ಕೃತಕ ಬುದ್ಧಿಮತ್ತೆಯು ಪ್ರಯೋಗಗಳನ್ನು ಮೀರಿ ಆರ್ಥಿಕತೆ, ಆಡಳಿತ ಮತ್ತು ದೈನಂದಿನ ಜೀವನವನ್ನು ರೂಪಿಸುವ ವ್ಯವಸ್ಥೆಗಳತ್ತ ಸಾಗುತ್ತಿರುವ ಸಮಯದಲ್ಲಿ, ಎಐ ಇಂಪ್ಯಾಕ್ಟ್ ಶೃಂಗಸಭೆ 2026 ರಲ್ಲಿ ನಡೆದ "ಸಮತೋಲನದಲ್ಲಿ ಮಾನವತೆ - ಎಐ ಯುಗದಲ್ಲಿ ನಾವೀನ್ಯತೆ ಮತ್ತು ನೈತಿಕತೆ " ಎನ್ನುವ ಅಧಿವೇಶನವು ನಿರ್ಣಾಯಕ ವಾದವನ್ನು ಮಂಡಿಸಿತು: ನಂಬಿಕೆಯು ನಾವೀನ್ಯತೆಯ ನಂತರದ ಪರಿಣಾಮವಲ್ಲ, ಅದು ಮೂಲಭೂತ ಅವಶ್ಯಕತೆಯಾಗಿದೆ. ಬಹುರಾಷ್ಟ್ರೀಯ ಸಂಸ್ಥೆಗಳು, ಶಾಸಕಾಂಗಗಳು, ಉದ್ಯಮ ಮತ್ತು ಸಾರ್ವಜನಿಕ ನೀತಿಯ ನಾಯಕರನ್ನು ಒಟ್ಟುಗೂಡಿಸಿ, ಈ ತಂತ್ರಜ್ಞಾನವನ್ನು ಪ್ರಜಾಸತ್ತಾತ್ಮಕವಾಗಿ ನಿಯೋಜಿಸಬೇಕಾದರೆ ಮತ್ತು ನಿಜವಾದ ಸಾಮಾಜಿಕ ಮೌಲ್ಯವನ್ನು ನೀಡಬೇಕಾದರೆ ನೈತಿಕ ಪರಿಗಣನೆಗಳು, ಮಾನವ ಮೇಲ್ವಿಚಾರಣೆ ಮತ್ತು ಅಪಾಯ ಆಧಾರಿತ ನಿಯಂತ್ರಣವನ್ನು ಕೃತಕ ಬುದ್ಧಿಮತ್ತೆ (ಎಐ) ಯ ರಚನೆಯಲ್ಲಿ ಅಳವಡಿಸಿಕೊಳ್ಳಬೇಕು ಎಂದು ಖಚಿತಪಡಿಸಿಕೊಳ್ಳುವ ಅಗತ್ಯತೆಯ ಕುರಿತು ಚರ್ಚೆಯು ಕೇಂದ್ರೀಕೃತವಾಗಿತ್ತು.

