فٹ ویئر ڈیزائن اینڈ ڈیولپمنٹ انسٹی ٹیوٹ نے حیدرآباد میں اپنی 5ویں کانووکیشن تقریب کا انعقاد کیا۔ مرکزی وزیر کوئلہ اور کان کنی، حکومت ہند جناب جی کشن ریڈی نے اس موقع پر بطور مہمان خصوصی شرکت کی۔ اپنے کانووکیشن کے خطاب میں، وزیر نے مینوفیکچرنگ، اختراعات اور ہنرمندی کی ترقی میں بھارت کی ترقی پر روشنی ڈالی۔

انہوں نے مائیکرو، سمال اینڈ میڈیم انٹرپرائزز کی روزگار پیدا کرنے، برآمدات اور ترقی میں جوتے اور چمڑے کے شعبے کے تعاون کو نوٹ کیا۔ انہوں نے فارغ التحصیل طلباء کی حوصلہ افزائی کی کہ وہ بھارت کی عالمی مسابقت کو مضبوط بنانے کے لیے ٹیکنالوجی، پائیداری اور ڈیزائن کی اختراع کو اپنائیں۔

منیجنگ ڈائریکٹر،ایف ڈی ڈی آئیجناب وویک شرما نے گریجویٹس کو مبارکباد دی اور عالمی سطح پر قابل پیشہ ور افراد کو تیار کرنے کے لیے ادارے کے عزم کا اعادہ کیا۔ انہوں نے طلباء پر زور دیا کہ وہ اپنے پیشہ ورانہ سفر میں جدت، پائیداری، اخلاقی طریقوں اور ڈیزائن سوچ کو برقرار رکھیں۔

تقریب کا آغاز ایگزیکٹو ڈائریکٹر،ایف ڈی ڈی حیدرآباد، ڈاکٹر تیج لوہت ریڈی کے خطبہ استقبالیہ سے ہوا، جنہوں نے 2018 میں حیدرآباد کیمپس کے قیام کے بعد سے اس کی ترقی کا خاکہ پیش کیا۔ 2025 کے بیچ میں فیشن ڈیزائن، فٹ ویئر ڈیزائن، چمڑے کے سامان اور لوازمات کے ڈیزائن، اور انتظامی پروگراموں سے گریجویشن کرنے والے 72 طلباء شامل تھے۔

تعلیمی قابلیت کے اعتراف میں ہونہار طلباء کو گولڈ اور سلور میڈل سے نوازا گیا۔ کانووکیشن میں معززین، فیکلٹی ممبران، صنعت کے نمائندوں اور والدین کی موجودگی میں فارغ التحصیل طلباء سے حلف لیا گیا اور انہیں ڈگریاں دی گئیں۔

مقررین نے نوٹ کیا کہ ایف ڈی ڈی ہنر کی نشوونما، تحقیق، اختراعات اور صنعت کی مصروفیت کے ذریعے جوتے، چمڑے، فیشن اور خوردہ ماحولیاتی نظام میں اپنا حصہ ڈال رہا ہے۔ انسٹی ٹیوٹ کی توجہ پائیدار طریقوں کو فروغ دینے، انٹرپرینیورشپ اور ڈیزائن اور مینوفیکچرنگ میں عالمی معیارات کی پابندی پر مرکوز ہے۔

***

(ش ح۔اص)

UR No 2930

(ریلیز آئی ڈی: 2231918) وزیٹر کاؤنٹر : 7