समझकर ये फैसला किया कि भारत का विकास... Highways, Railways, Ports, Digital Network, Power Systems जैसे ठोस Assets को तैयार करके ही होगा।

ये आने वाले कई दशकों तक Productivity पैदा करेंगे।

इसी वजह से Public…

— PMO India (@PMOIndia) February 27, 2026

जब Government, Industry और Knowledge Partners एक साथ आगे बढ़ते हैं, तब Reforms Results में बदलते हैं।

तभी Announcements जमीन पर Achievements बन जाते हैं: PM @narendramodi

— PMO India (@PMOIndia) February 27, 2026

***