بلاک چین انڈیا چیلنج کا آغاز 23فروری (بروز پیر) 2026کو نئی دہلی میں الیکٹرانکس اور اطلاعاتی تکنالوجی کی وزارت (ایم ای آئی ٹی وائی)میں، الیکٹرانکس اور اطلاعاتی تکنالوجی کی وزارت کے سکریٹری جناب ایس کرشنن آئی اے ایس کے ذریعہ کیا گیا۔ اس موقع پر تقریب کےد وران ایم ای آئی ٹی وائی کے ایڈشنل سکریٹری جناب ابھیشک سنگھ، ایم ای آئی ٹی وائی کے جوائنٹ سکریٹری جناب سدیپ شری واستو، ایم ای آئی ٹی وائی کی گروپ کو آرڈینیٹر محترمہ سنیتا ورما، ایم ای آئی ٹی وائی کے گروپ کوآرڈینیٹر جناب منوج کمار جین، سائنٹسٹ جی اینڈ سینٹر ہیڈ، سی-ڈی اے سی حیدرآباد، محترمہ پی آر لکشمی ایشوری اور ایم ای آئی ٹی وائی اور سی-ڈی اے سی کے دیگر افسران بھی موجود تھے۔  اس تقریب میں مختلف سرکاری محکموں اور اسٹارٹ اپس کی شرکت بھی ملاحظہ کی گئی۔

اس چنوتی کو سی-ڈی اے سی ایم ای آئی ٹی وائی کے تعاون سے نافذ کر رہا ہے۔ بلاک چین انڈیا چیلنج ایک قومی پہل قدمی ہے جس کا مقصد بصیرت والے ہندوستانی سٹارٹ اپس کو بلاکچین پر مبنی ڈیجیٹل گورننس کے جدید حلوں کو پچ اور پائلٹ کرنے کی ترغیب دینا ہے۔ بلاک چین انڈیا چیلنج کا مقصد سرکاری استعمال کے معاملات کے لیے ریگولیٹری کنٹرول اور سکیورٹی (ٹرسٹ، قابل محاسبہ اور چھیڑ چھاڑ سے متعلق ریکارڈ) کو ترجیح دیتے ہوئے اجازت یافتہ بلاک چین پر مبنی حل تیار کرنا ہے۔ بلاک چین انڈیا چیلنج کلیدی شعبوں جیسے ای پروکیورمنٹ، سپلائی چین مینجمنٹ، عوامی نظام تقسیم، تعلیم، حفظانِ صحت ، زراعت، پاور، انٹرنیٹ آف تھنگز (آئی او ٹی)، زمینی ریکارڈ، ماحولیات اور پائیداری جیسے اہم ڈومینز میں اہم گورننس اور سروس ڈیلیوری چیلنجوں سے نمٹنے پر توجہ مرکوز کرتا ہے۔ یہ ڈومین اشارے ہیں اور محدود نہیں، سٹارٹ اپس درج شدہ علاقوں سے ہٹ کر سرکاری محکموں کے ساتھ مل کر مؤثر حل تجویز کر سکتے ہیں۔

بلاک چین انڈیا چیلنج کے دوران مجمع سے خطاب کرتے ہوئے ایم ای آئی ٹی وائی کے سکریٹری نے کہا کہ بلاک چین سرکاری خدمات میں ایک اہم کردار ادا کرتی ہے، اور مختلف ذرائع میں تصدیق کی اہلیت کے پہلوؤں اور حق کے واحد وسیلے کو یقینی بناکر شفافیت اور اثرانگیزی لاتی ہے۔ انہوں نے کہا کہ 10 شناخت شدہ یوز کیس زمروں کے علاوہ، اسٹارٹ اپس سرکاری محکموں سے متعلقہ کسی بھی دوسرے مؤثر استعمال کیس کو تلاش کر سکتے ہیں۔ انہوں نے سی – ڈی اے سی اور ایم ای آئی ٹی وائی کی ٹیموں سے کہا کہ وہ تمام اسٹارٹ اپ کمیونٹی میں بلاک چین انڈیا چیلنج کے وسیع تر پھیلاؤ کی سمت کام کریں اور اسے سرکاری محکموں کے لیے فیلڈ کے لیے تیار اور قابل استعمال استعمال کے معاملات کی ترقی کی طرف لے جائیں، جن کو پورے ہندوستان میں مزید بڑھایا جا سکتا ہے۔

چیلنج کے ایک حصے کے طور پر، سرکاری محکموں کے تعاون سے ڈی پی آئی آئی ٹی کے تسلیم شدہ اسٹارٹ اپس کو اپنے خیالات کو حقیقی دنیا میں، اعلیٰ اثر والے حل میں تبدیل کرنے کا موقع ملے گا۔ منتخب اسٹارٹ اپس کو سرکاری محکموں کے لیے 10 مختلف زمروں کے تحت بلاک چین پر مبنی دس (10) مؤثر استعمال کے کیسز تیار کرنے کے لیے مرحلہ وار فنڈنگ ​​سپورٹ ملے گی۔ تفصیلات https://challenge.cdac.in  پر دستیاب ہیں۔

اہل اسٹارٹ اپس کو بلاک چین انڈیا چیلنج میں شرکت کے لیے مدعو کیا جاتا ہے اور سرکاری محکموں کے ساتھ مل کر شناخت شدہ درخواست کے علاقوں کے لیے حل تیار کرنے کے لیے اپنے اختراعی آئیڈیاز پیش کیے جاتے ہیں۔ اسٹارٹ اپس سے درخواست کی جاتی ہے کہ وہ بلاک چین انڈیا چیلنج مصروفیات پر باقاعدہ اپ ڈیٹس حاصل کرنے کے لیے فوری طور پر سائن اپ کریں۔ اہلیت کے معیار، رجسٹریشن کے عمل، یوز کیسز، رہنما خطوط، حقوق برائے املاک دانشوراں (آئی پی آر)، اور دیگر متعلقہ تفصیلات کے بارے میں تفصیلی معلومات کے لیے  براہِ کرم آفیشل چیلنج ویب سائٹ پر جائیں: https://challenge.cdac.in

**********

 (ش ح –ا ب ن)

U.No:3002

(ریلیز آئی ڈی: 2232397) وزیٹر کاؤنٹر : 7