نوجوانوں کے امور اور کھیل کود کی وزارت
مرکزی وزیر مملکت برائے کھیل رکشا کھڈسے نے خواتین کے عالمی دن کے موقع پرایک منفرد ملک گیر اے ایس ایم آئی ٹی اے لیگ کا اعلان کیا، کھیلو انڈیا اور مائی بھارت کی مشترکہ کوشش
مورخہ 8مارچ کو، ایس اے آئی اور مائی بھارت کی مشترکہ کوشش، تقریبات بیک وقت 250 مقامات پر منعقد کی جائیں گی، جس میں 13 سے کم عمر، 13-18 اور 18سے زائد زمروں کے ایتھلیٹکس پر توجہ مرکوز کی جائے گی
اس کا مقصد گاؤں اور چھوٹے شہروں میں لڑکیوں کو کھیلوں کو ایک کیریئر کے طور پر اپنانے کی ترغیب دینا ہے جیسا کہ ہمارے وزیر اعظم نریندر مودی کا تصور ہے
پوسٹ کرنے کی تاریخ:
02 MAR 2026 5:28PM by PIB Delhi
کھیلوں میں خواتین کو منانے کی ایک منفرد پہل کے تحت، 8 مارچ کو خواتین کے عالمی دن کو منانے کے لیے مرکزی وزارت برائے امور نوجوانان اور کھیل ’اے ایس ایم آئی ٹی اے ‘پروگرام کے تحت 250 مقامات پر ملک گیر ایتھلیٹکس لیگ کا انعقاد کیا جائے گا۔
میجر دھیان چند نیشنل اسٹیڈیم میں منعقدہ ایک میڈیا کانفرنس میں محترمہ کھڈسے نے کہا، ’’پورے ملک میں ہماری نوجوان خواتین کو مربوط کرنے کا اس سے بہتر موقع نہیں ہو سکتا اور اے ایس ایم آئی ٹی اے پلیٹ فارم جو پہلے ہی ملک کے طول و عرض میں مقبولیت حاصل کر رہا ہے، اس سے بہتر ٹول اور کیا ہو سکتا ہے۔‘‘
اے ایس ایم آئی ٹی اے کھیلو انڈیا کے صنفی غیرجانبدار مشن کا حصہ ہے جو لیگ اور مقابلوں کے ذریعے خواتین کے درمیان کھیلوں کو فروغ دیتا ہے۔ اسپورٹس اتھارٹی آف انڈیا (ایس اے آئی ) زونل اور قومی دونوں سطحوں پر متعدد عمر کے گروپوں میں کھیلو انڈیا خواتین کی لیگز کے انعقاد کے لیے نیشنل اسپورٹس فیڈریشنز کی حمایت کرتی ہے۔ 2021 میں شروع ہونے والی، اے ایس ایم آئی ٹی اے لیگوں کا مقصد نہ صرف کھیلوں میں خواتین کی شرکت کو بڑھانا ہے بلکہ لیگوں کو ہندوستان کے طول و عرض میں نئے ٹیلنٹ کی شناخت کے پلیٹ فارم کے طور پر استعمال کرنا ہے۔
اب تک ملک کے 550 سے زائد اضلاع اور 700 شہروں میں 34 کھیلوں کے شعبوں میں 2600 سے زائد لیگز کا انعقاد کیا جا چکا ہے۔ اہم بات یہ ہے کہ اے ایس ایم آئی ٹی اے شمال مشرق میں اروناچل پردیش اور میزورم کی طرح ملک کے سب سے دور کونے تک پہنچ چکی ہے۔ اس کا انعقاد ان علاقوں میں بھی کیا گیا ہے جو کبھی نکسل ازم کا شکار تھے۔ 300,000 سے زیادہ خواتین نے حصہ لیا۔
محترمہ کھڈسے نے کہا کہ ملک بھر میں 250 مقامات پر ایونٹس کا انعقاد کیا جائے گا، جس میں انڈر 13، 13-18 سال اور 18سے زائد زمروں کے ایتھلیٹکس (100میٹر، 200میٹر، 400میٹر) پر توجہ دی جائے گی۔ ہر مقام پر 5 تکنیکی اہلکار، 10 رضاکار، ایک مقابلہ منیجر، ایک پی سی اے (ماضی کا چیمپئن ایتھلیٹ) اور ڈسٹرکٹ یوتھ آفیسر تعینات کیا جائے گا۔ توقع ہے کہ عالمی یوم خواتین منانے کے لیے ایک ہی دن ریکارڈ 2,50,000 خواتین شرکت کریں گی۔
یہ پہل مائی بھارت ، کھیلو انڈیا سینٹر، ایس اے آئی ایکو سسٹم اور این سی اوای ایس ، ریاستی اور ضلعی کھیلوں کی ایسوسی ایشنز کے ساتھ ساتھ ضلعی یوتھ آفیسرز کے تعاون سے نافذ کی جائے گی۔
سمٹ سے خطاب کرتے ہوئے محترمہ کھڈسے نے کہا کہ لیگ کا اہتمام شمال مشرقی ریاستوں سمیت 30 سے زیادہ ریاستوں اور مرکز کے زیر انتظام علاقوں میں کیا جائے گا۔ اس کا مقصد گاؤں اور چھوٹے شہروں میں زیادہ سے زیادہ لڑکیوں کو کھیلوں کو کیریئر کے طور پر اپنانے کی ترغیب دینا ہے جیسا کہ ہمارے وزیر اعظم نریندر مودی نے تصور کیا ہے۔
جیسا کہ ہندوستان دولت مشترکہ کھیل 2030 کی تیاری کر رہا ہے اور 2036 کے اولمپک کھیلوں کی میزبانی کے اپنے عزائم کے ساتھ ہے، محترمہ کھڈسے نے کہا، ’ہمیں یہ سمجھنا چاہیے کہ تیاری ضلعی سطح سے شروع ہوتی ہے۔ اولمپک کھیلوں کی میزبانی کے لیے بنیادی ڈھانچے سے زیادہ ضرورت ہوتی ہے۔ اس کے لیے ہندوستان کے ہر ضلع میں تربیت یافتہ انسانی وسائل کی ضرورت ہوتی ہے۔ اس کے لیے بین الاقوامی تکنیکی افسروں کی ضرورت ہوتی ہے۔ یوم خواتین کا اقدام اسی تیاری کا حصہ ہے۔
250 مختلف مقامات پر ہونے والے ہر ایتھلیٹکس ایونٹ میں خواتین تکنیکی عہدیداران، ترقیاتی ورکشاپس اور ایتھلیٹکس فیڈریشن آف انڈیا سے منسلک عہدہ سازی کے اصولوں کے ساتھ ساتھ ڈیجیٹل ڈیٹا اپ لوڈ اور مسابقتی دستاویزات کی تربیت بھی شامل ہوگی تاکہ صلاحیت کی تعمیر کو یقینی بنایا جاسکے۔
ش ح ۔ ال ۔ ع ر
UR-3284
(ریلیز آئی ڈی: 2234698)
وزیٹر کاؤنٹر : 8