ನೈತಿಕತೆ ಮತ್ತು ನಾವೀನ್ಯತೆಯನ್ನು ಸ್ಪರ್ಧಾತ್ಮಕ ಆದ್ಯತೆಗಳಾಗಿ ರೂಪಿಸುವ  ಬದಲು, ಭಾಷಣ ಮಾಡಿದವರು ಅವುಗಳನ್ನು ಅಳವಡಿಕೆ, ಪರಿಣಾಮ ಮತ್ತು ದೀರ್ಘಕಾಲೀನ ಸ್ಪರ್ಧಾತ್ಮಕತೆಗೆ ಪರಸ್ಪರ ಬಲಪಡಿಸುವ ಅಂಶಗಳಾಗಿ ಪ್ರಸ್ತುತಪಡಿಸಿದರು. ಚರ್ಚೆಯು ಸಂಕ್ಷಿಪ್ತ ಅಂಶಗಳನ್ನು ಮೀರಿ ಪ್ರಾಯೋಗಿಕ ಪ್ರಶ್ನೆಗಳಿಡೆಗೆ ಹೊರಳಿತು: ಉತ್ಪನ್ನಗಳಿಗೆ ಪಾರದರ್ಶಕತೆಯನ್ನು ಹೇಗೆ ತರುವುದು, ಹಾನಿಯನ್ನು ಬದಲಾಯಿಸಲಾಗದ ಸ್ಥಿತಿಗೆ ಮೊದಲು ಕ್ರಮ ತೆಗೆದುಕೊಳ್ಳುವ ನಿಯಂತ್ರಕ ವ್ಯವಸ್ಥೆಗಳನ್ನು ಹೇಗೆ ರಚಿಸುವುದು ಮತ್ತು ಹೆಚ್ಚಿನ ಅಪಾಯದ ಪರಿಸರದಲ್ಲಿ ಜನರೇ ನಿರ್ಧಾರ ತೆಗೆದುಕೊಳ್ಳುವ ವ್ಯವಸ್ಥೆ ಉಳಿಸಿಕೊಳ್ಳುವುದನ್ನು ಹೇಗೆ ಖಚಿತಪಡಿಸಿಕೊಳ್ಳುವುದು. ಎಲ್ಲಾ ವಲಯಗಳು ಮತ್ತು ಪ್ರದೇಶಗಳಲ್ಲಿ, ಪ್ರಮುಖ ಸಂದೇಶವು ಸ್ಪಷ್ಟವಾಗಿತ್ತು: ಎಐ ಸ್ಪಷ್ಟವಾಗಿ ಜವಾಬ್ದಾರಿಯುತ, ವಿವರಿಸಬಹುದಾದ ಮತ್ತು ಮಾನವ ಫಲಿತಾಂಶಗಳೊಂದಿಗೆ ಸ್ಥಿರವಾಗಿದ್ದರೆ ಮಾತ್ರ ಅದನ್ನು ನಂಬಲಾಗುತ್ತದೆ. 

ಯುರೋಪಿಯನ್ ಪಾರ್ಲಿಮೆಂಟ್ ಸದಸ್ಯ ಬ್ರಾಂಡೊ ಬೆನಿಫೀ, ಹಿಂದಿನ ತಂತ್ರಜ್ಞಾನ ಚಕ್ರಗಳಲ್ಲಿ ವಿಳಂಬವಾದ ನಿಯಂತ್ರಣದ ವೆಚ್ಚವನ್ನು ಉಲ್ಲೇಖಿಸಿದರು ಮತ್ತು ಎಐಗಾಗಿ ಮಾಪನಾಂಕ ನಿರ್ಣಯಿಸಿದ, ಅಪಾಯ ಆಧಾರಿತ ವಿಧಾನಕ್ಕೆ ಕರೆ ನೀಡಿದರು. ಆರೋಗ್ಯ ರಕ್ಷಣೆ, ಕಾರ್ಯಪಡೆಯ ನಿಯೋಜನೆ ಮತ್ತು ಆಡಳಿತಾತ್ಮಕ ನಿರ್ಧಾರ ತೆಗೆದುಕೊಳ್ಳುವಿಕೆಯಂತಹ ಹೆಚ್ಚಿನ ಪ್ರಭಾವ ಬೀರುವ ಕ್ಷೇತ್ರಗಳಿಗೆ ಬಲವಾದ ಮೇಲ್ವಿಚಾರಣೆಯ ಅಗತ್ಯವಿದೆ ಎಂದು ಅವರು ಗಮನಿಸಿದರು, ಪಾರದರ್ಶಕತೆ, ದತ್ತಾಂಶ ಗುಣಮಟ್ಟ, ಸೈಬರ್ ಭದ್ರತೆ ಮತ್ತು ಸ್ಪಷ್ಟ ಆಡಳಿತ ಅತ್ಯಗತ್ಯ ಏಕೆಂದರೆ "ವಿಶ್ವಾಸವಿಲ್ಲದೆ, ಎಐನ  ಪ್ರಜಾಸತ್ತಾತ್ಮಕ ಅಳವಡಿಕೆ ಅಸಾಧ್ಯ" ಎಂದು ಹೇಳಿದರು.

ಹಾನಿ ಸಂಭವಿಸಿದ ನಂತರ ಹಿಂದಿನಿಂದ ಅನ್ವಯಿಸುವ ಬದಲು ನೈತಿಕತೆಯನ್ನು ವಿನ್ಯಾಸದ ಹಂತದಲ್ಲಿ ಸಂಯೋಜಿಸಬೇಕು ಎಂದು ಯುನೆಸ್ಕೋದ ಸಂವಹನ ಮತ್ತು ಮಾಹಿತಿಯ ಸಹಾಯಕ ಮಹಾನಿರ್ದೇಶಕ ಡಾ. ತೌಫಿಕ್ ಜೆಲಾಸ್ಸಿ ಒತ್ತಿ ಹೇಳಿದರು. "ವಿನ್ಯಾಸದಿಂದ ನೈತಿಕ" ವ್ಯವಸ್ಥೆಗಳು ಹೆಚ್ಚು ವಿಶ್ವಾಸಾರ್ಹವಾಗುತ್ತವೆ, ಹೆಚ್ಚು ವ್ಯಾಪಕವಾಗಿ ಬಳಸಲ್ಪಡುತ್ತವೆ, ಆದ್ದರಿಂದ ಹೆಚ್ಚು ಪ್ರಭಾವಶಾಲಿಯಾಗುತ್ತವೆ ಎಂದು ಅವರು ಒತ್ತಿ ಹೇಳಿದರು, ಮಾನವ ಕೇಂದ್ರಿತ ನಾವೀನ್ಯತೆ ಸಂದರ್ಭೋಚಿತವಾಗಿರಬೇಕು ಮತ್ತು ಒಂದೇ ಗಾತ್ರಕ್ಕೆ ಹೊಂದಿಕೊಳ್ಳುವ-ಎಲ್ಲಾ ವಿಧಾನಗಳಿಗಿಂತ ವ್ಯಾಪಕವಾದ ಚೌಕಟ್ಟುಗಳಿಂದ ಮಾರ್ಗದರ್ಶಿಸಲ್ಪಡಬೇಕು ಎಂದು ಹೇಳಿದರು.

ನೀತಿ ಆಯೋಗದ ಡಿಸ್ಟಿಂಗ್ವಿಶ್ಡ್ ಫೆಲೋ ದೇಬ್ಜಾನಿ ಘೋಷ್, ತಂತ್ರಜ್ಞಾನದ ಬಳಕೆಗೆ ಸಂಬಂಧಿಸಿದಂತೆ ಈ ಚರ್ಚೆಯನ್ನು ನಾಗರಿಕ ಆಯ್ಕೆಯಾಗಿ ರೂಪಿಸಿದರು. ನಿಜವಾದ ಸವಾಲು ನಾವೀನ್ಯತೆ ಮತ್ತು ನೈತಿಕತೆ ನಡುವಿನ ಆಯ್ಕೆಯಲ್ಲ, ಅದರ ಬದಲು ಮೇಲ್ವಿಚಾರಣೆಯನ್ನು "ವಿನ್ಯಾಸದಿಂದ ವಾಣಿಜ್ಯೀಕರಣದವರೆಗೆ ಸಂಯೋಜಿಸಲಾಗಿದೆ ಎಂದು ಖಚಿತಪಡಿಸಿಕೊಳ್ಳುವುದು, ಇದರಿಂದಾಗಿ ನೈತಿಕತೆಯು ವಿನ್ಯಾಸದಿಂದ ಆಗುತ್ತದೆ, ನಂತರದ ಚಿಂತನೆಯಲ್ಲ’’ ಇದು ಸಂಸ್ಥೆಗಳು ಮತ್ತು ಅಭಿವರ್ಧಕರೊಂದಿಗೆ ಹೊಣೆಗಾರಿಕೆಯನ್ನು ನಿಶ್ಚಯವಾಗಿ ಇರಿಸುತ್ತದೆ ಎಂದು ಅವರು ಒತ್ತಿ ಹೇಳಿದರು.

ಸೇಲ್ಸ್ಫೋರ್ಸ್ನ ಮುಖ್ಯ ನೈತಿಕ ಮತ್ತು ಮಾನವೀಯ ಬಳಕೆಯ ಅಧಿಕಾರಿ ಮತ್ತು ಇವಿಪಿ ಪೌಲಾ ಗೋಲ್ಡ್ಮನ್, ಉದ್ಯಮ ನಿಯೋಜನಾ ದೃಷ್ಟಿಕೋನವನ್ನು ಚರ್ಚೆಯಲ್ಲಿ ತಂದರು, ಜನರು ವ್ಯವಸ್ಥೆಗಳು ಹೇಗೆ ಕಾರ್ಯನಿರ್ವಹಿಸುತ್ತವೆ ಎಂಬುದನ್ನು ನೋಡಲು, ಪ್ರಶ್ನಿಸಲು ಮತ್ತು ನಿಯಂತ್ರಿಸಲು ಸಾಧ್ಯವಾದಾಗ ಮಾತ್ರ ಸಂಸ್ಥೆಗಳು ಎಐ ಅನ್ನು ದೊಡ್ಡ ಪ್ರಮಾಣದಲ್ಲಿ ಕಾರ್ಯಗತಗೊಳಿಸಬಹುದು ಎಂದು ಒತ್ತಿ ಹೇಳಿದರು. ಅಂತರ್ನಿರ್ಮಿತ ವೀಕ್ಷಣೆ, ಜನರ ಕುಂದುಕೊರತೆ ಪರಿಹಾರ ಪ್ರಕ್ರಿಯೆಗಳು   ಮತ್ತು ಬಳಕೆದಾರರ ಆಯ್ಕೆಯ ಪ್ರಾಮುಖ್ಯತೆಯನ್ನು ಅವರು ಸೂಚಿಸಿದರು, ಕಂಪನಿಗಳು "ಜನರನ್ನು ಕೇಂದ್ರದಲ್ಲಿ ಇರಿಸಿದಾಗ, ಎಐ ವಾಸ್ತವವಾಗಿ ಸಹಾಯ ಮಾಡುವಲ್ಲಿ ಅವರಿಗೆ ಧ್ವನಿಯನ್ನು ನೀಡಿದಾಗ" ಅವರು ಯಶಸ್ವಿಯಾಗುತ್ತಾರೆ ಎಂದು ಹೇಳಿದರು.

ಅಂತಿಮವಾಗಿ, ಈ ಅಧಿವೇಶನವು ನೈತಿಕತೆಯನ್ನು  ಕೇವಲ ಅನುಸರಣಾ ಮಟ್ಟವಲ್ಲ,ಎಐ ಯುಗದ ಪ್ರೇರಕ ಶಕ್ತಿಯಾಗಿ ಇರಿಸಿತು. ಜಾಗತಿಕ ಆಡಳಿತ ಚೌಕಟ್ಟುಗಳಿಂದ ಉತ್ಪನ್ನ ಮಟ್ಟದ ವಿನ್ಯಾಸ ಆಯ್ಕೆಗಳವರೆಗೆ, ಭಾಷಣಕಾರರು ಒಂದೇ ತತ್ವದ ಮೇಲೆ ಒಮ್ಮತಕ್ಕೆ ಬಂದರು: ಜನರು ನಿರ್ಣಾಯಕ ಕ್ಷಣಗಳಲ್ಲಿ ಅದನ್ನು ನಂಬಬಹುದೇ ಎಂಬುದರ ಮೂಲಕ ಎಐ ನ ಭವಿಷ್ಯವನ್ನು ನಿರ್ಧರಿಸಲಾಗುತ್ತದೆ.

 

*****

(ಪ್ರಕಟಣೆ ಐ.ಡಿ.: 2231121) ವಿಸಿಟರ್ ಕೌಂಟರ್ : 2